Ni kihemboki ekirengireyo ekya wangaha abaana bawu? Ni bingyi ebya bakayithagha, imwamuli olhwanzo, eribasondolha, n’eribatheya. Aliwe ekihembo ekirengireyo kutsibu ekya wangabaha ly’eriminya Yehova n’ekwenene eyiri omwa Kinywe kiwe, e Biblia. (Yoane 17:3) Eriminya eri, lyangana wathikya abaana bawu erikulha ibananzire Yehova n’erimukolera n’omuthima wabu wosi ibakine baana balere.​—Matayo 21:16.

Ababuthi bangyi babirikilhangira ngoku kikolhobera abaana erigha emyatsi mike-mike. Busana n’ekyo, thuli n’obutseme erihulhukya akatabu Amasomo waghe we Biblia. Obuli isomo likolirwe erikangirirya omwana y’omusingyi we Biblia kutse enzumwa omwa nzira nyolho. Ebisasani n’ebihandikire bikolirwe kwilhabirirya busana n’abaana ab’emyaka isathu n’erisuba ahisi. Mune n’ebya mwangakolha n’abaana. Akatabu Amasomo Waghe we Biblia si k’abaana erisathisya. Aliwe kakolirwe iwe erikasoma haghuma n’abaana bawu, neryo ikyaleka ihabya erikanirania.

Thuyikethere thuthi akatabu aka kakendi wathikya wukakangirirya abaana bawu ekwenene ye Biblia “eritsuka omo bwana.”​—2 Timoteo 3:14, 15.

Baghalha benyu,

Akathunga Akakasondolha ak’Abema ba Yehova