ERITSUKISYA OMUKANIA
ERISOMO 3
Olhukeri
Omusingyi: “Olhwanzo . . . lhuli n’obwenge [olhukeri].”—1 Kor. 13:4.
Ebya Yesu Akolha
1. Mulebaye EVIDIYO, kutse musome Yoane 9:1-7. Neryo mukanaye okwa bibulyo bino:
-
Ni kyahi ekya Yesu atsuka erikolha—erilhamya omulhume endimethime kutse erimubwira okwa ngulhu yuwene?—Lebaya Yoane 9:35-38.
-
Emibere Yesu akanirayamo n’omulhume oyo yangabya imuyaleka yithi iniahulikirira engulhu yuwene?
Ni Byahi Ebya Thuk’ighira oku Yesu?
2. Omundu iniangana nguhirwa erihulikirira omwatsi wethu amalhangira ithunamutsomene.
Gherereraya Yesu
3. Lhumirirawa omundu. Lengaho eriyihira omwa bisandu biwe.
-
Yibulhaye: ‘Ni kyahi ekyangabya ikikamulyambaya? Mbwino ni kyahi ekyanga muwathikya n’erimutsemesya?’ Erikolha ekyo likendi leka iwakangania olhukeri omwa mibere ya buli kiro kandi erilhua okwa muthima.
-
Kanganaya ngoku wumutsomene omw’imuhulikirira. Omundu amakubwira eriyowa liwe okwa kindu kirebe kutse iniakubwira ekitsibu ekyo anemulhabamo, isiwahindulha omukania.
4. Kanaya omwa lhukeri n’omw’isikya. Wamakwira omundu y’obulighe kandi kwenene iwunanzire erimuwathikya, ikikendi lhangirika omwa mibere wukakanirayamo. Yitheghaye okwa bya wukabugha n’emibere wukabibughiramo, kandi yihighule okw’ibugha ebyanga hithania.
5. Ibya oyukawathikaya. Sondaya ehighisa ehitholere ehy’eriwathikiryamo omundu oyo. Erikangya olhukeri lyangana leka iwatsukisya omukania.
LEBAYA NA
Abar. 12:15, 16; Gal. 6:10; Ebr. 13:16
