Saba n’erithegheka ndeke. Saba Yehova akuwathikaye erithendi yilengekaniako, aliwe erihwerya amalengekania w’oko mwatsi. Minya ndeke esyonzumwa ngulhu-ngulhu esyo wukanza erikaniako. Bugha esyonzumwa esyo omwa binywe byawu; sibugha ambu wutholere iwabugha obuli kinywe ngoku kine okwa lhupapura.

Kanaya erilhua okwa muthima. Lengekanaya okwa kikaleka iwanza abahulikiriri bowe omwatsi oyu. Bahire kw’obulengekania. Neryo emimanire yawu embere, ebiminyikalho ebya wukakolha omwa byalha n’omwa busu, ibikendi kangania ku wukabakaniraya erilhua okwa muthima kandi ku wubatsomene.

Samalira abawukakaniraya. Samalira ndeke abandu kyamabya isikirithwalhawa nabi. Wukalhabya omukania, hira ameso okwa mundu mughuma-mughuma, omwakanya k’erisamalira abandu abosi haghuma.