Tut bakat kusangaj Yehowah, bikaam tukun mat kudy muut mukwaabw wa buseeb. Mafuk mavul kuhal kwa kuhang Adam, Yehowah uhangil muut mukwaabw wa mu nyum mwikal ni bukash buvul mu diiwul.

Ku nyim kwa mafuk, Yehowah utumin muut oow bwa haledibw mu Betelem kudy Mariy, sand ukaamanyikil balum. Mwaan oow bamubikeen ney Yeez.​—Jah 6:38.

Hakadiey ha bulab, Yeez waakady uloond menmen ngikadil ya Mawej. Waakady muut mulengel, mwiwul ni lukat; baat kabaakady ni mooy bwa kwisamb nend. Waakady uloongwesh baat ni diikim may ma biin-biin habitaatal Yehowah.

Balombody ba bitendelel baakady bakin Yeez bwaal waakady umbw hatok maloongwesh ma bab ma makos ni bikadil bya bab bibiih.

Yeez ubukeel biin mabeej; wabuush ni bafw.

Balombody ba bitendelel aab biitabijijil Biin Rom bwa kukushil Yeez ni kumuzuh.