IHAMABIRI thalhaba emikera ng’ibiri Abaisraeli balhwire e Misiri, bakahika okwa Kithwa Sinai, kandi ekikahulhawa mwa Horebu. Kino kyene kitsweka kighumerera aho Yehova akaniraya na Musa omwa lhusaka olhukaka kw’omuliro. Abandu bakalhalirira hano n’er’ikalhaho ahabw’akathuku.

Abandu bane mulindirira ekabunu, Musa akahethukira okwa kithwa. Endatha eyo okwa kasweswe k’ekithwa, Yehova akabwira Musa athi anzire Abaisraeli ibamwowa n’eribya bandu biwe bambaghane. Musa akabya abiriandaghalira eyikwa, akabwira Abaisraeli ebya Yehova abughire. N’abandu bakabugha bathi bakendiowa Yehova, kusangwa banzire ibabya bandu biwe.

Okwa ndambi eyo, Yehova akakolha ekindu eky’eriswekya. Akaletha okwa kasweswe ak’ekithwa kw’omuki, n’eriletha emilhumu minene-minene. Kandi akathasyabugha n’abandu athi: ‘Ningye Yehova Nyamuhanga wenyu oyu wabalhusaya e Misiri.’ Neryo akalhayirabo athi: ‘Simusya ramaya esyanyamuhanga syosi-syosi athe ingye.’

Nyamuhanga akaha Abaisraeli b’ebindi biraghiro kutse ebihano mwenda. Abandu bakubaha kutsibu. Bakabwira Musa bathi: ‘Niwe wukanaye nethu, kusangwa thukwire obuba thuthi thwangana holha Nyamuhanga amakania nethu.’

Enyuma waho Yehova akabwira Musa athi: ‘Asa eyangali okwa kithwa. Ngendi kuha ebisayi bibiri by’amabwe okwa nabiri saka ebihano ebyo nyanzire abandu ibakwama.’ Neryo kandi Musa akahethukira okwa kithwa. Akabyayo ebiro 40 omusibo n’ekiro.

Nyamuhanga awithire abandu biwe b’ebihano bingi. Musa akasakangabyo. Kandi Nyamuhanga akaha Musa y’ebisayi bibiri by’amabwe. Okw’amabwe ayo, Nyamuhanga iyuwene-wene abiri sakanga kw’ebihano 10 eby’abwira abandu biwe abosi. Bikahulhawa mwa Biraghiro Ikumi.

Ebiraghiro Ikumi ni bihano eby’omubongo. Aliriryo kuthya n’ebindi bihano bingi ebyo Nyamuhanga akaha Abaisraeli. Ekighuma eky’okwa bihano ebi ky’eki: ‘Wutholere iwanza Yehova Nyamuhanga wawu n’omuthima wawu wosi, n’amalengekania wawu wosi, n’engebe yawu yosi, kandi n’akaghalha kawu kosi.’ Kandi n’ekindi ky’eki: ‘Wutholere iwanza mulikyenyu ngokwa wuyanzire.’ Mughalha wa Nyamuhanga, Yesu Kristo, mwabugha athi ebi by’ebihano bibiri ebikulhu-bikulhu ebyo Yehova aha abandu biwe Abaisraeli. Thukendi igha bingi oku Mughalha wa Nyamuhanga kandi n’erikangirirya liwe embere.