Hang iitut udy ni meej mavul mahitok miitut. I taat a lukat, udyaakal wiitacish bwiitut. Kadyaakal mukat bwa ney twiikal biishikacil katuy tumwiihanguj myand. (Jeremih 10:23) Teng mudyaakal mwaan mutofw ukaam ney balel bindiy bamulombol, nook tut boos tukaakaam ney Mawej itulombol. (Yeshaay 48:17, 18) May matam ma mu Bibl miituloolombol bwaal i ciheel cyalaalukil kudy Mawej.​—Bal 2 Timoteh 3:16.

Mikenj ya Yehowah ni may matam mindiy miituloolongweesh mushind a kushikat bilengel leeloow, ni miituleej citudy mwa kulong bwa kuhet musangal a buyiil mu mafuk miiyiiy. Bu mudyey mwiituhang, Mawej ukaakaam ney tulond may matam mindiy ni mucim aakaabumw.​—Bal Musambw 19:7, 11; Myand yisokolweel 4:11.

May matam ma mu Bibl, i myand yishimat ya biin-biin. Mikenj naabw yitaatal bwaal kaahand busunguluk. (May Mumbulul 22:8) Bikaam kumb meej bikasakan bwa kutal mushind kaay utudy mwa kukooyel ku diiy ditam dya mu Bibl kuuhal kwa kulong bwaal kaahand. (Tusumw 2:10-12) Cileejel, Bibl uloolongweesh ney buumy i ciheel cya kudy Mawej. Diiy ditam eedy didy mwa kwiitulombol hatudy bashikat ku cibel, ku mudimw ni hatuyaay ku lwend. Diitukwaakwanjok bwa ney katulong twaajimbaj buumy bwiitut eecy bwa bakwaabw.​—Bal Myand yilongel 17:28.

Yeez uleebel bwa may matam mabidy ma buseeb buvul. Dya kuuhal diileeleeb ney baat bady ni buumy, bwa kumanyik Mawej, ku mukat, ni kumukadil mudimw ni mucim aakaabumw. Bikaam ney twiidivuluk diib dyoos dituhaahangadik bwa kulong bwaal kaahand. (Tusumw 3:6)  Baat bakookooyel ku diiy ditam eedy, biiyiiy kwiikal balund ba Mawej, baheehet musangal a biin-biin ni buumy bwa mwendelel.​—Bal Matewus 22:36-38.

Diiy ditam diibiidy diitukwaakwanjok bwiitut kushikat talal ni bakwaabw. (1 Korent 13:4-7) Tukookooyel ku diiy eedy hatuloolongel baat myand teng mudyaakal Mawej wiibalongeley.​—Bal Matewus 7:12; 22:39, 40.

May matam ma mu Bibl maloolongweesh biin mu cisak bwa kwiikal bakatangan ni baakongakany haakaabumw. (Kolos 3:12-14) Bibl ukwaakwanjok cikwaabw bisak bwaal uloolongweesh diiy ditam dikwaabw ney maluw mady ni cya kwiikalok buyiil.​—Bal Bwanjil 2:24.

Tut tukooyel ku malongweesh ma mu Bibl, miiyiiy kwiitukwanjok mu kushikat kwiitut ni kwiitulam ku kaakunying. Cileejel, bafumw ba midimw bavul badyaakal bakaam biin mudimw bady bakat kukooyel ku may matam ma Mawej maloolomb baat bwa kukal mudimw ni mucim mutook ni cisumy. (Tusumw 10:4, 26; Ebreh 13:18) Diiy dya Mawej diituloolongweesh cikwaabw bwa kusangal ni biit bitudy naaby, ni kukaam kuuhal-a-hal bulund ni Mawej ha mut ha kukaam bihak.​—Bal Matewus 6:24, 25, 33; 1 Timoteh 6:8-10.

Kukooyel ku may matam ma mu Bibl kudy mwa kwiitukwanjok bwa kulam bukash bwa nyeet. (Tusumw 14:30; 22:24, 25) Cileejel, kukooyel ku mukenj a Mawej uleelekesh baat bwa kukol maluv kwiiyiiy kwiitweehul ku mabeej ni ku lufw. (Tusumw 23:20) Yehowah i mwiitaabil baat bwa kunw maluv, kady i mwiibaleekesh bu kanwaay. (Musambw 104:15; 1 Korent 6:10) May matam ma Mawej miitukwaakwanjok bwa kutal myand yitudyaakal tulong ni meej matudyaakal tumb. (Musambw 119:97-100) Biin Krist ba biin-biin kabadyaakal bakooyel mibel ya Mawej teng bwa kuhet dyaakalengel. Kady baloolong nook bwa kwaakish Yehowah lutumbw.​—Bal Matewus 5:14-16.