Engulhu Yuwene Ngoku Yahandikawa na Mariko 16:1-8
-
Yesu akalhubukibawa (1-8)
16 Neryo Esabato yabere yahwa, Maria Magdalene, Maria mama wa Yakobo, na Salome mubaghulha amanukato nuku base bahakegho okwa mubiri wa Yesu.
2 Neryo omwa ngyakya-ngyakya okwa kiro ky’erimbere eky’ewiki eryuba iryamabirihulhuka, mubasa eyiri eyisinda.*
3 Babya ibanemuyibughako bathi: “Nindi oyukendi thukumbaghalirya eribwe eriri okwa bwingira bw’eyisinda?”
4 Aliwe babere basamalira, mubalhangira eribwe iryabirikumbaghalibwa, nomwakine indi lyabya linene kutsibu.
5 Babere b’ingira omw’isinda, mubalhangira omulhume inian’ikere okwa lhuhandi lhw’amali, inianambere ekanzu y’enzeru, neryo mubasweka.
6 Mwababwira athi: “Simusweke. Mukasondaya Yesu Omunazareti oyuwahanikawa okwa muthi. Abirilhubukibwa. Syali hano. Lebaya, ono w’omwanya ogho bamuhiramo.
7 Aliwe mughende, mubwire abigha biwe na Petero muthi, ‘Akendi batsuka e Galilaya. Mukendimweyayo ngoku anababwira.’”
8 Neryo babere bahulhukamo, mubalhua eyiri eyisinda ibanemuthibitha, ibanemutukumira kandi ibabirikwa engitsi. Kandi mubathabwira mundu wosi-wosi y’ekindu kyosi-kyosi kundi babya ibabirikwa obuba.*
Emyatsi Ahikwa
^ Kutse “eyisinda y’ery’ibukwa.”
^ Erikwamana n’ebisakango ebya kera eby’eriyikethera, Enjiri ya Mariko yikaghunzerera n’ebinywe ebiri omwa mulhondo 8.
