Iilongolol bilengel ni sambil. Sambil Yehow bwa akwambulwiish bwiibuh kutum meej ku musah uwudy nend, ki kiish kuwudy uw kaayeeb. Tum meej miibuh ku myand yitam yiwukaakaam kwambil baat. Leeb biwulaalang mu may miibuh; kaay wambulul byambil teng mudyeby biibifund mu mukand.

Leeb ni mucim iibuh woos. Langil ha ciikal mwa kusak bakukuukun mat bwa kumvobw biwiikal mwa kwiibambil. Tum meej miibuh kudyobw. Cikwaabw, mushind uwiimaamanakan, mushind uwukaakal mudimw ni bikam ni bituh bikwaabw bya nyeet, ni ku mees kwiibuh bileej muwuleeleeb myand ni mucim aakaabumw ni musangal.

Iikal utal bakukuukun mat. Long bwa mees miibuh miikal matalangan ni ma baat biby biikal neey kabiin bibiih ha cyaab ciwudy. Hawuloolong mwiisamb, iikal utalok muut ning umw ha yiy kaayend hamut a kwiibatal bab boosolol lwang-lwang.