Ebya Yesu Akolha

Ni Byahi Ebya Thuk’ighira oku Yesu?

2. Thutholere ithwakania n’abigha bethu omo lhwanzo aliwe ahathe eribisirira nuku thubawathikaye erikulha-kulhana bunyakirimu.

 Gherereraya Yesu

3. Wathikaya omwigha wawu erihiraho ebilhubirirwa n’eribihikako.

1.    Kolesaya akatsweka “Ekilhubirirwa” akali omwa buli risomo erye Tsemera Engebe Kera na Kera!

2.   Wathikaya omwigha wawu aminye ebiika birebe ebyo angathwa erihika okwa bilhubirirwa biwe ebyo angaberererya lhuba n’eby’obuthuku buuli.

3.   Mughulhu wosi sima omwigha wawu busana n’erikulha-kulhana liwe.

4. Minya ebikamulemesaya erikulha-kulhana, kandi wathikaya omwigha wawu erisingura ebikamulemesaya ebyo.

1.    Yibulhaye:

   • ‘Omwigha waghe amabya isyali kulha-kulhana erihika okw’ibatizibwa, ni kyahi ekikamukakiraya?’

   • ‘Nanga kolhaki erimuwathikya?’

2.   Saba obuthubaha bw’erikania omo lhwanzo kandi ahathe eribisirira okwa ebya mwigha wawu atholere iniakolha.

5. Leka abigha be Biblia abathe kulha-kulhana.

1.    Lebaya omwigha wawu ng’anemukulha-kulhana omw’iyibulya wuthi:

   • ‘Omwigha waghe anemughendera okwa by’ak’igha?’

   • ‘Akanahindana okwa mihindano y’ekithunga n’eribwira abandi okwa kwenene?’

   • ‘Enyuma w’erigha habw’obuthuku, mbwino ananzire eribya Mwema wa Yehova?’

2.   Omwigha we Biblia amabya isyanzire erikulha-kulhana:

   • Mubulhaye nga ni kyahi ekyangabya ikikamukakiraya.

   • Omwa menge musoborere ekikaleka iwaleka erigha nayu.

   • Leka aminye eby’atholere erikolha amabya anzire erithasy’igha.