Cilongel Yeez

I biny bituloolongel ku cileejel cya Yeez?

2. Tut tulongweesh mu mushind muheehel, baat biiyiiy kuvuluk bitudy biibalongweesh ni biiyiiy kuteng micim yaabab.

 Iidikij Yeez

3. Lek kuleeb bivul menmen. Hamut a uw kuleeb myand yoos yiwudy mumanyik habitaatal ciin bwaal, iimanyin teng ha myand yidy mu mukand unuloolong. Hawumaaman kumb diijooj, iikal utukijok mu diis bwa mulony iibuh anj aalabul. Biby biikal neey kiin mumanyik cidyey mwa kwaalabul eecy yiy muleeb bwaal kaahand bukiish bumvwangan ni cileeleeb Bibl, mumbok tumajooj tukwaabw bwa eelok meej habitaatal ciin bwaal eecy. Yiy mumvw musang umw bwaal butam, hitaay ha bwaal bukwaabw.

4. Kal mudimw ni bidy mulony iibuh muman kumanyik bwiibuh kumwambulwiish bwa kumvwey malongweesh mahyaamahy. Cileejel, kuuhal kwa Kutang dilongweesh habitaatal kusanguk, udy mwa kuvulwiij mu may makeeh mulony iibuh myand yikaadyey mumanyik habitaatal bafw.

5. Kal mudimw bilengel ni bileejel biwutwaatwaal. Kuuhal kwiibuh kutwaal cilleejel, anj iyihanguj neey:

1.    ‘Cileejel eecy i ciheeheloh bwa muut kumvw eeny?’

2.   ‘Mulony a mim a Bibl udy mwa kwiicyumvw biheehel eeny?’

3.   ‘Cidy mwa kwiiyok kwambulwiish mulony aam bwa kuvuluk bwaal butam —ni kay uvuluk teng cileejel eeny?’