Muthe mw’igha

1. 1. Thegheka ndeke. Wukakolha ekyo, lengekanaya okwa biyithawa by’omwigha, emibere eyalimu, n’amalengekania wiwe. Lengekanaya okwa syonzumwa esyanga mukalira eriyitheghererya kutse erighenderako. Lebaya emyatsi eyiri omwa katsweka “Minya Bingyi” nga yanga wathikya yithi omwigha wawu, kandi kyamayithaghisibwa, ibya iwunayitheghekire erikolesyayo muk’igha.

Muk’igha

1. 2. Tsuka n’erihinda n’omusabe, mbwino omwigha inialyaghana.

2. 3. Yitheghaye okw’ikania binene. Hira omuwatho oko mwatsi owatheghekirwe, kandi leka omwigha ahe amalengekania wiwe.

3. 4. Mukatsuka ekindi kitsweka, musome ebinywe ebiri ahali ekighendererwa ky’ekitsweka ekyo kandi ahulha emighuma y’okwa mithwe y’amasomo awalimo.

4.  5. Mukaghunza ekitsweka, kolesaya eriyibukya eby’ekitsweka ekyo eriwathikya omwigha wawu eryibuka ebyo amabirigha.

5. 6. Wuk’eghesya omwigha wawu y’obul’isomo:

   1. Musome omwatsi.

   2. Musome amasako awosi awaliko “Soma.”

   3. Musome awandi masako awakanganibwe kikayithaghisibwa.

   4. Mulebaye esyovidiyo esyosi esiriko “Mubughaye” (mwamabya imunasiwithe).

   5. Bulhaya omwigha y’obuli kibulyo.

   6. Bwira omwigha wuthi asamalire ebisasani ebiri omwa katsweka “Thasyigha Bingyi,” neryo mubwire wuthi abikanayeko.

   7. Kolesaya akasanduko “Ekilhubirirwa” eriwathikya omwigha wawu erilebya aho amathahika omw’ikulha-kulhana bunyakirimu. Iwangana muhira mw’omuhwa w’erikolesya ekilhubirirwa ekihebirwe, eriyihiriraho ebindi bilhubirirwa, kutse ebyosi.

   8. Bulhaya omwigha nga mwakanatsemera omughuma w’okwa myatsi kutse evidiyo ebiri omwa katsweka “Minya Bingyi” akathegheka erisomo.

   9. Lengesaya erighunza obuli lisomo okwa buli erigha.

Enyuma w’erigha

1. 7. Ibya iwunemulengekania oko mwigha. Saba Yehova wuthi atsumule erikulha-kulhana ly’omwigha kandi wuthi akuhe amenge aw’eriminya ngoku wanga muwathikya.