Ebya Yesu Akolha

Ni Byahi Ebya Thuk’ighira oku Yesu?

2. Ikyangana thwolhobera eritsukisya ndeke omukania thwamatsuka n’omwatsi owakatsemesaya oyo thukathulira.

 Gherereraya Yesu

3. Ghenda-ghendanaya n’emibere eyiriho. Isiwahathikana eritsukisya omukania omw’ikolesya omwatsi ogho wulhue iwabirithegheka musa. Tsuka n’ekindu ekyo abandi banemulengekaniako munabwire. Yibulhaye:

1.    ‘Ni byahi ebiri omwa makuru?’

2.   ‘Ni byahi ebyo abataka, abo ngakolha nabu, kutse abo ngasoma nabu bakakanayako?’

4. Lebaya ebiri aho. Yibulhaye:

1.    ‘Ni byahi ebyo omundu oyu akakolha lino? Angabya iniakalengekanaya okuki?’

2.   ‘Emyambalire, emisosere, kutse omuyi w’omundu oyo bikambwiraki okwa syonyikirirya kutse ekalikya yiwe?’

3.   ‘Eno nina ndambi eyitholere ey’erikania nayu?’

5. Hulikirira.

1.    Isiwakanaya binene.

2.   Muhire mw’omuhwa w’eriha amalengekania wiwe. Kikayithaghisibwa, bulhaya ebibulyo.