Tudyaakal bakat kuhitij biisang bilengel ni balund biitut, ni bitukaakashish hatudy mu biisang bikasakan. Ki Bibl wiitudiidimwiij neey, kiin muut woos udy mwa kwiikal mulund mulengel. I mushind kaay utudy mwa kusungul balund balengel? Twaalabulaayaak majooj aam.

1. I biny bidy balund batusuusungul mwa kwiitulongel?

Tudyaakal tufwaanok baat batuhiihitij naab diib. Bwaal oobw budy mwa kwiikal bulengel eecy bubiih​—ni bwaal oobw i bwa biin-biin ning tut tuhitij diib ni muut taz ni taz eecy ku Enternet. Bibl uleeleeb neey: ‘muut wendend ni biin meej, wiiyiiy kwiikal ni meej, ki uloolond babiluby, [baat bakiish bakat Yehow] wiiyiiy kukeng.’ (Tusumw 13:20) Balund bady bakat Yehow ni bamuhaahambidil, bady mwa kukwambulwiish bwiibuh kufweej nend habwiih ni kwangat mahangadik malengel. Ki balund bakiish bahambidil Yehow, bady mwa kukufweej kuleeh nend. Ki bwabiny Bibl wiitukaakashish bwiitut kusungul balund biitut bilengel! Tut biikal ni balund bady bakat Yehow, ‘twiiyiiy kwambulwiishangan tut boos, tukashishangan ku micim ni kukashishangan mu mabok.’​—1 Biin Tesalonik 5:11.

2. Kusungul kwiibuh kwa balund, kudy mwa kulongel Yehow biny?

Yehow udyaakal usungul balund bindiy bilengel. “I mukat teng baloolong myand yijaalal.” (Tusumw 3:32) Yehow umvumvw bicy hatusuusungul balund bakiish bamukat? Umvumvw bibiih menmen! (Balaay Jak 4:4.) Ku butambw bukwaabw, Yehow udy ni musangal hatusuusungul baat baleelek bikong bya baat babiih ni bafweefweej nend habwiih ni bady bamukat.​—Musambw 15:1-4.

 TWEEL MU BONDOK

4. Muut utudy bashiilangan nend, udy mwa kwiikal mulund mulengel

Bibl uleeleeb bwa bulund bulengel bwaakady hakacy ha Davih ni Jonatan, baat babidy ba mu Izaleel wa kal. Baakady biibalel mivw yishiilangan ni biikal bakal midimw yishiilangan; baakady bady bulund bulengel menmen. Balaay 1 Samweel 18:1, ni isambilaay ha diijooj eedy:

• Bwabiny balund biitut kabiish mwa kwiikal teng ba mivw yaakaabumw neet ni shikacil aakaabumw neet?

Balaay Biin Rom 1:11, 12, ni isambilaay ha diijooj eedy:

• I mushind kaay udy balund bady bakat Yehow bakashishangan?

Mu dram oomw, tal mwaakady sangiilum kaahand muhet balund ha cyaab cyaakadyey kay mutakamin. Talaay VIDEO, ni isambilaay ha majooj aam.

• Mu video oomw, bwabiny balel ba Akil baakady biitacish bikasakan bwa balund bindiy ba mu kalaas?

• Bwabiny waakady mukaam balund teng mu kalaas?

• I biny byaakady bimwambulwiish bwa kulek kwiitaley kaayend?

 5. Mushind utudy mwa kudy bulund bulengel

 CYA KUKWAAT

Hatusuusungul bilengel balund biitut, twiiyiiy kusangeej Yehow ni twiiyiiy kuhet dyakatook.

Bwa kuvuluk

• Bwabiny kusungul kwiitut kwa balund kudy ni buseeb buvul ku mees kwa Yehow?

• I balund ba mushind kaay batudy mwa kulek?

• I mushind kaay uwudy mwa kukashish bulund ni baat balengel?