Yehow i mukat bwa twiikal ni shikacil mulengel ni twiikal ni biisang bitudy mwa kusangal. Mafet moos, madyaakal masangeej Yehow eeny? I mushind kaay utudy mwa kuleej neey, tudy bakat Yehow mu bwaal oobw?

1. Bwabiny mafet mavul kamiish masangeej Yehow?

Wiiyiiy kukem bikasakan hawumaamanyik neey, mafet moos mady baat balong kamiish mahetangan ni malongweesh ma mu Bibl ni i maalukil kudy bapangan. Mafet makwaabw i maalukil mu citendeleel cya makos. Mafet mavul i mashimacil ha myand ya majimbw eecy ha lungeny lwa neey, aanyim kiishoh bend ufw. Fet yikwaabw i yishimacil ha myand ya biitab-a-tab eecy ha diitabij dya neey, nabatuut diikas dilengel. (Yeshaay 65:11) Ki bwabiny Yehow wambambil bahambidil bindiy neey: “Yaabulukanganaay naab, kanutengok bend biit byoonyoony nyeet.”​—2 Biin Korent 6:17. a

2. I mushind kaay udy Yehow utal mafet matuutumbish baat?

Yehow wiitwambambil buhund butudy mwa kuhet hatuteeteek ‘micim yiitut yoos mu muut.’ (Balaay Jeremih 17:5.) Mafet makwaabw, maakaakish bakaleng eecy basalaay lutumb. Baat bakwaabw basaasangeel biimanyin bya cibunj eecy diifuk didy cibunj cihet bwiiyikadil. (1 Jah 5:21) Cikwaabw, baat bakwaabw basaasangeel myand ya politik eecy myand ya mu cikong kaahand cya baat. Yehow umvumvw bicy tut twaakish muut kaahand eecy bulongolody kaahand lutumb, aamanaaman muut udy ni meej makiish mahetangan ni cidyey mukat?

3. I biny bisaasak Yehow bwa kulekey mafet makwaabw?

Bibl uleelekesh “bukolavy, bulongavy [ni] buukanwaay.” (1 Pyeel 4:3) Mafet makwaabw masaasak baat ku kun kwa maal kuhitish ni ku kwend kwa masandy. Bwiitut kudy bulund ni Yehow, bikaam tulek myand yoonyoony nyeet.

 TWEEL MU BONDOK

 5. Hambulwiish baat bakwaabw bwa baneemek myand yiwudy mwiitab

6. Yehow i mukat bwa twiikal ni musangal

Yehow i mukat bwa twiikal ni musangal hatuhiihitish diib haakaabumw ni biin mu cisak ciitut ni balund biitut. Balaay Muleej 8:15, ni isambilaay ha diijooj eedy:

• I mushind kaay udy verseh oow wiituleej neey, Yehow i mukat bwa twiikal ni musangal?

Yehow i mukat bwa baat bindiy biikal ni musangal ni biikal bahitish diib haakaabumw. Talaay VIDEO uleeleej mudy bwaal oobw bumweek hatook ciisang cituloolong bihwiil bya baat bady baalalukil mu bibunj bivul.

Balaay Kalatih 6:10, ni isambilaay ha majooj aam:

• Tudy teng mwa kutweel mu mafet mady baat bakwaabw balong teng bwa ‘kulongel baat boos myand yilengel’ eeny?

• I biny bidy mwa kukusangeej​—kwaakish muut ciit teng mu ciisang cya fet eecy kwaakish muut ciit bwaal ukaakaam kumwaakishecy eeny?

• Batemw ba Yehow bavul badyaakal balongolol biisang bidyobw mwa kusangal haakaabumw ni baan baababw ni bidyobw mwa kwiibakish biit. Uw mwiikal ni baan, i biit kaay bilengel biwudy mwa kwiibakish?

 CYA KUKWAAT

Yehow i mukat bwa twiikal ni diib dya kusangal haakaabumw ni biin mu cisak ciitut ni balund biitut. Ki wiitwambambil cikwaabw bwa tulek kusangeel mafet mamufuufuluj mund.

Bwa kuvuluk

• I majooj kaay matudy mwa kwiiyihanguj bwa kumanyik ning fet oow, usaasangeej Yehow?

• I mushind kaay utudy mwa kwambulwiish biin mu cisak ciitut ni balund biitut bwa kumvwobw bwabiny tuleeleek kulong naab mafet makwaabw?

• I mushind kaay utudy bamanyik neey, Yehow i mukat bwa twiikal ni musangal?