NYAMUHANGA MUTHOKA BYOSI ya Mwami ow’ekihugho kyosi. Esyangebe syethu, munabwire n’omughulhu ow’embere, siseghemere okw’iyo. Awithe obuthoki bw’erihemba n’obuthoki bw’erisuyira. Awithe obuthoki bw’eriha engebe n’obuthoki bw’erilhusyaho engebe. Thwama simwa nayu, ithukendi singura; thwamathendi simwa nayu, ithukendi bana ebitsibu. Kwesi kakyangabya eky’omubongo eriramya lyethu lirya simawa nayu!

Abandu bakaramaya omu nzira nyingi. Edini yamabya iyiri ng’enzira, esya nzira esy’amadini esyosi sikan’ikiriribawa na Nyamuhanga? Eyihi, sisir’ikiriribawa. Yesu, omuminyereri wa Nyamuhanga, mwakangania athi hali nzira ibiri nyisa. Mwabugha: ‘Enzira ni nene-nene kandi yighalihire eyikakolhaya okw’ihera, kandi ni bangi abakalhaba muyo; nikwa olhukyo ni lhuke kandi n’enzira ni nge eyikakolhaya okwa ngebe, kandi ni bake abakabanayo.’—Matayo 7:13, 14.

Hali emiringo ibiri misa ey’amadini: eyikakolhaya okwa ngebe n’eyikakolhaya okw’ihera. Ekighendererwa kya katabu kano ly’erikuwathikya wubane enzira eyikakolhaya okwa ngebe ey’erikotha.