Yeez i yiy Fumw a cisumbw cya biin Krist. (Efez 5:23) Ning mudy Yeez mu diiwul leeloow, uloolombol baat bindiy ku dyambulwiish dya “muhik a lulamat udy mudimuk.” (Balaay Matewus 24:45, NWT) Yeez kaayend, ki udy muteek “muhik” oow, nook, udyok ni bufumw kaahand. Ning naak, udy teng muhik a Krist ni ukaakadil baan baabw ni Krist mudimw. Muhik oow, i ngany? I mushind kaay udyey wiitulam?

1. “Muhik a lulamat udy mudimuk” i ngany?

Yehow udyaakal teng ukal mudimw ni muut eecy ni kasumbw ka baat bwa kulombol mudimw indiy. (Malakih 2:7; Ebreh 1:1) Kuunyim kwa lufw lwa Yeez, bapostol bakwaabw ni bakul ba mu Yeruzalem baakady balombol cisumbw. (Myand Yilongel Bapostol 15:2) Leeloow, kudy kasumbw kakeeh ka bakul katubiibiikan neey,​—Kasumbw Kaludik ka Batemw ba Yehow—​katwaatwaal byaakudy bya mu spirit ni kalombol mudimw a kudiil baat musah ha bulab. Kasumbw aak i “muhik a lulamat udy mudimuk udy [Yeez] muteek.” (Matewus 24:45a, NWT) Muut woos udy mu Kasumbw Kaludik, i mwiin Krist mushing diisaby dya spirit mujilang, udy ni musangal bwaal i mumanyik neey, wiikaakal ni Yeez mu Bukaleng mu diiwul hiikaley mwa kufw.

2. I byaakudy kaay bya mu spirit bidy muhik utwaal?

Yeez wambiil neey, muhik a lulamat wiiyiiy ‘kwaakish [biin Krist] byaakudy byaababw ha diib.’ (Matewus 24:45b) Byaakudy bitudyaad, biitwaakaakish bukash ni biitwambulwiish bwiitut kwiikal ni makand ma nyeet malengel, bya mushind aakaabumw, byaakudy bya mu spirit​—malongweesh ma mu Diiy dya Mawej—​biitwaakaakish bukash butukaakaam bwiitut kulamat Yehow ni bwa kukumbaj mudimw waakady Yeez mwiitwaakish bwa kulong. (1 Timoteh 4:6) Tuheehetel byaakudy bya mu spirit eeby, mu bisangil, mu hwiil ni bihwiil bitam, mu mikand ni mu video bidy bishimacil ha diiy dya Mawej biitwambambulwiish bwa kumanyik lukat lwindiy ni bwiitut kukashish bulund bwiitut nend.

 TWEEL MU BONDOK

3. Bikaam baat ba Yehow, biikal balongolol

Ku dyambulwiish dya Yeez, biin mu Kasumbw Kaludik i balongolol midimw yidy Batemw ba Yehow balong. Biheehetangan ni cyaakady biin Krist ba kuuhal balong. Talaay VIDEO.

Balaay 1 Biin Korent 14:33, 40, ni isambilaay ha diijooj eedy:

• I mushind kaay udy verseh eey yileej neey, Yehow i mukat bwa baat bindiy biikal balongolol?

4. Muhik a lulamat udy mudimuk, i mulongolol mudimw a kudiil baat musah

Mudimw a kudiil baat musah, i mudimw a buseeb waakady biin Krist ba kuuhal balong. Balaay Myand Yilongel Bapostol 8:14, 25, ni isambilaay ha majooj aam:

• I ngany waakady ulombol mudimw a kudiil baat musah mu ciisang cya biin Krist ba kuuhal?

• I biny byaakady Pyeel ni Jah balong haakady bapostol biibaakish may ma kulond?

Mudimw a kudiil baat musah, i mudimw udy ni buseeb buvul udy biin mu Kasumw Kaludik balongolol. Talaay VIDEO.

 Yeez uleebel neey, mudimw a kudiil baat musah, udy ni buseeb buvul. Balaay Mark 13:10, ni isambilaay ha majooj aam:

• Bwabiny mudimw a kudiil baat musah udy ni buseeb buvul kudy Kasumbw Kaludik?

• Bwabiny bikaam “muhik a lulamat udy mudimuk” alongolol mudimw a kudiil baat musah uloolongek ha bulab butuutul?

5. Muhik a lulamat udy mudimuk utwaatwaal may ma kulond

Biin mu Kasumbw Kaludik, baakaakish biin Krist ba ha bulab butuutul may ma kulond. I mushind kaay udy biin mu Kasumbw Kaludik aab bangat mahangadik? Tutal mwaakady biin mu kasumbw kaludik ba biin Krist ba kuuhal balong myand. Balaay Myand Yilongel Bapostol 15:1, 2, ni isambilaay ha majooj aam:

• Biin Krist ba kuuhal, baakady bakokangan bwa bwaal kaay?

• I bangany baakady Pool ni Barnabas bakatal bwa kumanobw cilumbw?

Balaay Myand Yilongel Bapostol 15:12-18, 23-29, ni isambilaay ha diijooj eedy:

• I biny byaakady biin mu kasumbw kaludik ba mu siyekel a kuuhal balong bwa Mawej kwiibalombol bwa kwangatobw mahangadik malengel?​—Talaay verseh 12,  15, ni 28.

Balaay Myand Yilongel Bapostol 15:30, 31 ni 16:4, 5, ni isambilaay ha majooj aam:

• I mushind kaay waakady biin Krist ba kuuhal bakooyel may ma kulond ma kudy kasumbw kaludik?

• I mushind kaay waakady Yehow mubenesh biin mu kasumbw kaludik?

Balaay 2 Timoteh 3:16 ni Jak 1:5, ni isambilaay ha diijooj eedy:

• Leeloow, mahangadik mady biin mu Kasumbw Kaludik bangat, i mashimacil ha biny?

 CYA KUKWAAT

Kasumbw Kaludik i “muhik a lulamat udy mudimuk” udy Krist muteek. Biin mu Kasumbw Kaludik baakaakish biin Krist ba ha bulab butuutul may ma kulond ni byaakudy bya mu spirit.

Bwa kuvuluk

• I ngany udy muteek “muhik a lulamat udy mudimuk”?

• I mushind kaay udy biin mu Kasumbw Kaludik biitulam?

• Wiitaatabok neey, Kasumbw Kaludik i “muhik a lulamat udy mudimuk” eeny?