Ngoku wanga ghasirwa kutsibu omo masomo we Biblia aya
Igha iwune n’oyukakweghesaya: Oyuwakuha akatabu kano musabe erikweghesya e Biblia, kutse thuma erisaba lyawu okwa muthahulha wethu, jw.org/koo.
EKITSWEKA KY’ERIMBERE
Soma obuli nungu, imwamuli ebibulyo ebinire (A) n’amasako (B) ebikahira omuwatho oko syonzumwa ngulhu-ngulhu. Wuminye ngoku awandi masako ali kw’ekinywe “soma.”
EKITSWEKA EKY’AHAKATHI-KATHI
Ebinywe ebikatsuka (C) ahisi sya Thasyigha Bingyi bikasoborera ekikakwamako. Emithwe mike-mike (D) yikathonda esyonzumwa ngulhu-ngulhu. Soma amasako, subiraya ebibulyo, n’erilebya esyovidiyo (E).
Lebaya ebisasani n’ebinywe ebikasoborerabyo (F), kandi lengekanaya okwa ebya wanga subirya okwa Abandi Bakabugha Bathi (G).
EKITSWEKA KY’ERIGHUNZERERA
Omwa Bikuhi na Eriyibukya (H) bikaluma erisomo. Handika ebiro ebyo erisomo lyamahweramo. Ekilhubirirwa (I) wukahandikaho eky’erikolha. Minya Bingyi (J) hali ebindi ebya wanga soma kutse erilebya wamanza.
Ngoku wangabana amasako
Amasako akanganibwe omo lina ly’ekitabu (A), esura (B), n’omulhondo kutse emilhondo (C). Ng’eky’erileberyako, Yoane 17:3 hakamanyisaya ekitabu kya Yoane, esura 17, omulhondo 3.
