DIILONGWEESH 55
Ambulwiish Cisumbw Ciinun
Ha bulab butuutul, miliyo yivul ya bahambidil ba Yehow, yidy ni musangal a kumukadil mudimw mu bisumbw bihit ha binun bivul. Bady cikwaabw, ni musangal bwa malongweesh ni may ma kulond madyobw bahet, ni bambambulwiish cisumbw cyaababw mu mishind yivul. Ki muwulaalang bwa cisumbw ciinun eeny?
1. I mushind kaay uwudy mwa kukal mudimw ni diib diibuh ni makand miibuh bwa kwambulwiish cisumbw ciinun?
Muut woos wa mu cisumbw, udy ni buseeb. Cileejel, mu cisumbw ciinun, mudyok baat bakuluuh eecy balemen? Udyok mwa kwiibambulwiish bwa kutweelobw mu bisangil eeny? Eecy udy mwa kwiibambulwiishok mu mushind mukwaabw, bu mudy: kuy kiibasumbil biit mu cisal eecy kwiibalongolweel mu nzubw? (Balaay Jak 1:27.) Cikwaabw, bikaam twiitwaal bu biin bukish bwa kuy kalongolol ni kiiteel Nzubw a Bukaleng. Kakwiin muut udy mwa kwiitulongeesh myand ku makand. Kukat Mawej ni biin-kweet, kwiitusaasak bwiitut ‘kwiitwaal bu biin bukish.’—Musambw 110:3.
Batemw bakaady bahet baatiisumw, bady mwa kutw cisumbw nyam ku mikon mu mishind yikwaabw. Biin-kweet bakuukumbaj biikadil bya mu spirit, bady mwa kukadil cisumbw mudimw bu bakwanjok ba mudimw, kuunyim kwa mafuk, bady mwa kushaal bakul. Biin-kweet baan-balum ni baan-bakaj, bady mwa kutw mudimw a kudiil baat musah nyam ku mikon, hadyobw bangat mudimw a buuseb’aa njil. Batemw ba Yehow bakwaabw, bambambulwiish mu midimw ya kwiibak Nzubw ya kuhambidil ni bakwaabw bayaay byaab bidy bisumbw bikaam dyambulwiish.
2. I mushind kaay utudy mwa kukal mudimw ni biit biitut bya ku nyeet bwa kwambulwiish cisumbw?
Tudy mwa ‘kufwiijok Mawej ni biit [biitut] bituheehet.’ (Tusumw 3:9) Tudy ni musangal hatutwaatwaal kuh kwiitut kwa bukish bwa kwambulwiish cisumbw ciitut ni mudimw a kudiil baat musah uloolongek ha bulab butuutul. (Balaay 2 Biin Korent 9:7.) Kuh kwiitut ook, kwambambulwiish cikwaabw baat baheehet makab. Batemw badyaakal ‘balongolol biit’ bwa kwiibitwaal bu kuh kwa bukish. (Balaay 1 Biin Korent 16:2.) Tudy mwa kutwaal kuh kwiitut kwa bukish, mu tusheet tudyaakal ha byaab biitut bya kuhambidil eecy mu sit iitut a donate mu jw.org. Biit biitutwaatwaal, bileeleej mutudy bakat Yehow.
TWEEL MU BONDOK
Tal muwudy mwa kwambulwiish cisumbw mu mishind yishiilangan.
3. Tudy mwa kutwaal biit biitut bya ku nyeet
Yehow ni Yeez i bakat muut utwaatwaal ni musangal. Cileejel, Yeez utadil mukaj a mulufwiil mulam-lam utwaal twindiy tufwalang tukeeh twaakadyey naatw. Balaay Luuk 21:1-4, ni isambilaay ha majooj aam:
-
Bikaam tutwaal kuh kwa bukish kuvul bwiitut kusangeej Yehow eeny?
-
Yehow ni Yeez bumvumvw bicy hatutwaatwaal ni mucim iitut woos?
Tal mushind udyobw bakal mudimw ni kuh kwa bukish kututwaatwaal, talaay VIDEO. Ni isambilaay ha diijooj eedy.
-
I mushind kaay udy kuh kwiitut kwa bukish kwambulwiish bisumbw bya ha bulab butuutul?
4. Tudy mwa kwiitwaal tut kaayeet
Mu ciisang cifundilobw Bibl, bahambidil ba Yehow baakady biitwaal ni cisumy cyoos bwa kulongolol byaab bya kuhambidil. Ki kabaakadyoh bend batwaal teng fwalang bituh. Balaay 2 Cifuk 34:9-11, ni isambilaay ha diijooj eedy:
-
I mushind kaay waakady mwiin Izaleel woos wiitwaal bwa kuy kalongolol tempel?
Tutalaay mudy Batemw ba Yehow, balond cileejel cya mu Bibl eecy, talaay VIDEO. Ni isambilaay ha majooj aam.
-
Bwabiny bidy ni buseeb bwa kulam Nzubw a Bukaleng ni makend ni kumulongolol?
-
I mu mishind kaay yiwudy byeeb mwa kwambulwiish?
5. Biin-kweet baan-balum iihacilaay midimw mu cisumbw
Bibl, ukaakashish biin Krist baan-balum bwa kwambulwiish cisumbw. Tal cileejel eecy, talaay VIDEO. Ni isambilaay ha diijooj eedy.
-
Mu video oomw, i mushind kaay waakady Ryan wiihacil midimw mu cisumbw?
Bibl uleeleej biikadil bidy mwaan-mulum mwa kukumbaj bwa kwiikaley mukwanjok a mudimw eecy mukul mu cisumbw. Balaay 1 Timoteh 3:1-13, ni isambilaay ha majooj aam:
MUUT MUKWAABW UDY MWA KUKWIIHANGUJ NEEY: “I kweeh kudy fwalang yidy Batemw ba Yehow bakal naay mudimw yaalukil?”
-
Waalaalabul bicy?
CYA KUKWAAT
Yehow usaasangal bwa mutwiikaakashishomw bwa kutwaal diib diitut, makand miitut ni biit biitut bwa kwambulwiish cisumbw.
Bwa kuvuluk
-
I mushind kaay utudy mwa kukal mudimw ni diib diitut ni makand miitut ma nyeet bwa kwambulwiish cisumbw?
-
I mushind kaay utudy mwa kwambulwiish cisumbw ni biit biitut bya ku nyeet?
-
I mu mishind kaay yiwudy mukat kwambulwiish cisumbw?
MYAND YIKWAABW YA KUMANYIK
Leeloow, Mawej kiish ulomboh bend baat bindiy cya diikumy.
“Bibl Uleeleebok Biny bwa cya Diikumy?” (Ciin bwaal cya mu jw.org mu Tshiluba)
“Bibl i muleej yimw midimw yidyobw ni bwa kwaakish baan-balum baakady baman kuhet baatiisumw. Ki i biny bitudy ni mwa kulong biby biikal ney mwaan mukaj kaahand ukaady muhet baatiisumw ukaakaam kwambulwiish bwa kulong midimw eey?
“Kumvw kwa diiy ditam dya buufumw mu Cisumbw” (Cibumb cya Muteetekel, Suuny 2/2021 mu Tshiluba)
Tal mudy Batemw ba Yehow biikashishomw bikasakan bwa kutwaadil biin-kweet baan-balum ni baan-bakaj mikand.
Tal kushiilangan kudy hakacy ha cyaab cidy Batemw ba Yehow bahetel fwalang ni cyaab cidy biin mu bitendeleel bahetel fwalang.
You May Also Like
MAJOOJ MADYAAKAL BAAT BIYIHANGUJ
Dilong dya Bibl i Biny?
Het maalabul ku majooj habitaatal program kulong Bibl bya bituh.
