Kuhingulwiil baat

PLAY

Kuhingulwiil baat

Diiy ditam: ‘Bakaady bend ni kutungunuk ni kulongweesh baat bend bibadiil musah mulengel.’—Yil. 5:42.

Cilongel Pool

FILM: Pool uleejel cisumy mu Efez

1. Tal FILM, eecy bal Myand yilongel Bapostol 19:8-10. Ni langil a Majooj maloolond aam:

Hamut a kwiibilekey haakady baat balek kumukun mat i mushind kaay uleejel Pool cisumy bwa kukwanjeyok baat baakady bakaam kumanyik myand ya biin-biin?
I misang buuny kaay yaakady Pool uhingomw bwa kuy kalongweesh baat baakady bakaam kumanyik myand ya biin-biin, ni ulongel nook bwa ciisang bul kaay?

I biny bituloolongel ku cileejel cya Pool?

2. Tudy bakat kukal mudimw ni diib diitut bwa kuhingulwiilomw baat ni kutang kulong naab Bibl.

Iidikij Pool

3. Long program mulengel bwa ahetangan ni diib diwudy mwa kasanganok muut kwindiy. Iijooj neey: ‘I diib ni cyaab kaay bidy bikumban bwa mim kuy kiibatal? I ciisang kaay ni kweeh kudyobw mwa kwiikal bakat bwa kwiisamb naany?’ Iikal mwiiswiik teng bwa kuhingulwiilomw baat ning ciisang kaciy cikumban bwiibuh.

4. Umvwanganaay bwa diib dinwiikal mwa kuhetangan cikwaabw. Ku bulekel kwa mwiisamb iinun, ambil muut ciisang ciwaakanyin cinwiikal ni bwa kwiisamb nend kabidy. Iikal mutwiishiibw neey nwiiyiiy kuhetangan nend ha diib ni ha cyaab cinudy bumvwangan.

5. Iikal mutakamin. Kulangoh bend meej neey baat batudy katuy tutaan ku maababw eecy bady teng ni midimw yivul kabiishoh bend bakat kwiitukun mat bwaal. (1 Kor. 13:4, 7) Hamut a kulang naak, iikal ni kacy-kacy hawendend ni kuleej cisumy ni dimuk kabidy bwa diib.—1 Kor. 9:26.

TAL CIKWAABW

Yil. 10:42; 1 Kor. 9:22, 23; 2 Kor. 4:1; Kal. 6:9

KAT BAAT—IIBALAABUL BASHAAL BIIYIJ