Joojolol myand yiwukaakaam mu biit bijaalal. Biwuleeleeb biikal biimanyin teng mu Diiy dya Mawej, bal diiy dya Mawej buludy-ludy teng mudyobw biidifund kuk mushind. Uw uleeb bwa myand ya siyans, ulond bwaal buhyaabuhy, ulond bwaal kaahand budy bulongek, eecy uw uleeb bwa bwaal bukwaabw butwaat bukwaabw nyam ku mikon, anj kaam cya kuuhal bwa kumanyik ning cyaab cidyobw bangacil bwaal aabw i cya kuteekel micim ni bwiibuh kumanyik cikwaabw neey bwaal aabw bucidy bujaalal.

Kal mudimw bilengel ni myand yiwudy muhet. Leej mudy baat mwa kukooyel verseh mu mushind uheehetangan ni cyaab cidyobw biyangacil, mudy myand yiwuleeleeb yihetangan ni cileeleeb Bibl, ni mikand ya “muhik a lulamat udy mudimuk.” (Mat. 24:45, NWT) Leeb myand ya mu mikand ya baat bakwaabw teng mudyobw biiyifund ni meej ma biiyifundil.

Eleshesh baat meej ha cijaadik ciwudy mutwaal. Kuunyim kwa kubal verseh kaahand eecy kwa kuteel bwaal kaahand, umbukok majooj mu mushind mulengel eecy leej bwaal budy mwa kwambulwiish bakukuukun mat bwa baleeb kaayaabw cidyobw bumvw.