Yeez uleebel neey, biiyij bindiy “kabiish ba ha bulab.” (Jah 15:19) Kulek kwiikal ba ha bulab kumvumvwiij​—kulek kutweelakan mu myand ya politik ni mu diivit. Kabiishoh bend biheehel bwa kulek kutweelakan mu myand ya ha bulab. Bu mutuleelek kutweelakan mu myand ya ha bulab, baat bituseesek ni bitutuutuk. I mushind kaay utudy mwa kulek kutweelakan mu myand ya ha bulab ni kushaal balamat teng Yehow Mawej?

1. I mushind kaay udy biin Krist ba biin-biin batal mbul-matady ya baan ba baat?

Batemw ba Yehow badyaakal baneemek mbul-matady ya baan ba baat. Yeez wambiil neey: “lambulaay bya Kezaar kudy Kezaar”​—bwaal oobw, buleeleej neey, tukookooyel mikenj ya cibunj ni tufut bitady. (Mark 12:17) Bibl uloolongweesh neey, mbul-matady ya baan baat yiloolombol bwaal Yehow i mwiiyitabil bwa kwiikalokey. (Biin Rom 13:1) Nook, tudy bamanyik neey, mbul-matady ya baan ba baat yidy ni mikal. Tukaakaam bwa Mawej itut ni Bukaleng bwa mu diiwul biiy bafulok myand yikaakabish baat.

2. I mushind kaay udy biin Krist mwa kuleej neey, kabiish batweelakan mu myand ya ha bulab?

Teng bu Yeez, Batemw ba Yehow kabiish batweelakan mu myand ya politik. Diifuk dikwaabw, hatadil baat bishim byaakady Yeez ulong, bakaamin kumuteek bwa ashaal mukaleng, ki ulekel. (Jah 6:15) Bwabiny ulekel? Bwaal wiiyil kuleeb neey: “Bukaleng bwa mim kabwiishoh bend bwa ha bulab aah.” (Jah 18:36) Bu mutudy biiyij ba Yeez, tuleeleej mutuleelek kutweelakan mu myand ya ha bulab mu mishind yivul. Cileejel, katwiish tutweelakanoh bend mu myand ya diivit. (Balaay Mikah 4:3.) Ki tuneeneemek bimanyin bya cibunj​—bu mudy drapoh—​ki katwiish twiibihambidil. (1 Jah 5:21) Katwiish tulamat ku butamb kaahand, tutweel mu cikong cya myand ya politik eecy tulamat muut kaahand. Hatuloolong nook, tuleeleej mutudy balamat mbul-matady aakaabumw​—Bukaleng bwa Mawej.

 TWEEL MU BONDOK

3. Biin Krist ba biin-biin kabiish batweelakan mu myand ya ha bulab

Yeez ni biiyij bindiy i bitushiil cileejel cya kulond. Balaay Biin Rom 13:1, 5-7 ni 1 Pyeel 2:13, 14. Ni, talaay VIDEO ni isambilaay ha majooj aam.

• Bwabiny bikaam tuneemek bafumw ba mbul-matady?

• I mushind kaay utudy mwa kuleej neey, twiibakookooyel?

Mu ciisang cya diivit, bibunj bikwaabw bileeleej mudyeby kabiy bitweelakan mu myand ya ha bulab, ki bilaalamat butamb kaahand hadyok bimvund. Kulek kutweelakan mu myand ya ha bulab kumvumvwiij biny? Balaay Jah 17:16. Ni, talaay VIDEO ni isambilaay ha diijooj eedy.

• Kulek kutweelakan mu myand ya ha bulab kumvumvwiij biny?

Ki hiikal bafumw ba myand ya politik bitulomb bwa kulong bwaal buleelek kuhetangan ni mikenj ya Mawej, tudy mwa kulong bicy? Balaay Myand Yilongel Bapostol 5:28, 29. Ni, talaay VIDEO ni isambilaay ha majooj aam.

• Hiikal mikenj ya baat yilek Kuhetangan ni mikenj ya Mawej, i mukenj kaay utudy mwa kulond?

• I mu bwaal kaay mwiikal mwiin Krist mwa kulek kukooyel mikenj ya mbul-matady?

 4. Tuleej mutudy katuy biin ha bulab mu meej ni mu bilong

Balaay 1 Jah 5:21. Ni, talaay VIDEO ni isambilaay ha majooj aam.

• Mu video oomw, bwabiny Ayenge waakady mulek kutweelakan mu cikong cya myand ya politik ni kulong myand yikwaabw ya cibunj bu mudy: kuhambidil drapoh?

• Ulaalangok neey, waakady mwangat diihangadik dilengel eeny?

I myand kaay yikwaabw yidy mwa kwiitusak bwiitut kutweelakan mu myand ya ha bulab? Talaay VIDEO, ni isambilaay ha majooj aam.

• I mushind kaay utudy mwa kulek kutweelakan mu myand ya ha bulab, hadyok mazab ma kutembangan?

• I mushind kaay utudy mwa kulek kutweelakan mu myand ya mbul-matady ning mudy mahangadik madyey mwa kwangat miikal malengel eecy mabiih?

• I mushind kaay udy myand yitumvumvw ku cisanj eecy ku Enternet mwa kwiitusak bwa tutweelakan mu myand ya ha bulab?

 CYA KUKWAAT

Biin Krist baleeleej mudyobw kabay batweelakan mu myand ya ha bulab mu meej, mu may maleeleebobw ni mu bilong byaababw.

Bwa kuvuluk

• I mushind kaay ututaatal mbul-matady ya baan ba baat?

• Bwabiny bikaam tulek kutweelakan mu myand ya politik?

• I myand kaay yidy mwa kwiitusak bwiitut kutweelakan mu myand ya ha bulab?