Tut biikal haakaabumw ni biin-kweet ba mu spirit, twiiyumvumvw teng bu mwaakady Mukaleng Davih mumvw, haleebeley neey: “Ing, i bilengel, bilong ni musangal bwa kushikat haakaabumw bu baan ba kamuut!” (Musambw 133:1) Kaacyumw kiitut kakiishoh bend kiilongekel. Muut woos wiikaakashishomw bwa kulam kaacyumw.

1. I bwaal kaay buwutaatal mukacy mwa baat ba Mawej bukukeekemeshok?

Uw mutweel mu cisangil cya cisumbw mu cibunj cikwaabw, kwa kumvoh bend bileeleebobw, ki wiiyiiy kwiital teng bu neey, udy kwiinun. Bwabiny? Bwaal, cyaab cyoos ha bulab, tukaakal mudimw ni mikand yaakaabumw yumvumvwiij Bibl. Ni tuleeleej mutudy bakatangan. Ning tut bashikacil cyaab kaay, tut boos “tutuutumbish Yehow, ni tumuhambidil mu kaacyumw.”​—Sefaniyah 3:9, NWT, dim.

2. I biny biwudy mwa kulong bwa kulam kaacyumw?

“Katanganaay bikasakan muut ni mukwaabw, ni mucim aakaabumw.” (1 Pyeel 1:22) I mushind kaay uwudy mwa kukooyel mubel oow? Hamut iibuh kwiimanyin ha myand yibiih yidy bakwaabw balong, tal myand yilengel yiloolongobw. Kwiish mwa kudy bulund teng ni baat bawukaady mwiibidilangan naab, ikashishomw bwiibuh kumanyikangan ni biin-kweet baan-balum ni baan-bakaj ba byaab bikwaabw. Iikashishmow bwiibuh kulek myand ya kubowololangan.​—Balaay 1 Pyeel 2:17. a

3. I biny biwudy mwa kulong uw mwiikal ni bilumbw ni mwiin Krist neeb?

Tudy mu kaacyumw, ni biikal bamulong a bibiih. Misang yikwaabw, tudyaakal tulongelangan bibiih ni tufulujangan mund. Diiy dya Mawej diitwambambil neey: ‘tungunukaay . . . Ni kufwiilangan lus,’ disaasakidil cikwaabw neey: “Bikaam nuvulamin bibiih bya bakween bu muvuuvulamin Mawej [Yehow] bibiih biinun buyiil.” (Balaay Kolos 3:13.) Misang yikwaabw, tudyaakal teng tufuluj Yehow mund, ki yiy naabw, udyaakal teng wiitufwiil lus. Ki bwabiny, wiituloolomb byeet bwa tufwiil biin-kweet baan-balum ni baan-bakaj lus. Uw muvuluk neey, udy mufuluj mwiin-kweet mund, ikashishomw bwiibuh kulengejangan nend.​—Balaay Matewus 5:23, 24. b

 TWEEL MU BONDOK

4. Lek kubowololangan

Tudy bakat biin-kweet baan-balum ni baan-bakaj. Ki kabiishoh bend biheehel bwa kukat muut mukwaabw utukiish bamanyik. I biny bidy mwa kwiitwambulwiish? Balaay Myand Yilongel Bapostol 10:34, 35, ni isambilaay ha majooj aam:

• Yehow wiitaatab baat ba mishind yoos bwa bamuhambidil. I mushind kaay udy cileejel cya Yehow mwa kukwambulwiish bwa muwudy mwa kutal baat ba byaab bishiilangan?

• I myand kaay ya kabow yiwutaatal yilongek cyaab ciwudy mushikacil yiwudy mwa kulek?

Balaay 2 Biin Korent 6:11-13, ni isambilaay ha diijooj eedy:

• Bwiibuh, i mushind kaay uwudy mwa kudy bulund ni biin-kweet baan-balum ni baan-bakaj ba byaab bishiilangan?

5. Fwiilanganaay lus ni lamaay diitalal

Yehow wiitufwiifwiil lus ning mudyey kay wiitulongel bibiih bwiitut kumufwiil lus. Balaay Musambw 86:5, ni isambilaay ha majooj aam:

• I mushind kaay udy Yehow mwiikal mwiin lus luvul?

• Bwabiny bikaam tufwiijok Yehow bwa mudyey wiitufwiil lus?

• I mu bwaal kaay mudyeby mwa kwiitukasakeen bwiitut kulek umvwangan ni baat bakwaabw?

I mushind kaay utudy mwa kulond cileejel cya Yehow ni mutudy mwa kulam kaacyumw hakacy iitut ni mwiin-kweet mwaan-mulum eecy mwaan-mukaj? Balaay Tusumw 19:11, ni isambilaay ha diijooj eedy:

• Hady muut ukufuluj mund eecy ukutah ku micim, i biny biwudy mwa kulong bwiibuh kulam diitalal?

Misang yikwaabw tudyaakal tufuluj baat bakwaabw mund. Hiikal bwaal bwa nook mwa kwiitulongekel, i biny bitudy mwa kulong? Talaay VIDEO, ni isambilaay ha diijooj eedy.

• Mu video oomw, i biny byaakady mwiin-kweet mwaan-mukaj mulong bwa kulam diitalal?

 CYA KUKWAAT

Udy mwa kulam kaacyumw mu cisumbw, hawufwiifwiil biin-kweet baan-balum ni baan-bakaj lus ni hawiibakaakat.

Bwa kuvuluk

• I mushind kaay uwudy mwa kulek kabow?

• I biny biwudy mwa kulong uw mwiikal ni bilumbw ni mwiin Krist neeb?

• Bwabiny bikaam tulond cileejel cya Yehow cya kufwiilangan lus?