ABATHANGIRIRI Abathangiriri bahebirwe omubiiri w’erikuwathikya. Wukasabawa erikolongana nabu ndeke omw’ikwama-kwamania obusondoli bwabu obuhambire oko mwanya w’epakingi, erisondolha abandu, ah’er’ikalha, n’ebindi-n’ebindi.

EBYABIRIBUGHULHWA Ebyosi ebikabughulhawa bitholere ibyathwalhwa okw’Akathongole aka. Wamabya iwabiriherya ekindu, wughende wukironderaye okwa kathongole ako. Abaana ababirithalha batholere ibathwalhwa okwa kathongole ako. Aliriryo, akathongole aka, sibugha mbu ibbwa kakakendi lhabirira abaana. Wukasabawa eritheya abaana bawu.

ERIHAYO Esyosente nyingyi syabirikolesibwa nuku thubane ebindu bingyi ebikaleka olhuhindano ilhwatsemesya n’erithuwathikya eriyithunda hakuhi na Yehova. Ebya wukahayo byangana wathikya erisubyaho esyosente esyabirikolesibwa n’erisighika omubiiri ow’ekihugho kyosi. Erikyolhobya, obusanduko obw’erithoghongeryamu bwabirihiribwa omwa myanya muthina-muthina. Thukasima kutsibu ebya mukendi hayo. Akathunga Akakasondolha kakanza eribasima busana n’eriyihayo lyenyu ery’erisighika emyatsi y’Obwami.

ER’IKALHA Wukasabawa eritsomana abandi. Wibuke ngoku, abawulyasa nabu omwa matoka nguma, abamuli nabu omw’eka nguma, kutse abawunemwigha nabu e Biblia bawutholere iwahambira omwanya ow’er’ikalhamo. Kisi wukasabawa erithendi hira okwa bithumbi kw’ebindu.

OBUBALYA BWA LHUBA-LHUBA Wuminye wuthi obubalya buno ni bw’abakalhwalha kitsumbukirania basa.

OMUBIIRI W’ABAKAYIHAYO Wamabya wanzire eriyihayo eriwathikya okwa mibiiri eyihambire okwa ndegheka ey’olhuhindano, kisi wukasabawa eryasa okwa Kathongole ak’ab’Omwatsi n’ak’Omubiiri w’Abakayihayo.

OLHUBATIZO Ebithumbi eby’abakendi batizibwa bikendi syabya embere. Omwa kitsweka ky’engyakya eya Kyamukagha, abakayabatizibawa batholere ibikalha omo mwanya owababiri batheghekera, omukania ow’olhubatizo athali atsuka. Obuli mundu atholere inialetha etawelo n’esyongyimba esitholere esy’eribatizibirwamu.

Esukuru ey’Abathuliri b’Obwami Abatemburi abali ahakathi-kathi k’emyaka 23 na 65 abanzire erithasyakolha bingyi omwa mubiiri w’erithulira, bakakokibawa erisyahindana okwa muhindano ow’abakanza erighenda okwa sukuru eyi owakendi syabya Kyasande omw’ithungyi. Endambi n’omwanya aho akendi syabya bikendi syarangwa.