Obuli Kisenge ky’Obwami eky’Abema ba Yehova kikimanira erina lya Nyamuhanga eribuyirire. Busana n’ekyo, thukayowa ini lhusunzo kandi ini kindu kikulhu omw’iramya lyethu eriwathikya omw’ikiyonza, erikisugha, n’erikisuba-subania ndeke kyamatsanda. Ithwe bosi thwangana sangira omwa mubiiri oyu.

Yiheyo erikolha obuyonzo emihindano yikahwamu. Emihindano yikabya yikahwamu, balikyethu bangana kolha obuyonzo buke-buke nuku Ekisenge ky’Obwami kibye ikinahenirye. Kandi ibakolha obuyonzo obunene murundi mughuma obuli yenga. Omusyakulhu kutse omughombe omuwathikya yukathegha-theghanaya omubiiri oyu, erilhangira athi ebitholere erikolhwa bikolhawe. Erikwamana n’obuyithawa, abandu bakayihayo eribirya, erisimura, erisangulha engungu, erithonda ebithumbi, eriyonza ehibbine, eryerya amadirisa n’ebiyo, eryutha ebithi, kutse erithema-thema obuthalha. Obuli mwaka, hakahirawa hakiri kiro kighuma eky’erikolha obuyonzo bw’amani. Erileka abaana bethu nabu bakolha okwa mubiiri oyu, thukabya ithukabakangiriraya erisikya omwanya wethu ow’eriramiryamu.—Omugambuli 5:1.

Wathikaya omw’ikokothya ebyabiritsanda. Obuli mwaka, hali abakarambura Ebisenge by’Obwami, eyihya n’omwakathi. Eki kikaleka ibaminya ah’erikokothya lhuba hathe hayithaghisya sente nene. (2 Emyatsi y’Emigulu 24:13; 34:10) Ekisenge ky’Obwami ekiyonzire n’erisuwa ndeke kya kitholere eriramirya mwa Nyamuhanga wethu. Thukabya thukasangira omwa mubiiri oyu, thukabya ithukakanganaya ku thwanzire Yehova n’ahathukaramiraya. (Esyonyimbo 122:1) Kandi eki kikaha ekisasani ekyuwene omw’abandu.—2 Abanya Korinto 6:3.

• Busana naki sithutholere thukaghalhaghandya aha thukaramiraya?

• Ni mitheghekere yahi eyiriho ey’erisugha Ebisenge by’Obwami?