EKIBULYO 3
Nangakania Indi n’Ababuthi Baghe?
IWE IWUKENDI KOLHAKI?
Thalengekania oku kino: Ni Kyakasathu omw’igholho. Geoffrey, ow’emyaka 17, amabirighunza emibiiri yiwe y’eka, neryo ni buthuku bwiwe bw’erihumulikana! Akahira kwe tivi n’erighalhama omwa kithumbi.
Endambi iyan’eyo, thatha wiwe ak’imana omwa lhukyo isyatsemire.
“Geoffrey! Busana naki wukatsandiraya obuthuku bw’okwa tivi kandi iwutholere eriwathikya omwana olya eriteghura ebindu? Wuwithe omutse w’erithendi kolha ebya bakakubwira!”
“Kandi amatsuka kandi,” Geoffrey akayibughako omwa mulenge muuli.
Thatha akaseghera hakuhi n’eribugha athi, “Wuthiki iwe mwana iwe?”
“Ka sinathabughaki,” Geoffrey akasubiraya omw’ikya omuka n’erimulholha ebitsule.
Ekyo ibbwa kikahithanaya thatha. “Isiwanyisubiraya wuthya!” akabugha omw’ikarama.
Ku wabya in’iwe Geoffrey, wanga kolireki nuku etoko eyi siyibye?
THATSUKA ERILENGEKANIA!
Erikanirania n’ababuthi liri ng’erighendya ematoka. Wam’eya omwa nzira mw’ebikakukikira, wangana lhaba ahandi.
NG’EKY’ERILEBERYAKO:
Leah akabugha athi, “Kikanyikalira erikanirania na thatha. Hakanayira inakania inganasi indi anemunyowa, aliwe in’owa athi, ‘Wulhue wukabugha wuthiki?’”
HALI BINDU BISATHU EBYA LEAH ANGAKOLHA.
-
Eritsurumira thatha wiwe.
Leah akatsuruma athi, “Obo kwesi siwunyowire, ekya ngakubwira ni kikulhu!”
-
Erithwamu erihuna thatha wiwe.
Leah akathwamu erilekeraho eribwira thatha wiwe okwa kitsibu kiwe.
-
Erilinda obundi buthuku obuwene erithasyakania oko mwatsi oyo.
Leah akabana obundi buthuku obw’erikania na thatha wiwe busu okwa busu, kutse erimuhandikira ebaruha okwa kitsibu kiwe.
Iwukendi bugha wuthi Leah akole kyahi?
THALENGEKANIA: Amalengekania wa thatha wa Leah ali handi—neryo syathamw’owa n’eriminya mwali kw’amapona. Leah amakolesya ekya A, thatha wiwe iniakendi bulha ng’amakwaki akatsuruma. Eki ikyangana leka thatha wiwe iniathamuhulikirira kandi isikyendi kangania erisikya. (Abanya Efeso 6:2) Neryo kwesi eki sikiwithe ekya kyanga wathikya.
Ngoku wuthe wanga leka ebikakukikira erikulemesya eriya eya wukaya, iwangana bana eyindi nzira ey’erikaniraniamu n’ababuthi bawu
Ekyangabya nga kyolhobire erikolesya ky’ekya B, aliwe siky’amenge. Busana naki? Kundi Leah erithoka erighunza h’ekitsibu kiwe, atholere iniakania na thatha wiwe—kandi nayu amabya w’erimuwathikya, atholere iniaminya ebikaluma mwali. Erimuhuna siriwithe ekya lyanga kolha.
Aliriryo omwa kya C, syalirighira ekikamukikira eki erimulemesya erithasyakania na thatha wiwe. Aliwe akalengaho erimukanirya okwa kitsibu eki ekindi kiro. Kandi Leah amathwamu erihandikira thatha wiwe, ikyangana leka iniahumulikana aho n’aho.
Kandi erihandika ebaruha ikyangana muwathikya erithonda ndeke eby’anzire erimubwira. Thatha iniakendibya akasoma ebaruha, iniakendi minya ekya mwali alyanza erimubwira, kandi ikyangana muwathikya eriyitheghererya ndeke emibere ya mwali alimu. Neryo ekya 3 ky’ekyanga wathikya Leah na thatha wiwe. Mbulha bamakania busu okwa busu kutse erihandika ebaruha, ekya 3 eki kikahambangana n’erihabulha lye Biblia erikabugha lithi, “thukwame emyatsi eyikaletha obuholho.”—Abanya Roma 14:19.
Ni bindi byahi ebya Leah anganakolha?
Thabugha kighuma, wanakihandika ahikwa hano. Enyuma w’aho handika nga kyanga lhwiririra mwaki.
ISIWALEKA BAKAKUKENGA NABI
Wibuke ngoku ababuthi bakana lengekanaya muhanda okwa kya wulyabugha.
NG’EKY’ERILEBERYAKO:
Ababuthi bawu ibakubulya nga ni busana naki siwutsemire. Iwabugha wuthi, “Sikibahambireko.”
Aliwe ababuthi ibakithwalha nga wamabugha wuthi: “Sindi bayikethera eribabwira ekimbambireko. Ngendi bibwira banywani baghe butsira inywe.”
Thalengekania iwabiribana ekitsibu ekikalire neryo ababuthi bawu ibanza erikuwathikya. Aliwe iwabugha wuthi: “Siki. Ngendi yikolera kukyo.”
-
Ababuthi ibangana kithwalha nga wukabugha wuthi:
-
Erisubirya ndeke iwangana bugha wuthi:
You May Also Like
EBYA MINYETHU NG'IWE YIKABUGHA
Nanga Kania Indi n’Ababuthi Baghe?
Iwangana ghasirwa kutsibu kwilhaba ngoku wulhue wukalengekania.
