Wathikaya abahulikiriri bawu eriyirebya. Bulhaya ebibulyo ebithe kw’erisubirya eriwathikya abandu eriyilebya nga bawithe malengekaniaki.

Himba. Wathikaya abahulikiriri bawu balhangire ekikaleka ibakolha ebyuwene. Bawathikaye eribya n’ekilhubirirwa ekyuwene eky’erianza Yehova, balikyabo, n’esyongangirirya sye Biblia. Ghaniraya n’abahulikiriri bawu; isiwabya ng’oyukabwiririra. Omwakanya k’eribahemulikania, basighe ibabirihimbwa, ibabirithunga omuhwa w’erikolha ngoku bangathoka.

Wathikaya abahulikiriri erihira amalengekania w’oku Yehova. Kanganaya esyongangirirya, emisingyi, n’ebihano ebiri omwa Biblia ngoku bikakanganaya emibere mibuya ya Nyamuhanga n’olhwanzo olhw’athuwithire. Hira omwa bahulikiriri bawu mw’eriyisunza erilengekania okw’iyowa lya Yehova n’erianza erimutsemesya.