Haakady Yehow mwiituhang, wiitwaakishil cya bukish cihit kulengel​—ciheel cya kuleeb. Bidyok ni buseeb kudyey bwa mushind utukaakal mudimw ni cya bukish eecy eeny? Bidy naak! (Balaay Jak 1:26.) Tutalaak mushind utudy mwa kukal mudimw ni ciheel cya kuleeb bwa kusangeej Yehow.

1. I mushind kaay uwudy mwa kukal mudimw bilengel ni ludimy lwiibuh?

Bibl wiitwambambil bwa ‘kukashishangan ku micim ni kukashishangan mu mabok.’ (1 Biin Tesalonik 5:11) Udy mumanyikok muut ukaakaam bwa bamukashish eeny? I biny biwudy mwa kulong bwiibuh kumukashish? Umujaadikil neey, udy mumukat. Misang yikwaabw, umwambil neey, myand yiwuloolong eey, yiisaasangeej. Udy mumanyikok verseh uwudy mwa kukal nend mudimw bwa kukashish muut eeny? Kudy verseh yivul yiwudy mwa kukal naay mudimw. Nook, vuluk cikwaabw neey, may mawuleeleeb, mady mwa kukashish muut bikasakan. Iikal uleeb teng may malengel ni kaneemw.​—Tusumw 15:1.

2. I may ma mushind kaay matudy katuy mwa kuleeb?

Bibl uleeleeb neey: “Diiy dibiih ning dyaakaabumw kadilong dyaahatuk mukan mwiinun.” (Balaay Efez 4:29.) Biin eeby, byumvumvwiij neey, bikaam tulek may mabiih eecy mataatahangan ni mafuufulujangan mund. Bikaam tulek kusongakanyangan ni kudingidilangan myand.​—Balaay Tusumw 16:28.

3. I mushind kaay utudy mwa kuleeb may makaakashishangan?

May matuleeleeb maleeleej biin-biin myand yidy ku micim yiitut ni yitulaalang. (Luuk 6:45) Nook, tutumaay meej miitut moos ku myand yilengel​—bu myand yiwaakan, myand yijilang, myand yidyobw mwa kukat, ni myand yoos yidyobw mwa kuh lutumb. (Filipw 4:8) Bwa kulong myand eey, bikaam tusungul bilengel mushind a kuhitish kaheeh ni balund biitut. (Tusumw 13:20) Biiyiiy kwiitwambulwiish cikwaabw, bwiitut kulangil ha myand yitukaakaam kuleeb ni mushind utudy mwa kwiiyileeb. Ni tulangil ha mushind udy baat bakwaabw biiyumvw bwa may matuleeleeb. Bibl uleeleeb neey: “Muut uleeleebakan bituh myand, utaatah bu mweel a diiy, ki ludimy lwa baat bady ni meej lubuubukangan.”​—Tusumw 12:18.

 TWEEL MU BONDOK

4. Muwudy mwa kukand ludimy lwiibuh

Tudyaakal tuleeb may madyaakal miitwaakish kakunying. (Jak 3:2) Balaay Kalatih 5:22, 23, ni isambilaay ha majooj aam:

• I biikadil kaay biwudy mwa kulomb Yehow bwa akwambulwiish bwa ukand ludimy lwiibuh? I mushind kaay udy biikadil eeby mwa kukwambulwiish?

Balaay 1 Biin Korent 15:33, ni isambilaay ha diijooj eedy:

• Kusungul balund ni kuhitish kaheeh kudy mwa kulongel kuleeb kwiibuh biny?

Balaay Muleej 3:1, 7, ni isambilaay ha diijooj eedy:

• I ciisang kaay citudy mwa kwiihooy eecy kwindil bwa kuleeb bwaal?

 5. Iikal uleeb bilengel bwa bakwaabw

6. Iikal ni may malengel hanwiisaasamb ni biin mu cisak ciinun

 CYA KUKWAAT

May mady ni bukash kaahand. Bikaam tulangil bikasakan ha may matudy mwa kuleeb, diib ditudy mwa kwiimaleeb, ni mushind utudy mwa kwiimaleeb.

Bwa kuvuluk

• I mu mishind kaay yitudy mwa kukal mudimw bilengel ni ludimy lwiitut bwa kukashish bakwaabw?

• I kuleeb kwa mushind kaay kutudy mwa kulek?

• I biny bidy mwa kwiitwambulwiish bwa kwiikal teng ni may malengel makaakashishangan?