DIILONGWEESH 53
Sungul Mishind ya Kuhitish Kaheeh Yisaasangeej Yehow
Yehow i “Mawej a musangal.” (1 Timoteh 1:11, NWT) I mukat bwa twiikal ni musangal ni shikacil mulengel. Usaasangal hadyey wiitutal tut biikal ni diib dya kwiihweej ni dya kwiiyoolol. Mu diilongweesh eedy, twiiyiiy kutal mushind utudy mwa kukal mudimw bilengel ni mishind ya kwiiyoolol mu mushind mulengel ni—usaasangeej Yehow.
1. Bikaam tulangil ha myand kaay hatusuusungul mishind ya kuhitish naay kaheeh?
I biny biwudyaakal mukat kulong uw ukaam kwiiyoolol? Baat bakwaabw badyaakal bakat kuhitishil diib bwa kwiiyoolol ku mazubw maababw—hadyobw babal mikand, bumvw misambw, batal video, eecy batweel mu Enternet. Bakwaabw i bakat kuzab haakaabumw ni balund baababw—bazab ndund, kaalat, kangeh ni dam. Ning tut basungul mazab ma mushind kaay, bikaam twiikal batwiishiibw neey, i mazab mady “Mawej mukat.” (Efez 5:10) I bya buseeb, bwaal mishind yivul ya kuhitish naay kaheeh, yidy ni myand yidy Yehow mukin, bu mudy: cikis, kwend masandy eecy myand ya miidim. (Balaay Musambw 11:5.) I biny biikal mwa kwiitwambulwiish bwa kusungul mishind yilengel ya kuhitish naay kaheeh?
Tut biikal ni balund bady bakat Yehow, bitusaasak bwa kulong myand yilengel ni biitwambulwiish bwa kusungul mishind yilengel ya kuhitish naay kaheeh. Teng mutwaakady balong mu diilongweesh dya 48 mutumvwiil neey: “muut wendend ni biin meej wiiyiiy kwiikal ni meej.” Ku butambw bukwaabw, tut biikal mu cikong cya baat bakiish bakat may ma Mawej, twiiyiiy ‘kukeng.’—Tusumw 13:20.
2. Bwabiny i bilengel bwa kukontonon buuny bwa meeb matudy mwa kuhitish mu kuhitish kwiitut kwa kaheeh?
Ning mudy mishind ya kuhitish naay kaheeh yitusuusungul kayiy yinyang bulund bwiitut ni Yehow, bikaam tumanyik buuny bwa meeb matudy mwa kuhitishilok, habw’a bituh, katw’a kuhetoh bend diib dya kulong myand yidy ni buseeb. Bibl wiitukaakashish bwiitut ‘kulong mudimw bilengel ni diib [diitut].’—Balaay Efez 5:15, 16.
TWEEL MU BONDOK
Tal muwudy mwa kwangat mahangadik malengel hawusuusungul mishind yilengel ya kuhitish naay kaheeh.
3. Lek mishind yibiih ya kuhitish naay kaheeh
Bwabiny bikaam tusungul mishind yilengel ya kuhitish naay kaheeh? Talaay VIDEO, ni isambilaay ha majooj aam.
-
I mushind kaay udy mazab ma kuzuhangan maakady biin Rom bazab ha kal mafwaanakan ni mushind udy baat bahitish kaheeh leeloow?
-
Mu video oomw, i biny bidy Danny mulongel ku mushind a kuhitish kaheeh?
Balaay Biin Rom 12:9, ni isambilaay ha diijooj eedy:
-
I mushind kaay udy verseh oow, ukwambulwiish bwiibuh kusungul bilengel mishind ya kuhitish naay kaheeh?
Yehow i mukin myand kaay? Balaay Tusumw 6:16, 17 ni Kalatih 5:19-21. Kuunyim kwiinun baman kubal verseh eey, isambilaay ha diijooj eedy:
-
Mu myand yidyobw bateel mu verseh eey, i myand kaay yiwutaatal yilongek mu mazab mady baat bazab leeloow?
Mushind utudy mwa kusungul bilengel mishind ya kuhitish naay kaheeh
Iiyihanguj:
-
I biny? Mudyok myand yidy Yehow mukin eeny?
-
Diib kaay? Yiikaakaakadishok bwa mim kulong myand yidy ni buseeb eeny?
-
Ni ngany? Yiisaasakok bwa mim kuhitish diib teng ni baat bakiish bakat Yehow eeny?
Bwiitut kwiilam, bikaam twiikal kuleeh ni buhund budy mwa kwiitufikil. Ki bwabiny bikaam tulek mishind yibiih ya kuhitish naay kaheeh
4. Kal mudimw bilengel ni diib diibuh
Talaay VIDEO, ni isambilaay ha diijooj eedy.
-
Mwiin-kweet mwaan-mulum wa mu video oomw, kaakadyoh bend utal myand yibiih, ki i bwaal kaay bwaakady bumutacish?
Balaay Filipw 1:10, ni isambilaay ha diijooj eedy:
-
I mushind kaay udy verseh oow mwa kwiitwambulwiish bwiitut kumanyik buuny bwa meeb matudy mwa kuhitish mu kwiiyoolol?
5. Sungul mishind yilengel ya kuhitish naay kaheeh
Ning mudyok mishind yivul ya kuhitish naay kaheeh yikiish yisangeej Yehow, ki kudy yikwaabw yilengel yimusaasangeej. Balaay Muleej 8:15 ni Filipw 4:8, ni isambilaay ha diijooj eedy:
-
I mushind kaay mulengel wa kuhitish nend kaheeh uwudyaakal mukat?
Kudy mishind yilengel yivul ya kuhitish naay kaheeh
BAAT BAKWAABW BALEELEEB NEEY: “Kabiishoh bend bibiih bwa kutal mazab mady ni myand ya cikis, myand ya masandy eecy myand ya miidim, ning mim mwa kwiimatal, ciishoh bend niimalong.”
-
Udy mwa kuleeb neey?
CYA KUKWAAT
Yehow i mukat bwa twiikal tusungul mishind yilengel ya kuhitish naay kaheeh.
Bwa kuvuluk
-
I mishind kaay ya kuhitish naay kaheeh yidy mwiin Krist mwa kulek?
-
Bwabiny i bilengel bwa tulangil ha buuny bwa meeb matudy mwa kulong hatuhiihitish kaheeh?
-
Bwabiny bikaam kusungul mishind yilengel ya kuhitish naay kaheeh yisaasangeej Yehow?
MYAND YIKWAABW YA KUMANYIK
I ngany udy mwa kwiitusungwiil mishind ya kuhitish naay kaheeh?
Tal ngeny yilengel yidy mwa kukwambulwiish bwiibuh kusungul mishind yilengel ya kuhitish kaheeh ni mwa kwiiyoolol.
“I Mushind kaay Utudy mwa Kuhitish Kaheeh Bilengel?” (Cibumb cya Muteetekel 15/10/2011 mu Tshiluba)
Tal cyaakady muut kaahand mulong bwa kushiitulul mishind ya kuhitish naay kaheeh. (Myand yilong mu shikacil: “Naakady Mulek Kubohololangan.”)
“Bibl Ufuufutulul Shikacil a Baat” (Cibumb cya Muteetekel 1/2/2010 mu Tshiluba)
Tal mwaakady maam kaahand mwangat diihangadik dilengel habitaatal mishind ya kuhitish kwa kaheeh yidy ni myand ya miidim.
Lek Mishind ya Kuhitish Kaheeh Yidy ni Myand ya Miidim (2:02)
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
