DILONGWEESH 10
Mushind kaay uwudy mwa kumanyik citendeleel cya biin-biin?
1. Citendeleel cya biin-biin cidyaakal teng cyaakaabumw eeny?
imukilaay baprofet ba makos.”—MATEWUS 7:15.
Yeez waakady mulongweesh biiyij bindiy teng bwa citendeleel cyaakaabumw, citendeleel cya biin-biin. I cilong teng na njil ufiifikij ku buumy bwa mwendelel. Yeez uleebel bwa njil oow ney “Baat bakeeh i baamuheehet.” (Matewus 7:14) Mawej witaatabij teng citendeleel ciloolongweesh myand yaalaalukil mu Diiy dindiy. Biin Krist ba biin-biin boos i bakongakany mu diitabij dyaakaabumw.—Bal Jah 4:23, 24; 14:6; Efeez 4:4, 5.
Leej video Mawej wiitaatab masambil moos eeny?
2. Yeez uleebel biny bwa biin Krist ba makos?
“Bajaajadik ney i bamanyik Mawej, ki myand yiloolongobw yileeleej ney kabiishoh bend bamumanyik.”—TIIT 1:16.
Yeez utangil kudiimush baat, waaleeb ney baprofet ba makos biiyiiy koony malongweesh ma biin-biin ma biin Krist. Baprofet ba makos aab bamweemweek ku mees teng na biin Krist ba biin-biin. Baleeleeb ney citendeleel cyaababw i cya biin krist. Kady, udy mwa kumanyik baat aab ku cidyobw menmen. Ku biny? Teng mu citendeleel cya biin-biin i mumw mudy biin krist ba biin-biin bady ni myand yilengel ni ngikadil ya buseeb.—Bal Matewus 7:13-23.
3. I ku biny kuwudy mwa kumanyikil batendeleedy ba biin-biin?
Bal bijingidik bitaan biloolond eeby:
-
Batendeleedy ba biin-biin badyaakal baneemek Bibl, bamutal teng na Diiy dya Mawej. Biitaatacish bwa kukooyel ku May matam madyomw. Nook, citendeleel cya biin-biin i cituhuluk ni bitendeleel bidyaakal bilongweesh myand ya baat. (Matewus 15:7-9) Batendeleedy ba biin-biin kabadyaakal balongweesh myand yikwaabw, ook balong yijim.—Bal Jah 17:17; 2 Timoteh 3:16, 17.
-
Biiyij ba biin-biin ba Yeez badyaakal baneemek diijin dya Mawej, Yehowah. Yeez waakady uneemek diijin dya Mawej bwaal waakady wiidileej baat. Ukwanjilok baat bwa kumanyik Mawej, ni kwiibalongweeshey mwa kulomb bwa diijin dya Mawej dihet lutumb. (Matewus 6:9) Ha cyaab ciwudy mushikacil, i citendeleel kaay cidyaakal cilongweesh baat diijin dya Mawej?—Bal Jah 17:26; Rom 10:13, 14.
-
Biin Krist ba biin-biin bendend ni kuyij baat bwa Bukaleng bwa Mawej. Mawej utumin Yeez bwa kudiil baat musah mulengel a Bukaleng. Bukaleng bwa Mawej i mbulmatady aakaabumw udy baat boos batakamin. Yeez utungunukil ni kuleeb bwa Bukaleng oobw teng ni diifuk dya lufw lwiindiy. (Luuk 4:43; 8:1; 23:42, 43) Uleebel ney biiyij bindiy baakady mwa kudiil byaabw baat musah a Bukaleng oobw. Bwiibuh, muut yiy mwiiy kukudiil musah a Bukaleng bwa Mawej, udy mwa kuleeb ney, i mwiin citendeleel kaay?—Bal Matewus 24:14.
-
Biiyij ba Yeez kabadyaakal batweelakan mu myand ya ha bulab oobw. Udy mwa kwiibamanyik, bwaal kabadyaakal batweel mu myand ya cidiidy eeny mu diivit. (Jah 17:16; 18:36) Biiyij ba Yeez kabadyaakal balong myand ni bisel bibiih teng muloolong baat ba ha bulab oobw.—Bal Jak 4:4.
-
Biin Krist ba biin-biin bady ni lukat lukasakan mukacy mwaababw. Diiy dya Mawej i diibalongweesh mwa kuneemek baat ba bis byoos. Nang mudyaakal bitendeleel bya makos bitweel mu diivit, biin Krist ba biin-biin babw kabadyaakal batweelomw. (Mikah 4:1-3) Biin Krist ba biin-biin badyaakal bakal mudimw ni diib ni biit bidyobw naaby bwa kukwanjok naaby baat bakwaabw.—Bal Jah 13:34, 35; 1 Jah 4:20.
4. Udyok mwa kumanyik citendeleel cya biin-biin eeny?
I citendeleel kaay cidyaakal cyangacil malongweesh maacicy moos teng mu Diiy dya Mawej, cineemek diijin dindiy ni cidiil baat musah a Bukaleng bwa Mawej ney i mbulmatady aakaabumw udy baat boos batakamin? I citendeleel kaay cidyaakal ni lukat ni cikiish citweelakan mu diivit? Ubumbw meej ney, i citendeleel kaay?—Bal 1 Jah 3:10-12.
