Mu diifuk dya 20/2/2022, bamanyishil kuhatuk kwa Nkudimuinu wa bulongolodi bupiabupia wa mifund ya ciin Krek ya bwiin Krist mu cileebel cya Kimpende mu program muman kukwaat ku byaamw. Mwiin-kweet Nicolas Hifinger wa mu Komiteh wa Filiyal wa mu Kongo (Kinshasa), umanyish kuhatuk kwa Bibl wa mu byaamw kuuhal kwa bakajaady bahit ha 10 000. Wiiyiiy kuhatuk ha mabij mu suuny 4/2022.

Myand ya Batemw ba Yehow mu cileebel cya Kipende yitwaadijil mu muvw a 60 haakadyobw baakish Makanda Madinga Henri Cibumb cya Muteetekel. Kuunyim kwa yiy muman kwiicibal, waakady mutwiishibw neey, i muhet myand ya biin-biin ni kutwaadijey kwambil bakwaabw myand yaakadyey ulong. Uhetel baatiisumw ni kushaaley Temw a Yehow. Kuunyim cisumbw cya kuuhal cya cileebel cya Kipende citwaadijil mu muvw a 1979 mu Kiefu.

Kwaalabul ook i kwambulwiish biin-kweet baan-balum ni baan-bakaj mu kwiilongel ni mu kudiil baat musah mulengel. Cileejel, Mwiin-kweet Hifinger umvwiijil neey: Bibl udy muhatuk oow, i “mujaalal ni umvwiik bilengel,” ni “uhiihingij diijin dya Yehow ha cyaab cyoos cyaakadyedy mu mifund ya kubutambwiil.”

Tusaasambil neey, Bible-Nkudimuinu wa bulongolodi bupiabupia oow ambulwiish biin-kweet bwa batungunuk ni ‘kulong myand yilengel yoos ni bay kuuhal mu kumanyik kwa Mawej.’—Biin Kolos 1:10.