Sondaya omwatsi omwa byanga yiketherwa. Ebya wukabugha biseghemeraye okwa Kinywe kya Nyamuhanga, ni bugha ambu, eribya iwunemusoma omwa Biblia kikayithaghisibwa. Wamakania omwatsi mulebe ow’esayansi, ow’omwa makuru, ekyalholirweko, kutse eyindi myatsi, tsuka eriminya aha bilhuire nga hangana yiketherwa kandi nga bikine okwa buthuku.

Kolesaya ndeke ebya wukasonderaya mw’omwatsi. Wukasoborera amasako ambi iniahambana n’ebindi ebithimbire kugho, engangirirya yosi eye Biblia, n’ebikahulhukibawa “n’omughombe oyutheleghulha n’ow’amenge.” (Mt. 24:45) Wamakolesya emyatsi eya handi, bughayo ngoku yine erikwamana n’ekighendererwa ky’omuhandiki wayu.

Ghaniraya n’abahulikiriri erikwamana n’erisekulya lyawu. Wabirisoma erisako kutse eryahulha ebya wulyasekulhaya, omwa menge, bulhaya ebibulyo kutse eriha eby’erileberyako ebyanga wathikya abahulikiriri eriyilhangirira enzumwa.