Wasingya eribana obuthuku obw’erisoma akatabu kano wukanza erithuminya ithwe ng’Abema ba Yehova, eriminya ebya thukakolha, n’eriminya ekithunga kyethu kya ndeke. Thuli n’amaha thuthi kamabirikuwathikya erilhangira ngoku n’ithwe thukakolha erisonda lya Yehova munabwire. Thukakuhira mw’omuhwa ow’erilholha embere erigha oku Nyamuhanga, eribwira abahughu bawu n’abanywani bawu okwa bya wuk’igha, n’eribya wukahindana nethu.—Abaebrania 10:23-25.

Wukendi minya ngoku erilholha embere erigha oku Yehova, likaleka iwaminya kwenene ngoku akwanzire. Eki ikikendi leka iwakolha ekyosi-kyosi ekya wangathoka erikangania nawu ngoku wumwanzire. (1 Yoane 4:8-10, 19) Aliriryo wanga kangania wuthi eriyisunza eryo omwa mibere yawu eya buli kiro? Busana naki ni ky’omughaso okw’iwe erighondera emisingyi ey’eby’esyongeso? Ni kyahi ekikendi kuwathikya erianza erikolha nethu erisonda lya Nyamuhanga? Oyukakweghesaya e Biblia akendi tsema erikuwathikya eribana eby’erisubirya nuku iwe n’eka yenyu mwanga ‘yibika omo lhwanzo lhwa Nyamuhanga, ekikaletha engebe y’erikotha.’—Yuda 21.

Thukakuhira mw’omuhwa ow’erilholha embere erikulha-kulhana omwa kwenene omw’ithasy’igha ekitabu “Muyibike Omo Lhwanzo Lhwa Nyamuhanga”.