Ni Bahi Abakaghenda Elhubulha?
Ekya Biblia yikasubiraya
Nyamuhanga abirisombolha omughanzo muke w’Abakristayo abathaleghulha, abo enyuma w’olhuholho, bakalhubukira okwa ngebe y’elhubulha. (1 Petero 1:3, 4) Bamabirisombolhwa, batholere ibalholha embere eribya ibanemughumya erikirirya lyabu n’emibere eyihenirye nuku sibaheraye olhusunzo lhwabu lhw’erighenda elhubulha.—Abanya Efeso 5:5; Abanya Filipi 3:12-14.
Abakaghenda elhubulha bakendi syakolha yaki?
Bakendi syakolha haghuma na Yesu ng’abami n’abahereri habw’emyaka 1,000. (Eribisulirwa 5:9, 10; 20:6) Bakendi syabya “lhubulha lhuhya-lhuhya,” kutse egavumente y’elhubulha, eyikendi syathabalha okwa “kihugho kihya-kihya,” kutse abandu abali okwa kihugho. Abathabali b’elhubulha abo bakendi syawathikya omw’ileka abandu babye omwa mibere eyithunganene eyo Nyamuhanga abya anzire okw’itsuka.—Isaya 65:17; 2 Petero 3:13.
Ni bangahi abakendi syalhubukira okwa ngebe y’elhubulha?
E Biblia yikakanganaya ngoku abandu 144,000 bakendi syalhubukira okwa ngebe y’elhubulha. (Eribisulirwa 7:4) Omwa esyonzoli esiri omwa Eribisulirwa 14:1-3, omukwenda Yoane mwalhangira “Ekyana ky’Embuli kyabya kimene oko kithwe kye Sioni, kandi haghuma nayu habya abandu elfu erighana n’amakumi ani n’ini (144,000).” Omwa syonzoli, “Ekyana ky’Embuli” kik’imanira Yesu oyuwalhubukibawa. (Yoane 1:29; 1 Petero 1:19) “Ekithwe kye Sioni” kik’imanira ekitsumbi ekyabirihamibwa ekya Yesu n’abo akendi syathabalha nabu elhubulha abandu 144,000.—Esyonyimbo 2:6; Abaebrania 12:22.
“Ababirikirawa . . . n’abayisogha” erithabalha na Kristo omo Bwami bakahulhawamo “ekihyo kike.” (Eribisulirwa 17:14; Luka 12:32) Eki kikakanganaya ngoku bangabere bake erilinganisibwa n’omughanzo wosi w’esyombuli sya Yesu.—Yoane 10:16.
Ebithahikire ebihambire okwa bakendi syaghenda elhubulha
Ekithahikire: Abandu bosi ababuya bakaghenda elhubulha.
Okwenene: Nyamuhanga akalhaghanisaya abandu abangyi ababuya b’engebe y’erikotha okwa kihugho.—Esyonyimbo 37:11, 29, 34.
Yesu mwabugha athi: “Sihali omundu oyo wahethukira elhubulha.” (Yoane 3:13) Aho mwakangania ngoku abandu babuya abaholha athali asa okwa kihugho nga Abrahamu, Musa, Yobu, na Dawudi, mubathaghenda elhubulha. (Emibiri 2:29, 34) Omwakanya k’ekyo, bawithe amaha w’erisyalhubukira okwa kihugho.—Yobu 14:13-15.
Erilhubuka ly’elhubulha likahulhawamo ‘erilhubuka ly’erimbere.’ (Eribisulirwa 20:6) Eki kikakanganaya ngoku hakendi syabya erind’ilhubuka. Likendi syabya ery’okwa kihugho.
E Biblia yikakangiriraya yithi ahisi sy’obuthabali bw’Obwami bwa Nyamuhanga, “olhuholho silhwendi syaswabyaho.” (Eribisulirwa 21:3, 4) Omulhaghe oyu atholere eribya iniakakanaya okwa kihugho, kundi elhubulha siyiri yathabya olhuholho.
Ekithahikire: Obuli mundu akayithwiramu ng’ahebawe engebe y’elhubulha kutse ey’okwa kihugho.
Okwenene: Nyamuhanga yukathwamu nga ni Mukristayo wahi yuthunge “olhuhembo, lhw’eribirikirwa ly’endatha,” ni bugha ambu amaha w’engebe y’elhubulha. (Abanya Filipi 3:14) Eriyisunza ly’omundu siririleka omundu oyo akasombolhwa.—Matayo 20:20-23.
Ekithahikire: Amaha w’engebe y’erikotha okwa kihugho ni kaghayo, akahebawa abathatholere erighenda elhubulha basa.
Okwenene: Nyamuhanga ak’ahulha abakendi syabana engebe y’erikotha okwa kihugho mwa “abandu baghe,” “abayisoghawa baghe,” na ‘abandu abo Yehova akatsumulha.’ (Isaya 65:21-23) Bakendi syathunga olhusunzo lhw’eriberererya ekighendererwa kya Nyamuhanga eky’erimbere busana n’abandu—engebe y’erikotha eyihikene okwa kihugho paradiso.—Enzuko 1:28; Esyonyimbo 115:16; Isaya 45:18.
Ekithahikire: Omughanzo 144,000 ow’akahulhawa omw’Ibisulirwa ni w’omusyo.
Okwenene: Nomwakine indi omw’Ibisulirwa mune esyonamba esy’omusyo, esindi ni syonyine-nyine. Ng’ekye’erileberyako yikakanaya okwa “amena ikumi n’abiri w’abakwenda erikumi n’ababiri b’Ekyana ky’Embuli.” (Eribisulirwa 21:14) Thalengekanaya okwa kikaleka ithwaghunzerera thuthi enamba 144,000 nayu yitholere eribya ini yonyine-nyine si y’omusyo.
Eribisulirwa 7:4 hakabugha hathi “emighanzo y’abo abahirawa kw’ekiminyikalho, [kutse abalighirwe engebe y’elhubulha] ni elfu ighana, n’amakumi ani n’ini (144,000).” Omo mwatsi oyu omulhondo ow’ali hakuhi-kuhi nagho akakanaya okwa gurupu eyakabiri eyiri mbaghane athi: “endeko nene eyo omundu athe angathoka erighanza.” N’ab’omwa “ndeko nene” nabu bakabana omulhamu erilhua oku Nyamuhanga. (Eribisulirwa 7:9, 10) Enamba 144,000 kuyabya ini y’omusyo, iyik’imanira egurupu eyithe yangaghanzwa, neryo kwesi embaghane eyiri ahakathi-kathi k’esyogurupu ibiri siyanga bereho. a
[OMWATSI AHIKWA]
a Eryongera okw’ekyo, abandu 144,000 bakanibweko ‘ng’ababirighulhwa omwa kathi-kathi k’abandu ng’abandu b’erimbere.’ (Eribisulirwa 14:4) Ekinywe “ab’erimbere” b’abandu abake abasombolhawa. Kikakanganaya ndeke abakendi syathabalha na Kristo ibane elhubulha okwa abandu abali okwa kihugho abo omughanzo wabu syasibwe.—Eribisulirwa 5:10.
You May Also Like
ESSENTIAL BIBLE TEACHINGS
Obwami bwa Nyamuhanga Niki?
Omw’ithulira liwe eryosi, Obwami bwa Nyamuhanga bwa Yesu akangirirayako kwilhaba owundi mwatsi wosi-wosi. Ahabw’ebighonye bingyi, abigha biwe babirisaba bathi Obwami obo bwase.