Abandu banene bakalhangira omusalaba ng’akaminyikalho k’Ekikristayo ehosi. Nomwakine indi Abema ba Yehova ni Bakristayo, sithuli kolesaya omusalaba omw’iramya lyethu. Busana naki?

 Enzumwa nguma yiri yithi e Biblia yikakanganaya ngoku Yesu mwathaholera okwa musalaba aliwe okwa kikondo buyira. Nibya e Biblia yikakunga Abakristayo yithi “musaghe erisaba esyosanamu,” ekikamanyisaya kithi sibatholere bakakolesya omusalaba omw’iramya.​—1 Abanya Korinto 10:14; 1 Yoane 5:21.

 Ekikulhu, Yesu mwabugha athi: “Mwamabya n’olhwanzo, omughuma busana n’owundi, abandu abosi basyaminya ko muli bigha baghe.” (Yoane 13:34, 35) Neryo aho, Yesu mwakangania ngoku olhwanzo olhw’eriyihayo​—butsira omusalaba kutse esanamu yosi-yosi—​lhw’olhwanga minyikerye abigha biwe ab’okwenene.