Engulhu Yuwene Ngoku Yahandikawa na Matayo 1:1-25
1 Ekitabu ky’ebihambire* oku Yesu Kristo,* mughalha wa Dawudi, mughalha wa Abrahamu:
2 Abrahamu abya thatha wa Isaka;Isaka abya thatha wa Yakobo;Yakobo abya thatha wa Yuda n’abaghalha babo;
3 Yuda abya thatha wa Perezi na Zera abo abutha oku Tamari;Perezi abya thatha wa Hezironi;Hezironi abya thatha wa Ramu;
4 Ramu abya thatha wa Aminadabu;Aminadabu abya thatha wa Nasoni;Nasoni abya thatha wa Salmoni;
5 Salmoni abya thatha wa Boazi oyo abutha oku Rahabu;Boazi abya thatha wa Obedi oyo abutha oku Ruta;Obedi abya thatha wa Yese;
6 Yese abya thatha w’omwami Dawudi.
Dawudi abya thatha wa Solomona oyo abutha oko mukali wa Uria;
7 Solomona abya thatha wa Rehoboamu;Rehoboamu abya thatha wa Abiya;Abiya abya thatha wa Asa;
8 Asa abya thatha wa Yehosafati;Yehosafati abya thatha wa Yehoramu;Yehoramu abya thatha wa Uzia;
9 Uzia abya thatha wa Yotamu;Yotamu abya thatha wa Ahazi;Ahazi abya thatha wa Hezekia;
10 Hezekia abya thatha wa Manasi;Manasi abya thatha wa Amoni;Amoni abya thatha wa Yosia;
11 Yosia abya thatha wa Yekonia n’abaghalha babo, abuthabo omughulhu Abaisraeli bathwalhawa omwa bunyewa mwe Babeli.
12 Babere babirithwalhwa omwa bunyewa mwe Babeli, Yekonia mwabutha Salatieli;Salatieli abya thatha wa Zerubabeli;
13 Zerubabeli abya thatha wa Abihudi;Abihudi abya thatha wa Eliakimu;Eliakimu abya thatha wa Azoro;
14 Azoro abya thatha wa Zadoki;Zadoki abya thatha wa Akimu;Akimu abya thatha wa Elihudi;
15 Elihudi abya thatha wa Eleazari;Eleazari abya thatha wa Matani;Matani abya thatha wa Yakobo;
16 Yakobo abya thatha wa Yozefu mwira wa Maria, oyuwabutha Yesu, oyukahulhawamo Kristo.
17 Neryo esyondengo syosi erilhua oku Abrahamu erihika oku Dawudi syabya 14; erilhua oku Dawudi erihika okw’ithwalhwa omwa bunyewa mwe Babeli, ndengo 14; erilhua okw’ithwalhwa omwa bunyewa mwe Babeli erihika oku Kristo, ndengo 14.
18 Aliwe eributhwa lya Yesu Kristo mulyaghenda lithya. Omwa mughulhu mama wiwe Maria babya ibabiriboha endaghane y’erisyathahania na Yozefu, Maria mwabya mukule busana n’omulimu abuyirire* isyali aheruka.
19 Aliwe kundi mwira wiwe ya Yozefu abya muthunganene, mwathanza erimuhemulira omwa bandu, mwanza erimukomolha bubiso-biso.
20 Aliwe abere abirighanirya okwa myatsi eyi, lebaya! omumalaika wa Yehova* mwamubuthukirako omwa bilhotho, mwabugha athi: “Yozefu, mughalha wa Dawudi, siwusaghe eriherukya mukali wawu Maria, kundi obukule obwahekire ni busana n’omulimu abuyirire.
21 Akendi butha omughalha, nawu wasyamwahulhamo Yesu,* kundi asyalhamya abandu biwe okwa bibi byabo.”
22 Ebyosi ebi byabya eriberererya ebya Yehova abugha erilhabira omwa muminyereri wiwe, athi:
23 “Lebaya! Omumbesa oyuthe wathabana mulhume asyaheka obukule kandi asyabutha omughalha, basyamwahulhamo Emanueli,” lyamahindulhwa, likamanyisaya, “Nyamuhanga Ali Haghuma Nethu.”
24 Neryo Yozefu abere abuka, mwakolha ngoku omumalaika wa Yehova amulhaghira, mwaherukya mukali wiwe.
25 Aliwe mwathakolha nayu emyatsi y’engyingo erihika aho abuthira omughalha, neryo Yozefu mwamwahulhamo Yesu.
Emyatsi Ahikwa
^ Kutse endondekania.
^ Kutse “Masiya; Omuhakabibwa.”
^ Kutse “akaghalha akakakolha.”
^ Ono w’omurundi w’erimbere okwa mirundi 237 eyo erina lya Nyamuhanga, Yehova, likabanikiramo omwa Masako w’Ekigiriki aw’Ekikristayo omwa mbindulha eno.
^ Lihambene n’erina ly’Ekiebrania Yesua, kutse Yosua, erikamanyisaya “Yehova ni Mulhamya.”
