Ning uw mukat Yehow bikasakan ni weehuk bwa kumufuluj mund, kudy teng bilem biwudy mwa kulong. Kudy mpekaat yikwaabw yitam, yihitok yikwaabw. (1 Biin Korent 6:9, 10) Uw mulong mpekaat mutam, vuluk neey, Yehow ucidy teng mukukat; udy habwiih bwa kukufwiil lus ni kukwambulwiish.

1. I biny bitudy mwa kulong bwa Yehow itufwiil lus?

Baat bady bakat Yehow, badyaakal ni kakunying kavul hadyobw balong mpekaat mutam. Ki mulay wa Yehow wa neey: “Biikal bubiih bwiinun busunz bu mash, bwiiyiiy butook bu neej” wiibakaakashish ku micim. (Yeshaay 1:18) Tut baalabul biin-biin micim, Yehow, wiitufwiifwiil lus. I mushind kaay utudy mwa kwaalabul micim? Kakunying katam katudy naak bwa mpekaat utudy balong kitusaasak bwa kulek myand yibiih ni kwiisanjil Yehow bwa itufwiil lus. Cikwaabw, bikaam twiikashishomw bwa kuful meej mabiih ni biikadil bibiih bidy bitufikish ku mpekaat, ni hatwiikaakashishomw bwa kwiikal ni shikacil uheehetangan ni mikenj ya Yehow.​—Balaay Yeshaay 55:6, 7.

2. I mushind kaay udy Yehow ukal mudimw ni bakul bwa kwiitwambulwiish hatuloolong mpekaat?

Tut balong mpekaat mutam, Yehow wiituloolomb bwa “kubiikan bakuluuh ba Ekeleziy.” (Balaay Jak 5:14, 15.) Bakul, i bakat Yehow ni mikook yindiy. I bakumban bwa kwiitwambulwiish bwa kulengej bulund bwiitut ni Yehow.​—Kalatih 6:1.

I mushind kaay udy bakul mwa kwiitwambulwiish tut balong mpekaat mutam? Bakul babidy eecy basat, biiyiiy kwiitwaakish mibel yishimacil mu Diiy dya Mawej. Biitwaakaakish mibel yilengel ni bitukashish bwa kulek kulong cikwaabw mpekaat. Bady mwa kwiitulekesh bwa kulong midimw kaahand mu cisumbw teng ni ku ciisang citwiikal mwa kuhetulul bukash bwa mu spirit. Tut balong mpekaat mutam ni katuy baalabul micim, bakul biitwiihaahat mu cisumbw, bwa kwiicilam.

 TWEEL MU BONDOK

3. Kutond bubiih, kwiitwambambulwiish bwa kuhetulul diikand

Tut balong mpekaat, tufuufuluj Yehow mund, nook, bikaam tumutondel mpekaat iitut aaw. Balaay Misambw 32:1-5, ni isambilaay ha diijooj eedy:

• Bwabiny i bilengel bwa tutondel Yehow mpekaat yiitut hamut iitut kwiiyisokok?

 4. Kwiihat muut mu cisumbw, kwambambulwiish

Hady muut ulong mpekaat mutam ni ulek kulond mikenj ya Yehow, kiish mwa kushaal mu cisumbw. Bamwiihaahat mu cisumbw ni katwiin mwa kuseeselangan nend eecy kwiisamb nend. Balaay 1 Biin Korent 5:6, 11 ni 2 Jah 9-11, ni isambilaay ha diijooj eedy:

• Teng bu mudy leviir utuutumij bung buzob, i biny bidy mulong a mpekaat mwa kulongel cisumbw?

 CYA KUKWAAT

Tut balong mpekaat mutam ni biikunying bikasakan ni twiikashishomw bwa kulek kulong myand yibiih, Yehow wiitufwiifwiil lus.

Bwa kuvuluk

• Bwabiny i bilengel bwa tutondel Yehow mpekaat yiitut?

• Bikaam tulong biny bwa kwiitufwiilobw lus bwa mpekaat yiitut?

• Tut balong mpekaat mutam, bwabiny bikaam tuy kudy bakul bwa biitwambulwiish?