DIILONGWEESH 50

Mudy Cisak Ciibuh mwa Kuhet Musangal—Cituh 2

PLAY

Baan i cya bukish cya kudy Yehow. Uloolomb balel bwa balam baan baababw bilengel. Yehow i mutwaal mibel yilengel yidy mwa kwambulwiish balel bwa kulam baan baababw. Cikwaabw, mibel eey, yileeleej cidy baan mwa kulong bwa cisak ciikal ni musangal.

1. I mibel kaay yidy Yehow waakish balel?

Yehow uloolomb balel bwa bakat baan baababw ni biikal bahitij naab diib haakaabumw hadyok mushind. Cikwaabw, Yehow i mukat bwa balel balam baan baababw ku myand yidy mwa kwiibalongel bibiih ni bwa bakal mudimw ni may matam ma mu Bibl bwa kwiibakashish. (Tusumw 1:8) Yehow wambambil baataat neey: “Iibakashishaay bilengel [baan biinun] ha kwiibabel ni kwiibakand ni may ma kudy Mawej.” (Balaay Efez 6:4.) Yehow usaasangal hady balel balond mibel yindiy hadyobw bakashish baan baababw ni hadyobw bangat bujit bwaabab kabay bibulekeel muut mukwaabw.

2. I mibel kaay yidy Yehow waakish baan?

Yehow wambambil baan neey: “Kooyelaay kudy balel biinun.” (Balaay Kolos 3:20.) Hady baan baneemek ni bakooyel balel, Yehow ni balel basaasangal. (Tusumw 23:22-25) Yeez i mushiy cileejel cilengel hacyaakadyey mwaan. Ning mwaakadyey muut muwaakan, waakady ukooyel ni uneemek balel bindiy.—Luuk 2:51, 52.

3. I mushind kaay udy cisak ciinun mwa kufweej habwiih ni Mawej?

Uw mwiikal mulel, udy mukat bwa baan biibuh bakat Yehow bikasakan teng bu uw. I mushind kaay, uwudy mwa kwiibambulwiish? Tal cidy Bibl ukulomb bwa kulong: “Wiimalongweesh [may ma Yehow] baan biibuh, wiikal wiimiisamb hawudy mushikat haash kwiibuh ecy hawuyaay ku lwend.” (May Mumbulul 6:7) “Kulongweesh” kumvumvwiij kwambulul bwaal kaahand. Nook, ikal mumanyik neey, bikaam wiikal wambulul bwaal kaahand bwa baan biibuh biikal bibuvuluk. Verseh oow umvumvwiij neey, udy mwa kukaam mishind ya kwiikal kwiisamb ni baan biibuh myand yitaatal Yehow. I bilengel bwa cisak cyoos ciikal ni diib dya kulong Bibl haakaabumw luming loos. Uw kuy ni baan, bikaam wiikalok ni diib luming loos dya kwiilongel Bibl.

TWEEL MU BONDOK

Tal cidy biin mu cisak mwa kulong bwa kwiikalobw ni musangal ni kushikatobw talal.

4. Longweesh baan biibuh ni lukat

Kulongweesh baan kakwiishoh bend kuheehel. I mushind kaay udy Bibl mwa kwiinwambulwiish? Balaay Jak 1:19, 20, ni isambilaay ha majooj aam:

I mushind kaay udy balel mwa kuleej neey, i bakat baan baababw hadyobw biisamb naab?
Bwabiny balel kabiish mwa kunyook baan baababw hadyobw ni cinj? a

5. Lamaay baan biinun

Bwa kulam baan bilengel, bikaam nwiikal nwiisamb ni mwaan woos myand yitaatal bituh bya lulel. Bwaal oobw, budy mwa kwiinulong bumvw. Talaay VIDEO, ni isambilaay ha majooj aam.

VIDEO: Lamaay Baan Biinun ku Myand Yibiih (2:58)

Bwabiny i bikasakeen balel bakwaabw bwa kwiisamb ni baan baababw myand yitaatal bituh bya lulel?
I mu mishind kaay yidy balel biisamb ni baan baababw myand yitaatal bituh bya lulel?

Teng mulayilobw, myand ya mu bulongolody bwa Sataan yendend teng ni kunyanguk. Balaay 2 Timoteh 3:1, 13, ni isambilaay ha diijooj eedy:

Mukacy mwa baat babiih bady verseh wa 13 uteel, mudy ni baat banyanyang baan ku makand. Bwabiny bidy ni buseeb bwa balel kulongweeshobw baan baababw myand yitaatal bituh bya lulel ni mudyobw mwa kwiilam kudy baat banyanyang baan ku makand?

Udy mumanyik eeny?

Batemw ba Yehow i bahatul biit bivul byambambulwiish balel bwa kulongweesh baan myand yitaatal bituh bya lulel ni mudyobw mwa kwiilam kudy baat banyanyang baan ku makand. Cileejel, talaay:

Lamaay Baan Biinun (video)
Long Myand Kudy Mulongweesh Mutam (mu Tshiluba), shapitil 10 ni 32
“Longweesh Mwaan Iibuh Myand Yitaatal Bituh bya Lulel” (Kazamukaay! No. 5 2016 mu Tshiluba)

6. Nemekaay balel biinun

Baan ni baasand bady mwa kuleej mudyobw baneemek balel baababw mu mushind udyobw biisamb naab. Talaay VIDEO, ni isambilaay ha majooj aam.

VIDEO: I Mushind Kaay Unady mwa Kwiisamb ni Balel Baam? (2:19)

Bwabiny i bilengel bwa sand isamb ni balel bindiy ni kaneemw?
I mushind kaay udy sand mwa kuleej neey, uneeneemek balel bindiy hadyey wiisamb naab?

Balaay Tusumw 1:8, ni isambilaay ha diijooj eedy:

I biny bidy sand mwa kulong hady balel bindiy bamwaakish mibel?

7. Hambidilaay Yehow mu cisak ciinun

Bisak bya Batemw ba Yehow bidyaakal bikaam diib luming loos bwa kuhambidil haakaabumw. Kuhambidil kwa mu cisak kuloolongek bicy? Talaay VIDEO, ni isambilaay ha majooj aam.

VIDEO: Kuhambidil kwa mu Cisak—Makab ni Musangal Bituheehetelok (8:04)

I mushind kaay udy biin mu cisak mwa kwiikal ni ciibidil cya kulong program a kuhambidil mu cisak?
I biny bidy balel mwa kulong bwa kuhambidil kwa mu cisak kwiikal ni buseeb ni kusangeej?—Talaay cifwaatul cidy ku butambwiil kwa diilongweesh eedy.
I biny bidy mwa kwiinukaakadish bwa kulong Bibl mu cisak?

Mu Izaleel wa kal, Yehow waakady mukat bwa biin mu cisak biikal ni ciibidil cya kwiisambil ha may mindiy. Balaay May Mumbulul 6:6, 7, ni isambilaay ha diijooj eedy:

I mushind kaay uwudy mwa kukooyel diiy ditam eedy?

Ngeny ya mushind a kulong kuhambidil kwa mu cisak:

Nwiikal nulongolol haakaabumw bisangil bya cisumbw.
Nwiikal nubal ni nwiisambil ha myand ya mu Bibl yisaasangeej biin mu cisak.
Nun biikal ni baan angataay eecy hatulaay myand yitaatal baan mu sit a jw.org.
Nun biikal ni baasand, isambilaay naab ha biin bwaal bitaatal baasand bidy mu sit a jw.org.
Longaay mazab ma myand ya mu Bibl ni baan biinun.
Talaay ni isambilaay ha video yidy mu sit a jw.org.

BAAT BAKWAABW BALEELEEB NEEY: “Baan kabiish mwa kumvw Bibl.”

Waalaalabul bicy?

CYA KUKWAAT

Yehow i mukat bwa balel bakat, balongweesh ni balam baan baababw; baan baneemek ni bakooyel balel baababw; ni bwa bisak biikal bimuhambidil haakaabumw.

Bwa kuvuluk

I mushind kaay udy balel mwa kulongweesh ni kulam baan baababw?
I mushind kaay udy baan mwa kuleej neey, baneeneemek balel baababw?
I musangal kaay udyobw mwa kuhet bab biikal ni diib luming loos dya kulong kuhambidil kwa mu cisak?

Tudy baman diilongweesh eedy mu diifuk:

Kiihacil kaam

Najoojok biin-kweet ba mu cisumbw mudyaakalobw balong kuhambidil kwa mu cisak.

Kiihacil kakwaabw:

Kiihacil kiibuh kakwaabw