Emihindano ey’Abakrisitayo ab’erimbere mwabya eriimba, erisaba, n’erisoma Amasako n’erikania kugho ahathe erikolha emikoro-mikoro. (1 Abanya Korinto 14:26) N’emihindano yethu kwa yikanakolhawa yithya.

Erikangirirya Liseghemere Okwa Biblia Kandi Likahimba. Okwa wikendi, obuli kithunga kikahindana erihulikirira omukania owaseghemere okwa Biblia ow’esyodakika 30 owakasoborera ngoku Amasako anga thuwathikya kandi ngoku akakanaya okwa biro ebya thulimu bino. Ithwe bosi thukahirawa mw’omuhwa ow’erikwama-kwamania omwa syo Biblia syethu omukania akalhabibwa. Omukania akabya akahwa, hakathasyabya Erigha “ly’Akaleberyo” ahabw’esaha nguma. Okwa ndambi eyi abosi abahindene bakasangira omw’ikanirania oko mwatsi owali omwa Akaleberyo. Erikanirania eri likathuwathikaya erighendera okwa busondoli bwe Biblia. Omwa kihugho kyosi, ebithunga ebilhabire omwa 110,000 bik’igha omwatsi iwanayo.

Thukawathikibawa eryongera erikangirirya ndeke. Kandi thunawithe omuhindano w’omwa kathi-kathi k’eyenga ow’erigholho ow’ebitsweka bisathu owa Engebe Yethu ng’Abakrisitayo n’Omubiiri Wethu, owaseghemere okwa katabu k’omuhindano ak’obuli kwezi ak’Engebe n’Omubiiri Wethu. Ekitsweka ky’erimbere omwa muhindano oyu, eby’Obughuli Omwa Kinywe kya Nyamuhanga, kikathuwathikaya eriminya ndeke esyosura sye Biblia esyo ekithunga kikabya ikyabirisoma. Ekindi, Minya Ndeke Erikolha Omubiiri w’Erithulira mwamuli eby’erilhangirirako ngoku thwanga kania n’abandu okwa Biblia. Omuhabuli akabugha ebyanga thuwathikya eryongera erisoma n’erikania ndeke. (1 Timoteo 4:13) Eky’erighunzerera, Engebe Yethu ng’Abakrisitayo, kikathuwathikaya ngoku thwangaghendera okwa misingyi ye Biblia omwa ngebe yethu buli kiro. Ekitsweka eki muli erikanirania ery’eribulya n’erisubirya erikathuwathikaya eryongera eriyitheghererya e Biblia.

Wamahindana nethu, ahathe erithika-thika iwukendi tsemera erikangirirya libuya eriseghemere okwa Biblia erikahebawa.—Isaya 54:13.

• Ni byahi ebikabya omwa mihindano ey’Abema ba Yehova?

• Ni mihindano yahi okwa yikabya buli yenga eyawukalhangira wuthi wangana thoka erihindanako?