Makeng mikaakalok lwa mwendelel eeny?
Udy mwa kuleeb neey . . .
-
ing eeny?
-
waakweeh?
-
misang yikwaabw eeny?
CILEELEEB BIBL
‘Mawej wiiyiiy kwiibakuhul maasoj ku mees. Lufw kalwiishoh bend lwiikalok. Kakwiishoh bend kuhing kwiikal kudil kwa lufw, ning kwaabakan, ning biitiit.’—Myand Yisokolweel 21:3, 4, Mukand a Mawej.
I MUSHIND KAAY UDY DIIMANY EEDY MWA KUKUKWAJOK?
Kutwiishibw neey, Mawej kiishoh bend mwiitukaamin makab.—Jak 1:13.
Kumanyik neey, Mawej umvumvw bibiih hatumoomon mal kwiitukaakashish ku micim.—Zakarih 2:8.
Kwiikal mutakamin neey, makeng moos miiyiiy kujimban lwa diikal.—Misambw 37:9-11.
TUDYOK MWA KWIITABIJ CYA BIIN-BIIN MYAND YILEELEEB BIBL EENY?
Ing, bwa myand yivul, kady tuteeteelok teng yibidy bituh:
-
Mawej kiish mukat makeng ni kasung-sung. Tal mwaakady Yehow munvw haakadyobw bamweesh baat bindiiy mal ni cikis civul mu ciisang cyaakadyobw bafund Bibl. Bibl uleeleeb neey: waakady ni kaakunying mu mucim bwa “mal maakadyobw bibamweesh kudy biin lukun baababw.”—Baamazuj 2:18, Mukand a Mawej
Mawej umvumvw bibiih bwa baat ba mweemweesh bakwaabw mal. Cileejel, Bibl uleeleeb neey: Mawej kiishoh bend wiitab ning bikeeh “makam mazuuzuh baat bady kabay ni bwaal.”—Tusumw 6:16, 17.
-
Mawej wiitaatacish bwa baat boos. Yehow i mumanyik makeng ma baat teng mudy muut woos mwa kumanyik ‘lubeel ni kukab kwindiiy kayend.’—2 Cifuk 6:29, 30.
Yehow wiiyiiy kaabaak kuful makeng ma baat boos kuhicil ku bukaleng bwindiiy. (Matewus 6:9, 10) Mu kwindil bwaal oobw, ukaakashish ni lukat loos micim ya ba mukaakaam ni mucim aakaabumw.—Myand Yilongel Bapostol 17:27; 2 Korent 1:3, 4.
LANG KET
Bwabiny Mawej i mulek makeng mend ni kutungunuk?
Bibl utwaatwaal maalabul ku diijooj eedy mu ROM 5:12 ni mu 2 PYEEL 3:9.