Ekitsweka kino kikathukyungulira Amasako we Kigiriki aw’Ekikrisitayo. Yesu mwabuthirwa omw’eka eyiyikehirye eyabya yikere omwa katawuni kake. Mwakolha na thatha wiwe ng’omubatsi w’esyombaho. Yesu yuwabya iyukendi syalhamya abandu. Yehova abya iniabirimusombolha mo Mwami w’Obwami bw’elhubulha. Wamabya iwuli mubuthi, wathikaya omwana wawu erilhangira ngoku Yehova mwayitheya ndeke akasombolha eka n’emibere eyuwene eya Yesu angakuliremu. Lebaya ngoku Yehova mwatheya Yesu oku Herode erimwitha kandi ngoku sihali ekyanga kakirya ekighendererwa kya Yehova. Minya Yehova nga mwaha athi Yoane y’omubiiri w’erithegheka  enzira busana na Yesu. Hira omuwatho w’okwa mibere eya Yesu akanganirayamu kw’abya anzire amenge wa Yehova eritsuka omwa bwana.