E Biblia yikakanaya okwa gurupu ibiri esy’abalhume Abakrisitayo abawithe olhukwamirwa omwa kithunga—“abatheya n’abawathikya.” (Abanya Filipi 1:1) Omwa bithunga mukabya imune baghalha bethu ng’aba. Ni byahi eby’abaghombe abawathikya bakakolha ebikathughasira?

Bakawathikaya abasyakulhu. Abaghombe abawathikya bakabya balhwana kutse balhume bakulhu abatsomene eby’obunyakirimu, abayiketherwa, kandi abakakolha ndeke emibiiri yabu. Bakakolha emibiiri y’ekithunga eya buli kiro, n’eyikayithagha akaghalha. Eki kikaleka abasyakulhu ibahira omuwatho okw’ikangirirya n’eritheya esyombuli.

Bakakolha emibiiri y’omughaso. Abandi baghombe abawathikya bakathangirira abakasa okwa mihindano. Abandi ibakolha okwa radio, okwa bitabu, okwa by’esyosente, n’erighaba amalhambu aw’erithuliramu. Kandi bakawathikaya okw’isugha Ekisenge ky’Obwami. Abasyakulhu bangana babwira bathi bawathikaye abakekelhuhire. Omuhwa wabu n’eriligha olhukwamirwa lhwosi-lhwosi kikaleka abosi abali omwa kithunga ibabasikya.—1 Timoteo 3:13.

Bakahira h’eky’erileberyako kibuya. Emibere yabu ey’obunyakirimu ya yikaleka ibasombolhwa. Erikirirya lyethu likaghuma bakalhabya ebitsweka byabu omwa mihindano yethu. Eky’erileberyako kyabu omw’ithulira kikaleka nethu ithwabya n’omuhwa. Erikolongana lyabu n’abasyakulhu likaleka ihabya etseme n’obughuma. (Abanya Efeso 4:16) Erighunzerera, nabu bangana syabya batheya kutse basyakulhu.

• Abaghombe abawathikya ni balhume abali bathi?

• Abaghombe abawathikya bakawathikaya bathi ekithunga?