Ni kyahi ekyaleka Yehova inialetha erighunga ly’amaghetse erithoghothya ekihugho ky’obuthuku obo? Kera abandu imubanamabya okwa kihugho, muhabuthuka amalhwa​—amalhwa ahakathi-kathi k’ekibuya n’ekibi. Abandi bandu nga Adamu, Eva, n’omwana wabu iya Kaina, mubathwamu eribya okwa lhuhandi lhw’ekibi. Abandi bake, nga Abeli na Noa, mubathwamu eribya okwa lhuhandi lhw’ekibuya. Abanene mubabya babi kutsibu indi Yehova mwathwamu erighunzaho ekihugho kibi ekyo. Ekitsweka kino kikendi thuwathikya eriminya ngoku Yehova akalhangira olhuhandi olhwa thukathwamu eribyako kandi ngoku syendi syalighira ekibi erisinga ekibuya.