ERISOMO 10
Erihindulikania Omulenge
Emisyo 8:3-4
OMWA BIKUHI: Bugha esyonzumwa silhangirike ndeke n’eribukya eriyowa ly’abahulikiriri omw’ihindulikania omulenge omw’ongeragho, erikehyagho, eryanguhya kutse erighenda lyolho.
NGOKU KYANGA KOLHWA:
-
Ongera n’erikehya omulenge. Erighumya esyonzumwa ngulhu-ngulhu n’eribukya eriyowa ly’abahulikiriri ambi iwongera omulenge. Kolha ikyan’ekyo wukasoma eritswera eriri omwa Masako. Kehaya omulenge wukanza abahulikiriri balindirire enzumwa ndeke kutse wukanza balhangire obuba n’engitsi ebirimo.
-
Hindulikanaya omulenge. Hethukaya omulenge wukanza erikangania omuhwa wawu kutse erikangania obunene kutse obuuli bw’ekindu. Kimaya omulenge wukanza erikangania obulighe kutse eryubaha.
-
Eribugha lhuba-lhuba kutse lyolho-lyolho. Erianza erikangania etseme yawu iwangana bugha lhuba-lhuba. Kanaya lyolho-lyolho wukathonda esyonzumwa ngulhu-ngulhu.
