Minya ekikaleka iwanza erisoma erisako. Ambi iwaletha erisako omwa nzire eyangakura obulengekania bw’abahulikiriri erilhangira enzumwa ngulhu eya wukasondaya omw’isako.

Kanganaya ngoku obuthoki bw’ebya wukabugha bulhuire omwa Biblia. Wukakanirya abandu abikirirye omu Nyamuhanga, leka balhangire ngoku e Biblia ni Kinywe kya Nyamuhanga, kyanaminyikalha ngoku yiri mw’amenge awalengethukireyo.

Hira omwa bahulikiriri mw’engumbu y’erilindirira erisako. Bulhaya ekibulyo eky’erisako likendi subirya, ahulha ekitsibu ekyo erisako likendiha amenge w’erikighunzaho, kutse ahulha omusingyi owakendi lhangirika omo mwatsi mulebe we Biblia.