Ku dyambulwiish dya diilong diibuh dya Bibl, udy mulong myand yivul yitaatal Yehow. Myand yiwudy mulong eey, iyikashish lukat lwiibuh bwa Yehow ni udy mwangat mahangadik bwa kwiicih ni kuhet baatiisumw. Iikaleby neey, kwiish habwiih, udy mwa kulang bwa kulong bwaal oow mu mafuk miiyiiy kuuhal. Kuy kwiibuh kwa kuuhal, kakwiin kwiiman ciisang ciwuheehet baatiisumw. Udy mwa kutungunuk teng ni kufweej habwiih ni Yehow. Mushind kaay?

1. Bwabiny bikaam kutungunuk teng ni kukashish bulund bwiibuh ni Yehow?

Bikaam tutungunuk teng ni kukashish bulund bwiitut ni Yehow. Bwabiny? “Bwa katulong twaabutuk.” (Ebreh 2:1) I biny biikal mwa kwiitwambulwiish bwiitut kutungunuk teng ni kukadil Yehow mudimw ni lulamat? Bikaam twiikal ni bivul bya kulong mu mudimw iitut a bukajaady ni tukaam mishind yikwaabw yitudy mwa kukadil Mawej mudimw bikasakan. (Balaay Filipw 3:16.) Kukadil Yehow mudimw i bwaal budy ni buseeb buvul mu shikacil iitut!​—Musambw 84:10.

2. I bwaal kaay bukwaabw buwudy mwa kutungunuk ni kulong?

Nook, kulong kwiibuh kwa Bibl ki kuh, ki shikacil iibuh a bwiin Krist, utuutungunuk. Bibl uleeleeb neey: ‘bikaam bwa ney twiikal baat bahyaabahy.’ (Efez 4:23, 24) Bu muwutuutungunuk ni kulong diiy dya Mawej ni utweel mu bisangil bya cisumbw, wiiyiiy kulong myand yihyaayihy yitaatal Yehow ni biikadil bindiy. Kaam mushind uwudy mwa kwiidikij cileejel cindiy mu shikacil iibuh. Tungunuk ni kulong mashiituluk mu shikacil iibuh bwa kusangeej Yehow.

3. I mushind kaay udy Yehow mwa kukwambulwiish bwiibuh kutungunuk ni kuy teng kuuhal?

Bibl uleeleeb neey: “Mawej . . . wiiyiiy kwiinuwaakany yiy kaayend, wiiyiiy kwiinujaamij, wiinukashish, ni wiiyiiy kwiinushimatish bwiinun kwiikal bakasakan.” (1 Pyeel 5:10) Biiyiiy kuteet muut woos wa kutudy. Ki Yehow wiiyiiy kwiitwaakish bukash bwa kutaatameen mateet. (Musambw 139:23, 24) I mwiitulay bwa kwiitwaakish mushind a kukat ni kumukadil mudimw ni lulamat.​—Balaay Filipw 2:13.

 TWEEL MU BONDOK

4. Tungunuk teng ni kwiisamb ni Mulund iibuh mulengel

Kusambil ni kulong Bibl, i bikwambulwiish bwiibuh kwiikal mulund a Yehow. I biny biwudy mwa kulong bwa biibidil eeby bikwambulwiish bwiibuh kukashish bulund bwiibuh nend?

Balaay Musambw 62:8, ni isambilaay ha diijooj eedy:

• I mushind kaay uwudy mwa kulongolol masambil miibuh bwiibuh kukashish bulund bwiibuh ni Yehow?

Balaay Musambw 1:2 ni diimanyish dya kuush kwa diibij, (NWT) ni isambilaay ha diijooj eedy:

• I mushind kaay uwudy mwa kulongolol mushind iibuh a kulong Bibl bwa kukashish bulund bwiibuh ni Yehow?

I biny biwudy mwa kulong bwa kulong kwiibuh kwa Bibl kukwambulwiish? Bwa kuhet ngeny yikwaabw, talaay VIDEO, ni isambilaay ha majooj aam.

• I ngeny kaay ya mu video oomw, yiwudy mwa kulond?

• I biin bwaal kaay biwukaakaam kulong?

 CYA KUKWAAT

Tungunuk ni kukashish bulund bwiibuh ni Yehow ni ifundil biihacil bya mu spirit. Nook, wiiyiiy kwiikal ni buumy buyiil!

Bwa kuvuluk

• Bwabiny udy mujaadik neey, Yehow wiiyiiy kukwambulwiish bwiibuh kumukadil mudimw ni lulamat?

• I mushind kaay, uwudy mwa kukashish bulund bwiibuh ni Yehow?

• I mushind kaay udy biihacil biibuh bya mu spirit bikwambulwiish bwiibuh kuy kuuhal?