DIILONGWEESH 43
I Mushind Kaay udy Biin Krist Batal Maal?
Ha bulab butuutul, baat bataatal maal mu mishind yishiil-shiilangan. Baat bakwaabw, i bakat kwiiman hadyobw ni balund baababw. Bakwaabw naabw, baleelek kwiiman. Bakwaabw bimanwaan ni bakol. Bibl uleeleebok biny bwa kun kwa maal?
1. Kun kwa maal, i kubiih eeny?
Bibl kiishoh bend mulekesh kun maal. Hady Bibl uleeb bwa bya bukish bidy Mawej mwiitwaakish, mu bya bukish eeby mudy ni “maal ma mviny masaasanguluj micim ya baat.” (Musambw 104:14, 15) Bibl uleeleeb bwa baat baakady balamat Yehow, baakady ban maal.—1 Timoteh 5:23.
2. I mibel kaay yidy Bibl utwaal bwa baat bakaakaam kun maal?
Yehow uleelekesh kun kwa maal kuhitish ni bukolavy. (Kalatih 5:21) Diiy dya Mawej dileeleeb neey: “Kwiiteek bend mu mulong a baakanwaay.” (Tusumw 23:20) Nook, tut mwa kun maal—ning tut ha kaayeet—katwiish mwa kun maal mu mushind udy meej mwa kwiitunyinguluk, mituleebesh may mabiih ni manyang makand miitut ma nyeet. Tut katuy ni Kwiikand hatunwaan maal, bikaam twiimalekoh bituh.
3. I mushind kaay utudy mwa kuneemek diihangadik dya bakwaabw habitaatal kun kwa maal?
Kun maal eecy kulek kwiiman, i diihangadik didy muut mwa kwiiyangacil kaayend. Katwiish mwa Kulumbulwiish muut unwaan maal anwiin, ni hady muut ulek kun maal katwiin mwa kumulongesh ku makand bwa iiman. (Biin Rom 14:10) Hady baat bakwaabw biitutal tun maal, bab bumvw bibiih, bikaam tulek kwiiman. (Balaay Biin Rom 14:21.) Bibl uleeleeb neey: “muut kalong waakaam bilengel bindiy kaayend, ki along bwa bakwaabw bamonoh bilengel.”—Balaay 1 Biin Korent 10:23, 24.
TWEEL MU BONDOK
Tal mudy may matam ma mu Bibl mwa kukwambulwiish bwiibuh kwangat diihangadik ning udy mwa kun maal eecy kulek kwiiman ni buuny bwa maal mawudy mwa kun. Cikwaabw, tal ciwudy mwa kulong ning udy ni ciibidil cya kukol maal.
4. Tal ning udy mwa kun maal
I mushind kaay waakady Yeez utal kun kwa maal? Bwa kuhet dyaalabul, tutal cishim cya kuuhal cilongel Yeez. Balaay Jah 2:1-11, ni isambilaay ha majooj aam:
-
I mushind kaay udy cishim eecy citwambulwiish bwa kumanyik mushind udy Yeez utal maal ni mushind udy baat biiman?
-
Yeez kiin mulekeshoh bend kun kwa maal, i mushind kaay udy biin Krist mwa kutal muut wiimanwaan?
Bibl wiitaatabil biin Krist bwa kun maal, ki mu myand yikwaabw kabiish bilengel bwa bab kun maal. Balaay Tusumw 22:3, ni isambilaay a mushind a kulond diiy ditam eedy mu myand yiloolond eey:
-
Hawendendesh mashiny eecy hawukaakal mudimw ni cyaamw kaahand.
-
Hady mwaan-mukaj mwiikal ni diifw.
-
Hady dokteer ukulekesh kun kwa maal.
-
Hawudy kuy wiikand bwa kun maal.
-
Hady mikenj ya cibunj yilekesh kun maal.
-
Hawudy ni muut uleeleek kun maal, bwaal kaakadyoh bend wiikand bwa kun kwa maal.
Nady mwa kunwiishok baat maal mu cibil eeny? Kuuhal kwa kuhet dyaalabul, talaay VIDEO.
Balaay Biin Rom 13:13 ni 1 Biin Korent 10:31, 32. Kuunyim kwiinun baman kubal verseh woos, isambilaay ha diijooj eedy:
-
I mushind kaay udy kukooyel may matam aam mwa kuyambulwiish bwa mim kwangat mahangadik malengel masaasangeej Yehow?
Mwiin Krist woos udy mwa kwiiyangacil diihangadik dya kun eecy kulek kun maal, ning yiy un maal biisang bikwaabw, kiin mwa kwiiman mu biisang bikwaabw
5. Iikal ni mikal mu kun kwa maal
Ning tut tun maal, tuvuluk neey: Yehow kiishoh bend mulekesh kun kwa maal, ki i mulekesh kun kwa maal kuhitish ni bukolavy. Bwabiny? Balaay Osheyah 4:11, 18, ni isambilaay ha diijooj eedy:
-
I biny biikal mwa kulongekel muut yiy mun maal muhitish?
I mushind kaay uwudy mwa kulek kun maal kuhitish? Bikaam twiikal ni meej malengel ni bamanyik mikal yiitut. Balaay Tusumw 11:2, ni isambilaay ha diijooj eedy:
-
Bwabiny i bilengel kwiiteekel mikal ni kumanyik buuny bwa maal butudy mwa kun?
6. Mutudy mwa kucimun bukolavy
Tal cyaakady cyambulwiish mwaan-mulum kaahand bwa kulek bukolavy. Talaay VIDEO, ni isambilaay ha majooj aam.
-
Mu video oomw, kun kwa maal kwaakady kulongel Dmitry biny?
-
Waakady mulek kun maal musang aakaabumw eeny?
-
I biny byaakady bimwambulwiish bwa kucimun cilel cya kun maal?
Balaay 1 Biin Korent 6:10, 11, ni isambilaay ha majooj aam:
-
I bihet kaay bibiih byaalalukil ku bukolavy?
-
I biny bituleeleej neey, muut unwaan maal uhitish udy mwa kushiituluk?
Balaay Matewus 5:30, ni isambilaay ha diijooj eedy:
-
Cyambil cya neey: kukosol kubok kuleeleej kulek bwaal kaahand bwa kusangeej Yehow. I biny biwudy mwa kulong uw mwiikal ni cilel cya kun maal uhitish? a
Balaay 1 Biin Korent 15:33, ni isambilaay ha diijooj eedy:
-
I myand kaay yidy balund biibuh bawunwaan naab maal mwa kukulongel?
MUUT MUKWAABW UDY MWA KUKWIIHANGUJ NEEY: “Kun kwa maal, i kubiih eeny?”
-
Wiiyiiy kumwaalabul bicy?
CYA KUKWAAT
Yehow i mwaakish baat maal bwa biikal ni musangal, ni uleelekesh kun kuhitish ni bukolavy.
Bwa kuvuluk
-
Bibl uleeleeb biny bwa maal?
-
I myand kaay yaalaalukil ku kun kwa maal kuhitish?
-
I mushind kaay utudy mwa kuneemek diihangadik dya bakwaabw habitaatal kun kwa maal?
MYAND YIKWAABW YA KUMANYIK
I mushind kaay udy sand mwa kwangat diihangadik dilengel habitaatal maal?
Tal myand yiwudy mwa kulong bwiibuh kulek kun kwa maal kuhitij ni bukolavy.
“Citudy mwa Kulong bwa Kuteek Maal ha Cyaab cya Mam” (Cibumb cya Muteetekel 1/1/2010 mu Tshiluba)
Mwiin Krist udy mwa kutuutakaj verre kuuhal kwa kun maal eeny?
“Majooj ma Babaabal” (Cibumb cya Muteetekel 15/2/2007 mu Tshiluba)
Tal mwaakady mwaan-mulum mukwaabw mulek bukolavy (Myand yilong mu shikacil: “Naakady nan naboz kanyong.”)
“Bibl Ufuufutulul Shikacil ya baat” (Cibumb cya Muteetekel 1/5/2012 mu Tshiluba)
a Muut udy ni cilel cya kun maal kuhitij udy mwa kukaam dyambulwiish bwindiy kulek kwiiman. Baadokteer bavul, baleeleeb neey, muut yiy mwiikal ni cilel cya kun maal kuhitij, bikaam alek kwiiman.
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
