Ee, kundi obuwathikya obuwene ndeke bukalhua oku “Nyamuhanga oyukakiranaya abakabulha omuthima w’omo nda.”​—2 Abanya Korinto 7:6.

•   Amaaka. Nyamuhanga ‘akakukiranaya,’ butsira omw’ighunzaho ebitsibu byawu byosi, aliwe omw’isubirya emisabe yawu ey’erimusaba amaaka w’erighuma. (2 Abanya Korinto 4:7) Wukiminye ndeke-ndeke ngoku Nyamuhanga anayitheghekire erikuhulikirira, kundi e Biblia yikabugha yithi: “Omwami Mukulhu ali hakuhi n’ab’emithima ibbunangikire, akalhamaya abathawithe amaha.” (Esyonyimbo 34:18) Erithwalira haghuma, wamasaba Nyamuhanga, akakuhulikirira nomwakine indi kyangana kukalire erithoka erimubwira ebyosi ebiri okwa muthima.​—Abanya Roma 8:26, 27.

•   Eby’erileberyako ebyuwene. Omuhandiki mughuma we Biblia mwasaba Nyamuhanga athi: “Omughulhu nganoghokalha, ngakulhakira iwe Mwami Mukulhu.” Omuhandiki w’esyonyimbo oyu mwarwanisya eribbunika ly’omuthima omw’ibuka ngoku Nyamuhanga akabya inianayitheghekire erithughanyira ebibi byethu. Mwabwira Nyamuhanga athi: “Wamaghanza ebibi byethu, Omwami Mukulhu, nindi wanga thoka erisingana kwehi Mukama? Nikwa iwe wukathubuyira, ithwathoka erikubaha.”​—Esyonyimbo 130:1, 3, 4.

•   Amaha. Eryongera okw’ihumulikania ababbunikire omuthima lino, Nyamuhanga abirilhagha erighunzaho ebitsibu byosi ibikaleka ihabya eribbunika omuthima. Akendisyabya akaberererya omulhaghe oyo, “emyatsi y’erimbere [imwamune n’eribbunika omuthima] siyendi syasyibukwa, kutse erihika oko muthima.”​—Isaya 65:17.

 Minya kino: Nomwakine indi bakabya ibanakyasi ngoku Nyamuhanga akawathikya ababbunikire omuthima, Abema ba Yehova kandi bakasondekanaya erithambirwa okwa malhwere nga w’obwongo erighana. (Mariko 2:17) Aliwe, ithwe ng’Abema ba Yehova sithuli hamaya okwa mithambirire mirebe thuthi ya yitholere; thukyasi ngoku obuli mundu awithe obughabe bw’eriyithwiramu okwa myatsi ng’eyi.