Mbwino Amaminyereri Awahambire oku Masiya Akakanganaya Ngoku Yesu Yuwabya Masiya?
Ekya Biblia yikasubiraya
Ee. Iniane okwa kihugho, Yesu mwaberererya amaminyereri mangyi awahambire oku “Masiya Omunya-mwami,” oyuwangabere “Mulhamya w’ekihugho.” (Danieli 9:25; 1 Yoane 4:14) Kandi nibya n’enyuma w’olhuholho lhwiwe, Yesu mwalholha embere eriberererya amaminyereri awahambire oku Masiya.—Esyonyimbo 110:1; Emibiri 2:34-36.
Ekinywe ‘Masiya’ kikamanyisayaki?
Ekinywe ky’Ekihebrania Ma·shiʹach (Masiya) n’eky’Ekigiriki Khri·stos (Kristo) ebyosi bikamanyisaya “Omuhakabibwa.” Neryo, “Yesu Kristo” kikamanyisaya “Yesu Omuhakabibwa,” kutse “Yesu Masiya.”
Omwa buthuku bwe Biblia, mughulhu mungyi omundu iniakahakabibawa om’utha oko muthwe wiwe kw’amaghutha akasombolhwa erihebwa ekitsumbi eky’embaghane eky’obuthoki. (Abalawi 8:12; 1 Samweli 16:13) Yesu mwasombolhwa na Nyamuhanga eribya Masiya—ekitsumbi ky’obuthoki bunene. (Emibiri 2:36) Aliwe, omwakanya ka Yesu erihakabibwa omwa maghutha, Nyamuhanga mwamuhakabya omwa mulimu abuyirire.—Matayo 3:16.
Mbwino abandu abalhabire oko mughuma bangana berererye amaminyereri awahambire oku Masiya?
Eyihi. Ngoku ekikumu kikaminyikalhaya mundu mughuma, eribererera ly’amaminyereri we Biblia likakanganaya Masiya mughuma, kutse Kristo. Aliwe, e Biblia yikabugha yithi “abakristo b’amabehi n’abaminyereri b’amabehi basyahulhuka basyakangya ebiminyisyo n’eby’eriswekera, busana n’erithalya abayisoghawa ba Nyamuhanga, kyamathokekana.”—Matayo 24:24.
Mbwino Masiya akendi syabanika omwa buthuku obukasa?
Eyihi. E Biblia muyalhaghulha yithi Masiya angasirire omwa lhubutho lhw’Omwami Dawudi owe Israeli. (Esyonyimbo 89:3, 4) Aliwe, ebisakango by’Abayuda ebyakera okuli endondekania eya balhuire omwa lhubutho lhwa Dawudi byabirihera, ekikalhangirika ibyathoghothibawa n’Abaroma bakakinda e Yerusalemu omwa 70 E.K. a Eritsuka okwa buthuku obo, kyabirikalha omundu wosi-wosi erikangania ngoku alhuire omwa kithunga kya Dawudi ekikalhua mw’abami. Mbaghane n’ekyo, nomwakine indi ebisakango ebyo byabya ibineho omwa buthuku bwa Yesu, nibya n’esyonzighu siwe musithaghania iyo eribugha athi ni mwitsikulhu wa Dawudi.—Matayo 22:41-46.
Omwa Biblia muli maminyereri mangahi awahambire oku Masiya?
Sikyanga thokekana eriminya omughanzo owonyine-nyine ow’amaminyereri awahambire oku Masiya. Ng’eky’erileberyako, emibere y’erighanziramo amaminyereri yangana ghana eribya mighumerere nibya n’omwa masako awakakanaya ndeke-ndeke oku Masiya. Ng’omwatsi owali omu Isaya 53:2-7 akakanaya okwa bindu muthina-muthina eby’obuminyereri ebihambire oku Masiya. Abandi ibangana ghanza omwatsi wosi oyo ng’obuminyereri bughuma, n’abandi ibangana lhangira obuli kindu ekirimo ng’obuminyereri ahabwabu.
Amaghuma w’okwa maminyereri awahambire oku Masiya agho Yesu aberereraya
Obuminyereri |
Buli omwa |
Eribererera |
|---|---|---|
Ow’olhubuthu lhwa Abrahamu |
Enzuko 22:17, 18 |
|
Mwitsikulhu wa Isaka, mughalha wa Abrahamu |
Enzuko 17:19 |
|
Eributhirwa omwa kihanda kya Yuda |
Enzuko 49:10 |
|
Erilhua omwa lhubutho lhw’Omwami Dawudi |
Isaya 9:7 |
|
Eributhwa n’oyuthe wathabana mulhume |
Isaya 7:14 |
|
Eributhirwa e Betelehemu |
Mika 5:2 |
|
Eryahulhwamo Emanueli b |
Isaya 7:14 |
|
Erikulira omw’eka y’abera |
Isaya 53:2 |
|
Abaana balere erithibwa enyuma w’eributhwa liwe |
Yeremia 31:15 |
|
Eribirikirwa erilhua e Misiri |
Hosea 11:1 |
|
Eryahulhwa mwa Munazareti c |
Isaya 11:1 |
|
Omukwenda erimutsuka embere |
Malaki 3:1 |
|
Erihakabibwa eribya Masiya omwa 29 E.K. d |
Danieli 9:25 |
|
Nyamuhanga erimwahulha mo Mughalha Wiwe |
Esyonyimbo 2:7 |
Emibiri 13:33, 34 |
Omuhwa busana n’enyumba ya Nyamuhanga |
Esyonyimbo 69:9 |
|
Omuthuliri w’engulhu yuwene |
Isaya 61:1 |
|
Omubiiri wiwe w’erithulira e Galilaya eribya kyakakalha kinene |
Isaya 9:1, 2 |
|
Erikolha ebithiko-thiko nga Musa |
Eryibuka Ebihano 18:15 |
Emibiri 2:22 |
Nga Musa, mwabwira abandi ebya Nyamuhanga amubwira |
Eryibuka Ebihano 18:18, 19 |
|
Erilhamya abalhwere bangyi |
Isaya 53:4 |
|
Mwathayihamya |
Isaya 42:2 |
|
Mwakwira abakanuba b’obulighe |
Isaya 42:3 |
|
Mwakangania obulingirirania bwa Nyamuhanga |
Isaya 42:1, 4 |
|
Omuhani w’Eriswekya |
Isaya 9:6, 7 |
|
Mwaminyikalya erina lya Yehova |
Esyonyimbo 22:22 |
|
Mwakania omwa misyo |
Esyonyimbo 78:2 |
|
Omusondoli |
Danieli 9:25 |
|
Abangyi mubathamwikirirya |
Isaya 53:1 |
|
Eribwe ly’erithwikalya |
Isaya 8:14, 15 |
|
Mwaghanwa n’abandu |
Esyonyimbo 118:22, 23 |
Emibiri 4:10, 11 |
Mwaponwa isihali ekikaleka |
Esyonyimbo 69:4 |
|
Ak’ingira e Yerusalemu okwa punda |
Zekaria 9:9 |
|
Abaana mubamupipa |
Esyonyimbo 8:2 |
|
Mwasa omwa lina ly’Omwami Mukulhu [Yehova] |
Esyonyimbo 118:26 |
|
Erighoberibwa n’omunywani w’okwa ndungu |
Esyonyimbo 41:9 |
|
Erighoberibwa omwa bihandi 30 eby’efeza e |
Zekaria 11:12, 13 |
|
Abanywani mubamusighania |
Zekaria 13:7 |
|
Mwahandikirirwa n’abalhangiri b’amabehi |
Esyonyimbo 35:11 |
|
Mwahuna embere sy’abahandikiriri |
Isaya 53:7 |
|
Mubamuthwira kw’amathande |
Isaya 50:6 |
|
Mwaswiribwa okwa muthwe |
Mika 5:1 |
|
Mwaswiribwa |
Isaya 50:6 |
|
Mwayolhobeka akaswiribwa |
Isaya 50:6 |
|
Abathabali mubamuyira embiitha |
Esyonyimbo 2:2 |
|
Erikongomererwa okwa muthi omw’ilhabya omwa byalha biwe n’ebisandu mw’emisumali |
Esyonyimbo 22:16 |
|
Abandu erikanga obukanga busana n’esyongyimba siwe |
Esyonyimbo 22:18 |
|
Mwaghanzwa haghuma n’abakolha-nabi |
Isaya 53:12 |
|
Mwatsumwa |
Esyonyimbo 22:7, 8 |
|
Mwaghalhwa busana n’abakolha-nabi |
Isaya 53:5, 6 |
1 Petero 2:23-25 |
Mwabya ng’amasighanibwa na Nyamuhanga |
Esyonyimbo 22:1 |
|
Mwahebwa ebinyu ebithulhungene n’endulhu erinywa |
Esyonyimbo 69:21 |
|
Mwakwa enyotha iniakisiya iniaholha |
Esyonyimbo 22:15 |
|
Mwaha ekirimu kiwe oku Nyamuhanga |
Esyonyimbo 31:5 |
|
Mwahayo engebe yiwe |
Isaya 53:12 |
|
Mwathuha endongolya erighunzaho ekibi |
Isaya 53:12 |
|
Amakuha mwathabbunangwa |
Esyonyimbo 34:20 |
|
Mwatsimithwa |
Zekaria 12:10 |
|
Mwatsikibwa n’ow’ebindu |
Isaya 53:9 |
|
Mwalhubukibwa okwa baholi |
Esyonyimbo 16:10 |
Emibiri 2:29-31 |
Erisubya omo mwanya w’oyuwamughoberaya mw’owundi |
Esyonyimbo 109:8 |
Emibiri 1:15-20 |
Erikalha okwa lhuhandi lhw’amali lhwa Nyamuhanga |
Esyonyimbo 110:1 |
Emibiri 2:34-36 |
a Ekitabu McClintock and Strong’s Cyclopedia kikabugha kithi: “Ni bake abanga ghania ngoku ebisakango ebyabyamo endondekania y’ebihanda by’Abayuda n’esyofamile syabu mubyathoghothibwa e Yerusalemu yikathoghothibwa, butsira yithe yathoghothibwa.”
b Erina ly’Ekihebrania Emanueli, erikamanyisaya “Nyamuhanga Ali Haghuma Nethu,” likakanganaya ndeke olhukwamirwa lhwa Yesu nga Masiya. Eryasa hano okwa kihugho n’eby’akolha bikakanganaya ngoku Nyamuhanga ane haghuma n’abaramya biwe.—Luka 2:27-32; 7:12-16.
c Ekinywe “Omunazareti” kikabya nga kikalhua omwa kinywe ky’Ekihebrania neʹtser, ekikamanyisaya “erisasa.”
d Eribana mwatsi mungyi owahambire okwa ndondekania ye Biblia eyihambire oko mwaka owa 29 E.K. ngoku w’omwaka w’erihika lya Masiya, lebaya omwatsi “Ngoku Obuminyereri bwa Danieli Bukalhaghulha Erihika lya Masiya.”
e Obuminyereri obu buli omwa kitabu kya Zekaria, aliwe omuhandiki we Biblia ya Matayo akabugha athi “byabughawa n’omuminyereri Yeremia.” (Matayo 27:9) Kikabya ekitabu kya Yeremia okwa bundi buthuku nga kyabya kikabya ky’erimbere omwa kitsweka ky’Amasako awakahulhawamo “ebitabu by’abaminyereri.” (Luka 24:44) Kilhangirikire Matayo mwakolesya “Yeremia” akakania okwa bitabu byosi ebyo, imwamune n’ekitabu kya Zekaria.
You May Also Like
AWAKE!
Omukali Omuyuda Akasoborera Ekyaleka Iniathasyalebya Ndeke Erikirirya Liwe
Ni kyahi ekya lighisaya Racquel Hall ngoku Yesu ya Masiya oyo abya akalindirira?