ERISOMO 02
E Biblia Yikaha Amaha
Abandu erithimba omwa kihugho kyosi bawithe ebitsibu ebikabalethera obulighe, amaghaniryo, n’obulhumi. Wune wathabya omwa mibere eyikaleka iwayowa wuthya? Obundi wukaghalhawa busana n’obulhwere kutse busana n’eriholerwa. Iwangana yibulya, ‘Mbwino engebe yinemwendisyuwana?’ E Biblia yikaha eky’erisubirya ekikahumulikanaya okwa kibulyo ekyo.
1. E Biblia yikathuha yithi amaha?
E Biblia yikasoborera ekikaleka ekihugho ikyabya ikyuswire mw’ebitsibu kandi iyaha engulhu yuwene ngoku ebitsibu ni bya kathuku kake kandi ku bikisiya ibyahwaho. Emilhaghe ye Biblia yangana kuha ‘amaha oko biro byawu ebikasa.’ (Soma Yeremia 29:11, 12.) Emilhaghe eyo yangana leka ithwaghumira ebitsibu byethu lino, ithwabya n’amalengekania awatholere, n’eribana etseme eya kera na kera.
2. E Biblia yikabugha yithi obuthuku obukasa bukendi syabya buthi?
E Biblia yikabugha yithi omwa buthuku obukasa ‘olhuholho silhwendi syasabyaho, erisusumana, kutse eririra, kutse eriaghalhwa.’ (Soma Eribisulirwa 21:4.) Ebitsibu ebikaleka abandu munabwire ibahwa amaha—ng’obunakwa, obuthe bulingirirania, amalhwere, n’olhuholho—sibyendi syasabyaho. E Biblia yikalhaghanisaya yithi abandu bakendi syatsemera engebe kera na kera okwa kihugho Paradiso.
3. Wanga ghumya wuthi eriyikethera lyawu omo maha agho e Biblia yikathuha?
Abangyi bawithe amaha bathi ebindu byangana syuwana, aliwe ibabya isibasi amaha wabu ayo ng’anemwendisya bererera. Aliwe ebya Biblia yikalhaghanisaya ibyo bikendi syabererera. Thwangana ghumya eriyikethera lyethu omwa ebyo yikabugha omw’ilebya ndeke Amasako. (Emibiri 17:11) Wukendibya wunemusoma e Biblia, wukendi yithwiramu nga wangana ligha ebyo yikabugha okwa buthuku obukasa.
THASYIGHA BINGYI
Thulebaye ndeke ebighuma by’okwa bya Biblia yikalhaghanisaya busana n’obuthuku obukasa. Thalhangira ngoku amaha agho e Biblia yikaha anemuwathikya abandu munabwire.
4. E Biblia yikathulhaghanisaya engebe y’erikotha ithunahikene
Lebaya emilhaghe eyiri omwa Biblia eyiri ahikwa hano. Ni milhaghe yahi eyo wanzire kutsibu? Busana naki?
Musome amasako awakanganibwe ahali emilhaghe eyo, n’erikania okwa bibulyo bino:
-
Wukalengekanaya amasako aya angana kuha amaha? Mbwino anganaha ab’okw’iwe n’abanywani bawu b’amaha?
Thera akasasani iwune omwa kihugho
|
ISIMULI . . . |
OBULI MUNDU . . . |
|---|---|
|
|
|
|
|
|
|
|
|
|
5. Amaha awali omwa Biblia angana hindulha engebe
Abandu banene babirihwa amani kutse nibya erihithana busana n’ebitsibu ebyo bakalhangira. Abandi bakakolha ekyosi-kyosi erianza eryuwania emyatsi. Lebaya omulhaghe we Biblia ow’eribugha indi emyatsi yikendi syuwana ngoku akawathikaya abandu munabwire. Mubughaye EVIDIYO, mwanakania okwa bibulyo ebikakwamako.
-
Omo vidiyo, ni buthe bulingirirania bwahi obwabya bukalyambya Rafika?
-
Nomwakine indi obuthe bulingirirania obo abya akalhangira mubuthahwaho, e Biblia muyamuwathikya yithi?
Amaha agho e Biblia yikathuha busana n’obuthuku obukasa akaleka ithwathoka erirwanisya erihwa amani n’erighumira ndeke ebitsibu byethu. Soma Emisyo 17:22 na Abanya Roma 12:12, mwanakania okwa bibulyo bino:
-
Wukalengekanaya omwatsi w’amaha owali omwa Biblia anganahindulha engebe yawu lino? Busana naki?
ABANDI BAKABUGHA BATHI: “Emilhaghe ye Biblia ey’obuthuku obukasa ni milhaghe ey’ebindu ebithe byangabya.”
-
Busana naki ni kikulhu iwe eriyileberya okwenene kw’emilhaghe eyi?
OMWA BIKUHI
E Biblia yikathuha amaha n’erithuwathikya erighumira ebitsibu omw’ithulhaghanisya obuthuku obukasa obuli mw’etseme.
Eriyibukya
-
Busana naki abandu bakayithagha amaha?
-
E Biblia yikabugha yithiki okwa buthuku obukasa?
-
Eribya n’amaha aw’obuthuku obukasa kyanga kuwathikya kithi lino?
MINYA BINGYI
Minya ngoku amaha angakuwathikya omwa bitsibu.
Minya ngoku amaha aw’obuthuku obukasa angawathikya abawithe amalhwere awathelhama.
Wukalebya omuziki w’evidiyo ono, thera akasasani iwe n’eka yawu imunemutsemera engebe omwa kihugho Paradiso ekyo e Biblia yikalhaghanisaya.
Soma oko oyuwabya akalhwira erilethaho esyombinduka oyo engebe yiwe yahinduka akaminya amaha we Biblia aw’obuthuku obukasa.
“Singakiyowa Indi Ngatholere Inahindulha Ekihugho” (The Watchtower, Okwomusanju 1, 2013)
