Olhughano 1

1. Ebindu ebyosi ebibuya bilhwire hayi, kandi wanganaha eky’erireberyako?

2. Ekya Nyamuhanga atsuka erihangika erimbere nikyahi?

3. Busana naki omumalaika ow’erimbere abya wa mbaghane?

4. Kanaya ngokwa ekihugho kyabya kisosire erimbere. (Lebaya ekisasani.)

5. Nyamuhanga mwatsuka athi eritheghekania ekihugho ahabw’ebisoro n’abandu?

Ebibulyo eby’eryongerako:

1. Soma Yeremia 10:12.

   Ni mibere ki eya Nyamuhanga eyikanganibirwe omwa bihangikwa biwe? (Isa. 40:26; Abar. 11:33)

2. Soma Abanya Kolosai 1:15-17.

   Yesu mwakolha mubiiri ki omw’ihangika, kandi eki kika thuwathikaya kithi erimuyitheghererya? (Kol. 1:15-17)

3. Soma Enzuko 1:1-10.

   1. Enzuko ey’ekihugho niki? (Enz. 1:1)

   2. Okwa kiro eky’erimbere eky’erihangika muhabya ki? (Enz. 1:3-5)

   3. Kanaya ekyabya kyabere okwa kiro ekyakabiri eky’erihangika. (Enz. 1:7, 8)

Olhughano 2

1. Nyamuhanga mwathegheka athi ekihugho eribya maka ethu?

2. Thakania okwa miringo mingi ey’ebisoro ebya Nyamuhanga akolha. (Lebaya ekisasani.)

3. Ekyaleka eririma ly’Edeni iryabya lya mbaghane niki?

4. Nyamuhanga abyanzire ekihugho ekyosi ikyabya kithi?

Ebibulyo eby’eryongerako:

1. Soma Enzuko 1:11-25.

   1. Nyamuhanga mwahangika ki okwa kiro ekyakasathu eky’erihangika? (Enz. 1:12)

   2. Omwa kiro ekya kani eky’erihangika muhabya ki? (Enz. 1:16)

   3. Ni miringo ki ey’ebisoro eya Nyamuhanga akolha okwa kiro ekyakathano n’eky’omukagha? (Enz. 1:20, 21, 25)

2. Soma Enzuko 2:8, 9.

   Ni mithi ibiri yahi ey’embaghane eya Nyamuhanga ahira omw’irima, kandi yamanyisayaki?

Olhughano 3

1. Ekisasani ekiri omwa Lhughano 3 ni ky’embaghane kithi okwa kisasani ekiri omwa Lhughano 2?

2. Oyuwakolha omulhume ow’erimbere nindi, n’erina ery’omulhume yuwabya ndi?

3. Nyamuhanga mwahererya Adamu y’omubiiri ki ow’erikolha?

4. Ekyaleka Nyamuhanga inya ghotserya Adamu y’omwa thulho thungi niki?

5. Adamu na Eva bangabere ho mughulhu mungahi, kandi ni mubiiri ki owa Yehova aby’anzire ibakolha?

Ebibulyo eby’eryongerako:

1. Soma Esyonyimbo 83:18, “NW.”

   Erina lya Nyamuhanga yandi, n’ekitsumbi kiwe eky’embaghane okwa kihugho ni kyahi? (Yer. 16:21; Dan. 4:17)

2. Soma Enzuko 1:26-31.

   1. Erighunzerera ery’erihangika lya Nyamuhanga okwa kiro eky’omukagha lyabya niki, n’erihangika eri lyabya lya mbaghane lithi okwa bisoro? (Enz. 1:26)

   2. Niki ekya Yehova aby’ahere abandu n’ebisoro? (Enz. 1:30)

3. Soma Enzuko 2:7-25.

   1. Omubiiri wa Adamu ow’erilhuka ebisoro by’amena ayithaghisaya ki? (Enz. 2:19)

   2. Enzuko 2:24 akathuwathikaya athi eriyitheghererya ngoku Yehova akalhangira olhuthahyo, erilhuamu, n’erikomolhana? (Mt. 19:4-6, 9)

Olhughano 4

1. Omwa kisasani, niki ekyamahika oku Adamu na Eva?

2. Ekyaleka Yehova inya basuyira niki?

3. Enzoka muyabwira Eva yaki?

4. Nindi oyuwaleka enzoka iyakania na Eva?

5. Ekyaleka Adamu na Eva ibaherya e Paradiso yabo niki?

Ebibulyo eby’eryongerako:

1. Soma Enzuko 2:16, 17 na 3:1-13, 24.

   1. Ekibulyo eky’enzoka ya bulhaya Eva, mukya bihira kithi Yehova? (Enz. 3:1-5; 1 Yn. 5:3)

   2. Eva akabya athi ng’eky’erireberyako eyathuli? (Fil. 4:8; Yak. 1:14, 15; 1 Yn. 2:16)

   3. Adamu na Eva mubalemwa bathi erikirirya olhukwamirwa olhw’emikolere yabu? (Enz. 3:12, 13)

   4. Abakerubi abahirawa ebulhua lyuba bw’eririma lya Edeni mubasighika bathi obuthabali bwa Yehova? (Enz. 3:24)

2. Soma Eribisulirwa 12:9.

   Sitani amabiri thathoka athi eribindulha abandu erilhua okwa buthabali bwa Nyamuhanga? (1 Yn. 5:19)

Olhughano 5

1. Engebe ya Adamu na Eva yabya yithi eyihya y’eririma ly’Edeni?

2. Niki ekyabya kyatsukire erihika oku Adamu na Eva, kandi busana naki?

3. Ekyangalekire abana ba Adamu na Eva ibakekelhuha n’eriholha niki?

4. Ya Adamu na Eva kubowa Nyamuhanga, engebe yabu n’ey’abana babu yangabere yithi?

5. Obuthowa bwa Eva mubwa mulethera buthi eriaghalhwa?

6. Amena w’abaghalha ba Adamu na Eva ababiri abatsuka ni ahi?

7. Abandi abana abali omwa kisasani ni bahi?

Ebibulyo eby’eryongerako:

1. Soma Enzuko 3:16-23 na 4:1, 2.

   1. Eritsuma ekithaka mulyahamba lithi okwa ngebe ya Adamu? (Enz. 3:17-19; Abar. 8:20, 22)

   2. Busana naki erina lya Eva, erikamanyisaya ‘Oyuliho,’ litholere? (Enz. 3:20)

   3. Yehova mwa kangania athi eritsomana Adamu na Eva n’enyuma w’eribirihalya lyabu? (Enz. 3:7, 21)

2. Soma Eribisulirwa 21:3, 4.

   Ni ‘myatsi ki ey’erimbere’ eya wanzire erisya lhangira yikalhusibwaho?

Olhughano 6

1. Ni mibiiri ki eya Kaina na Abeli bakakolha?

2. Kaina na Abeli bakalethera Yehova ya bihembo ki?

3. Busana naki Yehova akatsemera ekihembo kya Abeli, kandi habwa ki syathatsemera ekya Kaina?

4. Kaina ni mundu ali athi? Kandi Yehova akalengesaya erimuhabulha athi?

5. Kaina akakolha ki inyane omw’irima mw’iyuwene na mughalha wabu?

6. Soborera ekyabya kyabere oku Kaina abir’itha mughalha wabu.

Ebibulyo eby’eryongerako:

1. Soma Enzuko 4:2-26.

   1. Yehova mwakania athi omubere mubi owa Kaina abyamu? (Enz. 4:7)

   2. Kaina mwakangania athi emibere ey’omuthima wiwe? (Enz. 4:9)

   3. Yehova akalhangira athi eryutha omusasi owathe kwa lhubanza? (Enz. 4:10; Isa. 26:21)

2. Soma 1 Yoane 3:11,12.

   1. Ekyaleka Kaina inyahithana kutsibu niki, kandi eki kikabya kithi ng’erikunga eyathuli munabwire? (Enz. 4:4, 5; Emi. 14:30; 28:22)

   2. E Biblia yikakanganaya yithi indi ab’omwaka yethu abosi n’omwa banga hakanisya Yehova, thwangana sighalha ithune bayisiwa? (Esy. 27:10; Mt. 10:21, 22)

3. Soma Yoane 11:25.

   Ni lhaghanisya ki erya Yehova akaha abosi abaka holha busana n’erithunganene? (Yn. 5:24)

Olhughano 7

1. Enoka abya athi wa mbaghane?

2. Ekyaleka abandu ab’omwa buthuku bwa Enoka ibakolha ebindu bibi bingi niki?

3. Ni bindu ki ebibi eby’abandu babya bakakolha? (Lebaya ekisasani.)

4. Ekyalekire Enoka inyathakwa obuba niki?

5. Abandu omughulhu oyo ibakaghunza birimo nga bingahi, aliriryo Enoka mwabyaho birimo bingahi?

6. Niki ekyabya kyabere Enoka abiriholha?

Ebibulyo eby’eryongerako:

1. Soma Enzuko 5:21-24, 27.

   1. Enoka abya withe engolangana eyisosire yithi na Yehova? (Enz. 5:24)

   2. Erikwamana ne Biblia, ni mundu wahi oyuwabirithabyaho birimo bingi, kandi mwaholha inyawithe birimo bingahi? (Enz. 5:27)

2. Soma Enzuko 6:5.

   Emibere ye kihugho muyabya mibi yithi enyuma w’olhuholho lhwa Enoka, kandi eki kiringene kithi n’omughulhu wethu ono? (2 Tim. 3:13)

3. Soma Abaebrania 11:5.

   Enoka abya withe mubere ki ‘owa tsemesaya Nyamuhanga,’ kandi niki ekyabya kyalhwiremu? (Enz. 5:22)

4. Soma Yuda 14, 15.

   Abakristayo munabwire banga gherererya bathi obuthubaha bwa Enoka omughulhu bakakunga abandu okwa lhuhi olhukayasa olhwa Harmagedoni? (2 Tim. 4:2; Ebr. 13:6)

Olhughano 8

1. Ekyabya kyabere niki omughulhu abaghuma b’okwa abamalaika ba Nyamuhanga bahulikirira ebye Sitani?

2. Ekyaleka abaghuma b’okwa abamalaika ibaleka omubiiri wabu elhubulha n’eriandaghalira okwa kihugho niki?

3. Busana naki kyabya kibi abamalaika eriandaghalira okwa kihugho n’eriyambalya emibiri y’abandu?

4. Ni mbaghane ki eyabyaho okw’abana b’abamalaika?

5. Ngokwa wunalhangire omwa kisasani, abana b’abamalaika babere babiribya b’emikaka mubakolha ki?

6. Enyuma wa Enoka, ni mulhume wahi mubuya oyuwabyaho okwa kihugho, kandi ekyaleka Nyamuhanga inyamusima niki?

Ebibulyo eby’eryongerako:

1. Soma Enzuko 6:1-8.

   Enzuko 6:6 akakanganaya athi ngokwa Yehova akayowa erilingana n’emibere yethu? (Esy. 78:40, 41; Emi. 27:11)

2. Soma Yuda 6.

   Abamalaika ‘abasigha omwanya wabu w’elhubulha’ omwa biro bya Noa, baka thw’ibukaya ki munabwire? (1 Kor. 3:5-9; 2 Pet. 2:4, 9, 10)

Olhughano 9

1. Omw’ihiika lya Noa mwabya bandu bangahi, kandi amena w’abaghalha biwe abasathu ni wahi?

2. Ni kindu ki ekithe kya bulikiro ekya Nyamuhanga babwira Noa athi akole, kandi busana naki?

3. Abaliranwa ba Noa mubasubirya bathi abiribabwira okwa bwathu?

4. Nyamuhanga mwabwira Noa athi akole ki okwa bisoro?

5. Nyamuhanga abere abirikinga olhuyi olhw’obwathu, Noa n’erihiika liwe babya b’erikolha ki?

Ebibulyo eby’eryongerako:

1. Soma Enzuko 6:9-22.

   1. Ekyaleka Noa inyabya muramya ow’embaghane wa Nyamuhanga ow’ekwenene niki? (Enz. 6:9, 22)

   2. Yehova akalhangira athi ebikorwa eby’obw’ithi, n’eki kikahamba kithi okwi sombolha ery’eriyitsemesya lyethu? (Enz. 6:11, 12; Esy. 11:5)

   3. Thwangagherererya thuthi ya Noa omughulhu thukabana obusondoli erilhabira omwa kithunga kya Yehova? (Enz. 6:22; 1 Yn. 5:3)

2. Soma Enzuko 7:1-9.

   Yehova erilhangira ya Noa omulhume oyuthahikene ng’omuthunganene kikathuhimba kithi munabwire? (Enz. 7:1; Emi. 10:16; Isa. 26:7)

Olhughano 10

1. Busana naki sihangabere mundu na mughuma oyuwangingire omwa bwathu embulha yabiritsuka eriwa?

2. Yehova mwawisya embulha habw’ebiro n’amathumbi angahi, kandi amaghetse mwabya dolo buli bungahi?

3. Ekyabya kyahikire okwa bwathu niki amaghetse akatsuka eriswika ekihugho?

4. Ab’emikaka mubanasabuka Eribogha ly’Amaghetse, kandi niki ekyabya kyahikire okw’abathatha babu?

5. Ekyabya kyahikire okwa bwathu enyuma w’emikera ithanu niki?

6. Ekyaleka Noa inyawulhukirya ekikororo ky’eyihya sy’obwathu niki?

7. Noa mwaminya athi amaghetse okwa kithaka kw’abiryuma?

8. Nyamuhanga mwabwira Noa n’erihiika liwe baki enyuma w’eribirighunza omwa bwathu mw’obuthuku obulhabire ekirimo kighuma?

Ebibulyo eby’eryongerako:

1. Soma Enzuko 7:10-24.

   1. Erithoghothya ery’engebe okwa kihugho mulyahika hi? (Enz. 7:23)

   2. Eribogha ery’amaghetse mulyathwalha mughulhu mungahi eryuma? (Enz. 7:24)

2. Soma Enzuko 8:1-17.

   Enzuko 8:17 akakanganaya athi ngokwa ekighendererwa kya Yehova ekyatsuka busana n’ekihugho mukitha hinduka? (Enz. 1:22)

3. Soma 1 Petero 3:19, 20.

   1. Abamalaika abayisamambulha babere basuba elhubulha, ni tswerwa ki erya babya babwene? (Yuda 6)

   2. Emyatsi eyihambire oku Noa n’erihiika liwe, yikaghumaya yithi eriyikethera ly’ethu omwa buthoki bwa Yehova ebw’erilhamya abandu biwe? (2 Pet. 2:9)

Olhughano 11

1. Ngokwa kikanganibwe omwa kisasani, Noa mwatsuka erikolha ki abirilhua omwa bwathu?

2. Nyamuhanga mwaha Noa n’erihiika liwe b’ekihano ki enyuma w’Eribogha ery’amaghetse?

3. Nyamuhanga mwakolha ndaghano ki?

4. Omughulhu thukalhangira ekima, kika thw’ibukaya ki?

Ebibulyo eby’eryongerako:

1. Soma Enzuko 8:18-22.

   1. Ithwe munabwire thwangaha thuthi ‘obukwa obuwene’ oku Yehova? (Enz. 8:21; Ebr. 13:15, 16)

   2. Yehova mwabugha athiki okwa mubere ow’omuthima w’omundu, kandi ni theya muhanda ki erya thutholere ithwabya nalyo? (Enz. 8:21; Mt. 15:18, 19)

2. Soma Enzuko 9:9-17.

   1. Ni ndaghane ki eya Yehova akolha n’ebihangikwa byosi eby’ekihugho? (Enz. 9:10, 11)

   2. Endaghane ey’ekima yikendi syabyaho erighunza mughulhu wahi iyine mukolha? (Enz. 9:16)

Olhughano 12

1. Nimurodi abya inindi, kandi Nyamuhanga mwamulhangira athi?

2. Omwa kisasani, busana naki abandu babya bakabumba amatafali?

3. Busana naki Yehova mwathatsemera omubiiri w’obuhimbe?

4. Nyamuhanga mwimania athi obuhimbe obw’enyumba enyiri-nyiri?

5. Omuyi mwahebwa lina ki, n’erina eri lyabya likamanyisya ki?

6. Ekyabya kyabere okw’abandu niki Nyamuhanga abiri tabura emibughe yabu?

Ebibulyo eby’eryongerako:

1. Soma Enzuko 10:1, 8-10.

   Ni mibere ki eya Nimurodi akanganaya, kandi eki kikathukunga kithi munabwire? (Emi. 3:31)

2. Soma Enzuko 11:1-9.

   Ekighendererwa eky’erihimba enyumba nyiri-nyiri kyabya iniki, kandi busana naki obuhimbe mubwalemesibwa? (Enz. 11:4; Emi. 16:18; Yn. 5:44)

Olhughano 13

1. Omwa muyi we Uri mwabya mw’ikere abandu abali bathi?

2. Omulhume oyuli omwa kisasani nindi, abuthawa mughulhu wahi, kandi mw’ikalha hayi?

3. Nyamuhanga mwabwira Abrahamu athi akole ki?

4. Ekyaleka Abrahamu inyahulhwa mwa munywani wa Nyamuhanga niki?

5. Ababya baghendire na Abrahamu akalhua e Uri ni bahi?

6. Abrahamu abere ahika omwa kihugho kye Kanana, Nyamuhanga mwamubwira ki?

7. Abrahamu abere ayira ebirimo 99 eby’obukulhu, Nyamuhanga mwa mulhaghanisya ki?

Ebibulyo eby’eryongerako:

1. Soma Enzuko 11:27-32.

   1. Abrahamu na Loti babya basene bathi? (Enz. 11:27)

   2. N’omwakine indi Tera yuka kanibawako ng’oyuwahumiraya erihiika lye Kanana, thukaminya thuthi indi Abrahamu yuwatsukisaya olhughendo lhuno, n’ekyaleka inyakolha athya niki? (Enz. 11:31; Emib. 7:2-4)

2. Soma Enzuko 12:1-7.

   Abrahamu abere abirihika omwa kihugho kye Kanana, Yehova mwongera athi okwa ndaghano eya akolha nayu? (Enz. 12:7)

3. Soma Enzuko 17:1-8, 15-17.

   1. Abramu abere abirihikya ebirimo 99 eby’obukulhu, erina liwe mulyahindulhwa mwaki, kandi busana naki? (Enz. 17:5)

   2. Yehova mwalhaghanisya Sara ya mighisa ki eyendiasa embere? (Enz. 17:15, 16)

4. Soma Enzuko 18:9-19.

   1. Erikwamana n’Enzuko 18:19, abathatha bawithe mibiiri ki omwa maka abo? (Ebi. 6:6, 7; Efe. 6:4)

   2. Niki ekyabya kyahikire oku Sara ekikakanganaya indi sithwangabisa Yehova ya kindu kyosi-kyosi? (Enz. 18:12, 15; Esy. 44:21)

Olhughano 14

1. Nyamuhanga mwalhaghanisya Abrahamu yaki, kandi mwa berererya athi endaghano yiwe?

2. Ngokwa kikanganibwe omwa kisasani, Nyamuhanga mwalenga athi okw’ikirirya lya Abrahamu?

3. Abrahamu mwakolha ki, n’omwakine indi mwa thayitheghererya enzumwa ey’ekiraghiro kya Nyamuhanga?

4. Abrahamu abere alhusyayo omuhamba athi ak’itha mughalha wiwe niki ekyabya kyabere?

5. Erikirirya lya Abrahamu omu Nyamuhanga lyabya lighumire lithi?

6. Nyamuhanga mwahererya Abrahamu yaki eky’erihonga, kandi athi?

Ebibulyo eby’eryongerako:

1. Soma Enzuko 21:1-7.

   Ekyaleka Abrahamu inyabania mughalha wiwe okwa kiro ky’omunani niki? (Enz. 17:10-12; 21:4)

2. Soma Enzuko 22:1-18.

   Isaka mwaghondera athi thatha wiwe, Abrahamu, n’eki kyakanganaya mwatsi ki mukulhu owa kendi syabya embere? (Enz. 22:7-9; 1 Kor. 5:7; Fil. 2:8, 9)

Olhughano 15

1. Ekyaleka Abrahamu na Loti ibasighana niki?

2. Ekyaleka Loti inyasombolha erikalha e Sodomo niki?

3. Abandu be Sodomo babya bathi?

4. Ni kunga ki ery’abamalaika babiri bahereraya Loti?

5. Ekyaleka muka Loti inyabya kithwe ky’omunyu niki?

6. Muka Loti thwanga mw’ighira kw’isomo ki?

Ebibulyo eby’eryongerako:

1. Soma Enzuko 13:5-13.

   Abandu bang’ighira bathi oku Abrahamu erighunzaho ebitsibu ebiri omwakathi-kathi kabu? (Enz. 13:8, 9; Abar. 12:10; Fil. 2:3, 4)

2. Soma Enzuko 18:20-33.

   Erikolhangana lya Yehova na Abrahamu likathuha lithi eriyisigha indi Yehova na Yesu bakendi syatswera omwa lithunganene? (Enz. 18:25, 26; Mt. 25:31-33)

3. Soma Enzuko 19:1-29.

   1. Omwatsi ow’omwa Biblia oyu akakanganaya athi ngoku Yehova akalhangira abalhume abakakesaya n’abalhume balikyabo? (Enz. 19:5, 13; Law. 20:13)

   2. ) Ni mbaghane ki eya thukabana omwa syanzira esya Loti na Abrahamu babya bakwamiremo erisondolha lya Nyamuhanga, n’ethu thwang’igha mwaki? (Enz. 19:15, 16, 19, 20; 22:3)

4. Soma Luka 17:28-32.

   Muka Loti aby’awithe malengakania ki okwa bindu eby’ekimubiri, kandi eri ni kunga ki eyathuli? (Luka 12:15; 17:31, 32; Mt. 6:19-21, 25)

5. Soma 2 Petero 2:6-8.

   Thukagherererya Loti, ni mibere ki eya thutholere ithwabya nayu eyiri ekihugho ekithuthimbireko ekithasi Nyamuhanga? (Eze. 9:4; 1 Yn. 2:15-17)

Olhughano 16

1. Omulhume n’omukali abali omwa kisasani nibahi?

2. Abrahamu mwakolha ki eribanira mughalha wiwe y’omukali, kandi busana naki?

3. Omusabe w’omughombe wa Abrahamu mwasubiribwa athi?

4. Rebeka mwasubirya athiki omughulhu bamubulhaya ngananzire erithahibwa na Isaka?

5. Ekyaleka Isaka inyathasya tsema niki?

Ebibulyo eby’eryongerako:

1. Soma Enzuko 24:1-67.

   1. Ni mibere ki mibuya eya Rebeka akanganaya omughulhu asanga omughombe wa Abrahamu y’okwa kithehero? (Enz. 24:17-20; Emi. 31:17, 31)

   2. Abrahamu eritheghekera Isaka ni ky’erireberyako kibuya kithi okwa Abakristayo munabwire? (Enz. 24:37, 38; 1 Kor. 7:39; 2 Kor. 6:14)

   3. ) Busana naki thutholere ithwabana endambi ey’erilengekania buli nga Isaka kw’akolha? (Enz. 24:63; Esy. 77:12; Fil. 4:8)

Olhughano 17

1. Esau na Yakobo babya ini bahi, kandi babya bambaghane bathi?

2. . Esau na Yakobo babya bawithe birimo bingahi eby’obukulhu omughulhu sukulhu wabu Abrahamu aholha?

3. Esau mwakolha ki ekyaleka thatha na mama wiwe ibakwa bulighe bunene?

4. Busana naki Esau mwahithana kutsibu oku mughalha wabu, ya Yakobo?

5. Isaka mwaha mughalha wiwe ya Yakobo yihano ki?

Ebibulyo eby’eryongerako:

1. Soma Enzuko 25:5-11, 20-34.

   1. Abahasa babiri ab’obulhume aba Rebeka, Yehova mwabalhaghulhako athiki? (Enz. 25:23)

   2. Ni mbaghane ki eyabya ahakathi-kathi ka Yakobo na Esau okw’isima omwandu w’obukulhu? (Enz. 25:31-34)

2. Soma Enzuko 26:34, 35; 27:1-46; na 28:1-5.

   1. Esau erithendi sima ebindu by’obunyakirimu mulyalhangirika lithi? (Enz. 26:34, 35; 27:46)

   2. ) Isaka mwabwira Yakobo athi akole ki eribana omughisa wa Nyamuhanga? (Enz. 28:1-4)

3. Soma Abaebrania 12:16, 17.

   Eky’erireberyako kye Esau kikakanganaya kithi ekya nga lhwiririramu okw’abo abathetsomana ebindu eby’obunyakirimu?

Olhughano 18

1. Omumbesa oyuli omwa kisasani nindi, kandi Yakobo mwamukolera ki?

2. Yakobo mw’ikirirya erikolha ki nuku anga thahya Rakeli?

3. Obuthuku bwa Yakobo obw’eriherukya Rakeli bwabere bwahika, Labani mwakolha ki?

4. Yakobo mwaligha erikolha ki anga thwalha Rakeli nga mukali wiwe?

Ebibulyo eby’eryongerako:

1. Soma Enzuko 29:1-30.

   1. N’omughulhu Labani amutheba, Yakobo mwakangania athi ngokwa ni muyisiwa, kandi thwang’igha ki omw’eki? (Enz. 25:27; 29:26-28; Mt. 5:37)

   2. Eky’erireberyako kye Yakobo kikakanganaya kithi embaghane eyiri ahakathi-kathi k’olhwanzo hene-hene n’olhwanzo olhw’eyighulhu-ghulhu? (Enz. 29:18, 20, 30; Olw. 8:6)

   3. Ni bakali bahi abbani ababya babere omwaka ya Yakobo, n’erimubuthira abana b’obulhume? (Enz. 29:23, 24, 28, 29)

Olhughano 19

1. Amena w’abaghalha ba Yakobo mukagha ab’abutha oku mukali wiwe ow’erimbere ya Lea ni ahi?

2. Ni balhwana bahi ababiri ab’omubegherya wa Lea ya Zilpa abuthira Yakobo?

3. Amena w’abaghalha babiri ab’omubegherya wa Rakeli ya Biliha abuthira Yakobo ni ahi?

4. Ni balhwana bahi babiri aba Rakeli abutha, aliriryo niki ekyabya kyabere akabutha omulhwana owakabiri?

5. Erisighikira n’ekisasani, Yakobo mwabya n’abaghalha bangahi, n’ekyabya kyalhwire mw’ibo niki?

Ebibulyo eby’eryongerako:

1. Soma Enzuko 29:32-35; 30:1-26 na 35:16-19.

   Ngokwa kikanganibwe oku baghalha ba Yakobo 12, abalhwana Abaebrania omughulhu wakera ibakahebawa bathi amena?

2. Soma Enzuko 37:35.

   Nomwakine indi Dina yukahulhawa omwa Biblia, thukaminya thuthi ngokwa Yakobo abya withe bali bangi? (Enz. 37:34, 35)

Olhughano 20

1. Ekyaleka Abrahamu na Isaka ibathanza abana babu erithahirya omwa kihugho ekye Kanana niki?

2. Yakobo mwanasima mwali wiwe erinywana n’abambesa abe Kanana?

3. Omwa kisasani, omulhume oyukathungerera Dina nindi, kandi mwakolha ekindu ki ekibi?

4. Baghalha babu Dina ya Simeoni na Lawi babere bowa ekyabya kyabere mubakolha ki?

5. Yakobo mwanasima ekya Simeoni na Lawi babya ibabirikolha?

6. Obutsibu by’erihiika lyosi mubwatsuka buthi?

Ebibulyo eby’eryongerako:

1. Soma Enzuko 34:1-31.

   1. Obunywani bwa Dina n’abambesa b’omwa kihugho kye Kanana kyabya kindu ekithasibwe? Soborera. (Enz. 34:1)

   2. Busana naki lhwabya lhubanza lhwa Dina eriherya obumbesa bwiwe? (Gal. 6:7)

   3. Abakiri balere munabwire banga kangania bathi ngokwa babiriyitheghererya erikunga ry’eky’erireberyako kya Dina? (Emi. 13:20; 1 Kor. 15:33; 1 Yn. 5:19)

Olhughano 21

1. Ekyaleka baghalha babu Yozefu ibamukwa kw’erihali niki, kandi mubakolha ki?

2. Baghalha babu Yozefu bakanza erimukolha kwa ki, aliriryo Rubeni akabugha athi ki?

3. Abasuburi Abaismaeli bakabya basa niki ekikabya?

4. Baghalha babu Yozefu bakakolha ki nuku thatha wabu alengekanaye athi Yozefu abiriholha?

Ebibulyo eby’eryongerako:

1. Soma Enzuko 37:1-35.

   1. Abakristayo banga gherererya bathi eky’erireberyako kya Yozefu erithulha amalholho awali omwa kithunga? (Enz. 37:2; Law. 5:1; 1 Kor. 1:11)

   2. Ekyaleka baghalha babu Yozefu ibamughoberya niki? (Enz. 37:11, 18; Emi. 27:4; Yak. 3:14-16)

   3. Yakobo mwakangania athi ngokw’obulighe ni kindu ekya bulikiro? (Enz. 37:35)

Olhughano 22

1. Yozefu ni wa birimo bingahi akathwalhwa e Misiri, kandi akabya abirihikayo, niki ekikabya?

2. Yozefu akayisanga athi omwa muliki?

3. Ni lhukwamirwa ki olhwa Yozefu akahebawa omwa muliki?

4. Ane omwa muliki, niki ekya Yozefu akakolera omuthengi n’omutsumbi w’emiggati wa Farao?

5. Omuthengi akabya abirilhua omwa muliki, ekikabya niki?

Ebibulyo eby’eryongerako:

1. Soma Enzuko 39:1-23.

   Nomwakine indi sihabya ebihano ebisakangire erilhua eyiri Nyamuhanga ebikaghana obusingiri omwa buthuku bwa Yozefu, ekya musukuma erithibitha erilhua eyiri mukali wa Potifari niki? (Enz. 2:24; 20:3; 39:9)

2. Soma Enzuko 40:1-23.

   1. Omwa bikuhi kanaya okwa kilhotho eky’omuthengi n’erisoborera erya Yehova aha Yozefu. (Enz. 40:9-13)

   2. Omutsumbi w’emiggati mwalhotha ki, kandi kyamanyisaya ki? (Enz. 40:16-19)

   3. Munabwire omughombe oyutheleghulha n’ow’amenge abirigherererya athi emibere ya Yozefu? (Enz. 40:8; Esy. 36:9; Yn. 17:17; Emib. 17:2, 3)

   4. Enzuko 40:20 akaha athi ekyakakalha okw’Abakristayo eriyitheghererya ebiro bikulhu eby’amabuthwa? (Omu. 7:1; Mk. 6:21-28)

Olhughano 23

1. Niki ekikabya oku Farao erithumbi ighuma?

2. Ekikaleka okw’ighunzerera omuthengi iny’ibuka Yozefu niki?

3. Ngokwa kikanganibwe omwa kisasani, ni bilhotho ki ebibiri ebya Farao akalhotha?

4. Yozefu akabugha athi ebilhotho bikamanyisaya ki?

5. Yozefu akabya athi mulhume w’ekitsumbi owa kabiri oku Farao e Misiri?

6. Ekikaleka baghalha babu Yozefu ibasa e Misiri niki, kandi busana naki ibathamuminyerera?

7. Yozefu ak’ibuka kilhotho ki, kandi kikamuwathikaya eriyitheghererya ki?

Ebibulyo eby’eryongerako:

1. Soma Enzuko 41:1-57.

   1. Yozefu mwahererya athi Yehova ye kitsumbi, kandi Abakristayo abamunabwire banga gherererya bathi eky’erireberyako kiwe? (Enz. 41:16, 25, 28; Mt. 5:16; 1 Pet. 2:12)

   2. Ebirimo by’erighesa lingi e Misiri erikwamyako n’ebirimo by’enzalha, bikakanganaya bithi embaghane eyiri ahakathi-kathi k’emibere ey’obunyakirimu obw’abandu ba Yehova n’abakayahulha mw’Abakristayo? (Enz. 41:29, 30; Amo 8:11, 12)

2. Soma Enzuko 42:1-8 na 50:20.

   Nina kibi abaramya ba Yehova eryunamira omundu bakamusikya ahabw’ekitsumbi kiwe yamabya ini mibere ey’ekihugho ekyo? (Enz. 42:6)

Olhughano 24

1. Ekikaleka Yozefu inyahandikirira baghalha babu athi ni balingi niki?

2. Ekikaleka Yakobo inyalighira mughalha wiwe omulere, ya Benyamini, erighenda e Misiri niki?

3. Olhuthehi lhwa Yozefu olhw’ebitsipa lhukahika lhuthi omwa ngunza ya Benyamini?

4. Yuda akathwamu erikolha ki banga lhwika Benyamini?

5. Baghalha babu Yozefu babiri bindulha bathi emibere yabu?

Ebibulyo eby’eryongerako:

1. Soma Enzuko 42:9-38.

   Ebya Yozefu abugha omwa Nzuko 42:18 bikibukaya ki abawithe olhukwamirwa omwa kithunga kya Yehova munabwire? (Neh. 5:15; 2 Kor. 7:1, 2)

2. Soma Enzuko 43:1-34.

   1. Nomwakine indi Rubeni yuwabya kambere, kikalhangirika kithi indi Yuda mwabya mbuyi ya baghalha babu? (Enz. 43:3, 8, 9; 44:14, 18; 1 Emy. 5:2)

   2. Yozefu mwalenga athi oku baghalha babu, kandi busana naki? (Enz. 43:33, 34)

3. Soma Enzuko 44:1-34.

   1. Akanza eriyibisa alikiminyikalha oku baghalha babu, Yozefu mwayikangania athi? (Enz. 44:5, 15; Law. 19:26)

   2. Baghalha babu Yozefu mubakangania bathi ngokw’emibere mibi ey’eriyighomba eya byabya nayu oku mughalha wabu yabirihwa? (Enz. 44:13, 33, 34)

Olhughano 25

1. Yozefu akabya ayiminyikalia oku baghalha babu iyo nga nindi, ekikabya niki?

2. Yozefu omwa bwolho-bwolho akasoborera baghalha babu baki?

3. Farao akabya owa oku baghalha babu Yozefu, akabugha athiki?

4. Erihiika lya Yakobo ni lingahi bakaghenda e Misiri?

5. Erihiika lya Yakobo mulyahulhwa lithi, kandi busana naki?

Ebibulyo eby’eryongerako:

1. Soma Enzuko 45:1-28.

   Omwatsi owali omwa Biblia owahambire oku Yozefu, akakanganaya athi Yehova kw’angana hindulha ekibi ekikakolhawa busana n’erihuthalya abaghombe biwe imwalhwiririra ekibuya? (Enz. 45:5-8; Isa. 8:10; Fil. 1:12-14)

2. Soma Enzuko 46:1-27.

   Yehova mwalhaghanisya Yakobo yaki akaghenda e Misiri? (Enz. 46:1-4)

Olhughano 26

1. Yobu abya inindi?

2. Sitani mwalengesya erikolha ki, aliriryo mwana kinda?

3. Yehova mwalighira Sitani akole ki, kandi busana naki?

4. Ekyaleka muka Yobu inyamubwira athi “tsuma Nyamuhanga wuhole” niki? (Lebaya ekisasani.)

5. Ngokwa wanganalhangira omwa kisasani ekya kabiri, Yehova mwatsumulha athi Yobu, kandi busana naki?

6. Nethu, thwamabya bathaleghulha nga Yobu oku Yehova, ni mighisa ki eya thukendi syabana?

Ebibulyo eby’eryongerako:

1. Soma Yobu 1:1-22.

   Abakristayo munabwire banga gherererya bathi Yobu? (Yobu 1:1; Fil. 2:15; 2 Pet. 3:14)

2. Soma Yobu 2:1-13.

   Yobu na mukali wiwe mubasubirya bathi eryendererya rya Sitani omu nzira ki ibiri esiri mbaghane? (Yobu 2:9, 10; Emi. 19:3; Mika 7:7; Mal. 3:14)

3. Soma Yobu 42:10-17.

   1. Ebihembo ebya Yobu abana na Yesu abana ahabw’erithendi leghulha omwa syangebe syabu, bisosene bithi? (Yobu 42:12; Fil. 2:9-11)

   2. ) Thukahimbawa thuthi omwa mighisa eya Yobu abana busana n’erisighalha muthaleghulha oku Nyamuhanga? (Yobu 42:10, 12; Ebr. 6:10; Yak. 1:2-4, 12; 5:11)

Olhughano 27

1. Omwa kisasani, omulhume oyuli n’omunyamba nindi, kandi akaswiraya ndi?

2. Yozefu abere abiriholha, ni kyahi ekya banika okw’Abaisraeli?

3. Ekyaleka Abanya Misiri ibubaha Abaisraeli niki?

4. Ni kiraghiro ki ekya Farao aby’ahere abakali ababya bakabuthisya Abaisraeli?

Ebibulyo eby’eryongerako:

1. Soma Eriluayo 1:6-22.

   1. Yehova mwatsuka eriberererya erilhagha liwe oku Abrahamu omwanzira ki? (Eri. 1:7; Enz. 12:2; Emib. 7:17)

   2. Ababuthisya Abaebrania mubasikya bathi engebe ng’eyibuyirire? (Eri. 1:17; Enz. 9:6)

   3. Ababuthisya mubahembwa bathi busana n’erithendi leghulha lyabu oku Yehova? (Eri. 1:20, 21; Emi. 19:17)

   4. Sitani mwalengesya athi erikakirya ekighendererwa kya Yehova erisighikira n’Olhubuthu olhwa lhaghanisibawa Abrahamu? (Eri. 1:22; Mt. 2:16)

Olhughano 28

1. Olhumekeke olhuli omwa kisasani nindi, kandi lhuhambire omunwe wandi?

2. Mama wa Musa mwakolha ki erimulhamya okw’ithibwa?

3. Omumbesa oyuli omwa kisasani nindi, kandi mwakolha ki?

4. Mwali wa Farao abere abana olhumekeke, Miriamu mwaha ekirengekanio ki?

5. Omunya mwami w’obukali mwabwira mama wa Musa yaki?

Ebibulyo eby’eryongerako:

1. Soma Eriluayo 2:1-10.

   Ni mughisa wahi owa mama wa Musa abana erikangirirya Musa mwa bumekeke, n’eki kikaha eky’erireberyako kyahi okw’ababuthi munabwire? (Eri. 2:9, 10; Ebi. 6:6-9; Emi. 22:6; Efe. 6:4; 2 Tim. 3:15)

Olhughano 29

1. Musa mwakulira hayi, aliriryo aby’asi ki okw’ababuthi biwe?

2. . Musa mwakolha ki omughulhu abya w’ebirimo 40 eby’obukulhu?

3. Musa mwabwira omulhume Omuisraeli oyuwabya akalhwa yaki, n’omulhume mwasubirya athiki?

4. Ekyaleka Musa inyathibitha akalhua e Misiri niki?

5. Musa mwathibitha hayi, kandi mwasangana yandi?

6. Musa mwakolha ki omwa birimo 40 alhwire e Misiri?

Ebibulyo eby’eryongerako:

1. Soma Eriluayo 2:11-25.

   Nomwakine indi mwakangiriribwa obwenge obw’abanya Misiri habw’ebirimo bingi, Musa mwakangania athi obuyisiwa oku Yehova n’oku abandu biwe? (Eri. 2:11, 12; Ebr. 11:24)

2. Soma Emibiri 7:22-29.

   Ni somo ki erya thuk’ighira oku Musa akalengesya iyuwene-wene erilhamya Abaisraeli erilhua omwa bukobe obwe Misiri? (Emib. 7:23-25; 1 Pet. 5:6, 10)

Olhughano 30

1. Ekithwa ekiri omwa kisasani kikahulhawa kithi?

2. . Kanaya okwa kindu ekithe kya bulikiro ekya Musa alhangira omughulhu aghenda okwa kithwa n’esyambuli siwe.

3. Omulenge mwabugha athi ki akalhua omwa lhusaka olhukaka kw’omuliro, n’omulenge abya wandi?

4. Nyamuhanga abere abwira Musa athi anga sondwere abandu biwe eribalhusya e Misiri, Musa mwasubirya athiki?

5. Nyamuhanga mwabwira Musa athi abughe ki, abandu bamamubulya oyuwamuthumire nga nindi?

6. . Musa angathokire athi erikangania indi kwenene Nyamuhanga amuthumire?

Ebibulyo eby’eryongerako:

1. Soma Eriluayo 3:1-22.

   Eky’erireberyako kya Musa kikathuha kithi eriyikethera indi n’omwa thwangayowa nga sithutholere eriberererya omubiiri wa Nyamuhanga, Yehova inyakendi thuwathikya? (Eri. 3:11, 13; 2 Kor. 3:5, 6)

2. Soma Eriluayo 4:1-20.

   1. Ebirengekanio bya Musa mubya hinduka bithi omwa birimo 40 abya ghunza e Midiani, kandi abakanza eribana esyanzunzo omwa kithunga bang’igha isomo ki omw’eki? (Eri. 2:11, 12; 4:10, 13; Mika 6:8; 1 Tim. 3:1, 6, 10)

   2. Yehova n’omw’angathuhana erilhabira omwa kithunga kiwe, ni yikethera muhanda ki erya thukabana omwa ky’erireberyako kya Musa? (Eri. 4:12-14; Esy. 103:14; Ebr. 12:4-11)

Olhughano 31

1. Ebithiko-thiko ebya Musa na Haruni bakolha mubyahamba bithi okw’Abaisraeli?

2. Musa na Haruni mubabwira Farao yaki, kandi Farao mwasubirya athiki?

3. Ngokwa kikanganibwe omwa kisasani, niki ekyabya kyabere Haruni akaghusa omutso wiwe w’ahisi?

4. Yehova mwakangirirya athi Farao y’erisomo, kandi Farao mwasubirya athi?

5. Ekyabya kyabere enyuma w’ekithiko-thiko ky’erikumi niki?

Ebibulyo eby’eryongerako:

1. Soma Eriluayo 4:27-31 na 5:1-23.

   Farao amanyisaya ki akabugha athi: ‘Singasi Yehova nahake’? (Eri. 5:2, NW; 1 Sam. 2:12; Abar. 1:21)

2. Soma Eriluayo 6:1-13, 26-30.

   1. Yehova mwathayiminyikalya oku Abrahamu, Isaka, na Yakobo omu nzira ki? (Eri. 3:13, 14; 6:3; Enz. 12:8)

   2. Thukayowa thuthi thukaminya indi Yehova mwalholya embere n’erikolesya Musa, nomwakine indi Musa mwayowa nga syatholere erikolha omubiiri owa bamuha? (Eri. 6:12, 30; Luka 21:13-15)

3. Soma Eriluayo 7:1-13.

   1. Musa na Haruni babere bayabwira Farao eritswera lya Yehova buthubaha, mubabya ky’erireberyako bathi eyiri abaghombe ba Nyamuhanga munabwire? (Eri. 7:2, 3, 6; Emib. 4:29-31)

   2. Yehova mwakangania athi obuthoki bwiwe okwa syanyamuhanga sye Misiri? (Eri. 7:12; 1 Emy. 29:12)

Olhughano 32

1. Erikolesya ebisasani ebikanganibwe hano, kanaya okwa bihunzo bisathu eby’erimbere ebya Yehova aletha okwa Misiri.

2. Habya embaghane ki ahakathi-kathi k’ebihunzo bisathu eby’erimbere n’ebindi bihunzo ebya kwamako?

3. Ebihunzo, ekya kani, n’ekya kathano, n’eky’omukagha ni byahi?

4. Kanaya okwa bihunzo, eky’irinda, n’eky’omunani, n’eky’omwenda.

5. Yehova mwabwira Abaisraeli athi bakole ki athalya letha ekihunzo eky’erikumi?

6. Ekihunzo eky’erikumi kyabya kya kyahi, kandi ekyabya kyabere enyuma wakyo niki?

Ebibulyo eby’eryongerako:

1. Soma Eriluayo 7:19–8:23.

   1. Nomwakine indi abahereri abe Misiri ab’obukumu mubathoka erikolha ebihunzo bibiri ebiri ng’ebya Yehova, mubakakwa erikirirya ki enyuma w’ekihunzo ekya kasathu? (Eri. 8:18, 19; Mt. 12:24-28)

   2. Ekihunzo ekya kani mukyakangania kithi obuthoki bwa Yehova eritheya abandu biwe, kandi eriminya eki kikaleka abandu ba Nyamuhanga ibayowa bathi bakayahika omwa ‘bulighe bunene’ obwa lhaghulhawa? (Eri. 8:22, 23; Erib. 7:13, 14; 2 Emy. 16:9)

2. Soma Eriluayo 8:24; 9:3, 6, 10, 11, 14, 16, 23-25; na 10:13-15, 21-23.

   1. Ni ndeko ki ibiri esyabya syakanganibwe n’Ebihunzo Ikumi, kandi eki kikahamba kithi okw’iyitheghererya lyethu ery’esyandeko esyo munabwire? (Eri. 8:10, 18, 19; 9:14)

   2. Eriluayo 9:16 akathuwathikaya athi eriyitheghererya ekikaleka Yehova inyaleka Sitani eribya inyakineho erihika munabwire? (Abar. 9:21, 22)

3. Soma Eriluayo 12:21-32.

   Erikyuruka mulyaletha lithi omulhamu okw’abangi, kandi Erikyuruka lyabya lika kangania ki? (Eri. 12:21-23; Yn. 1:29; Abar. 5:18, 19, 21; 1 Kor. 5:7)

Olhughano 33

1. Erilhusyako abakali n’abana, abalhume Abaisraeli abalhua e Misiri babya bangahi, kandi ababya baghendire nabu ni bahi?

2. Farao mwayowa athi abirilhwika Abaisraeli, kandi mwakolha ki?

3. Yehova mwakolha ki erikakirya abanya Misiri sibathanga-thanganaye abandu biwe erighenda?

4. Ekyabya kyabere niki Musa akasumbira omutso wiwe w’okwa Ngetse ey’Engulha, kandi Abaisraeli mubakolha ki?

5. Ekyabya kyabere okw’abanya Misiri niki bakanguha okw’Abaisraeli omwa ngetse?

6. Abaisraeli mubakangania bathi ngokwa bali n’etseme n’erisima Yehova ahabw’erilhamibwa lyabu?

Ebibulyo eby’eryongerako:

1. Soma Eriluayo 12:33-36.

   Yehova mwa kilhangira athi indi abandu biwe bathuhawe ebirimo byabu ebyosi ebya baghunza e Misiri ibane omwa bukobe? (Eri. 3:21, 22; 12:35, 36)

2. Soma Eriluayo 14:1-31.

   Ebinywe bya Musa ebisakangire omwa Eriluayo 14:13, 14, bihambire bithi okw’abaghombe ba Yehova munabwire abasamalire olhuhi olhukayasa olhwe Harmagedoni? (2 Emy. 20:17; Esy. 91:8)

3. Soma Eriluayo 15:1-8, 20, 21.

   1. ) Busana naki abaghombe ba Yehova batholere ibamupipa omwa syonyimbo? (Eri. 15:1, 2; Esy. 105:2, 3; Eri. 15:3, 4)

   2. Miriamu n’abandi bakali abapipa Yehova okwa Ngetse ey’Engulha, mubabya bathi eky’erireberyako okw’abakali Abakristayo munabwire? (Eri. 15:20, 21; Esy. 68:11)

Olhughano 34

1. Omwa kisasani abandu bakasonga-songaya okwa kithaka kwa ki, kandi kikahulhawa mwaki?

2. Musa akahereraya abandu b’ekiraghiro ki ekihambene n’erisongya amana?

3. Yehova akabwira abandu athi bakole ki okwa kiro eky’omukagha, kandi busana naki?

4. Yehova akakolha kithiko-thiko ki amana yabiribikwa erihika okwa kiro eky’irinda?

5. Yehova akalisaya abandu b’amana ahabw’omughulhu mungahi?

Ebibulyo eby’eryongerako:

1. Soma Eriluayo 16:1-36 na Emiganzo 11:7-9.

   1. Eriluayo 16:8 akathukanganaya ki erisikya abaka sombolhawa n’omulimu abuyirire erithwalha obusondoli omwa kithunga ky’Ekikrisitayo? (Ebr. 13:17)

   2. Omwa mbwarara, Abaisraeli babya bak’ibukibwa bathi buli kiro indi eribyaho lyabu liseghemere oku Yehova? (Eri. 16:14-16, 35; Ebi. 8:2, 3)

   3. Yesu mwabugha athi amana yik’imanira ki, kandi thukaghasirawa thuthi omwa ‘muggati owalhua elhubulha’? (Yn. 6:31-35, 40)

2. Soma Yosua 5:10-12.

   Abaisraeli mubalya amana habw’ebirimo bingahi, eki mukyabalengako kithi, kandi thuk’igha ki omwa mwatsi oyu? (Eri. 16:35; Emig. 11:4-6; 1 Kor. 10:10, 11)

Olhughano 35

1. Ihamathalhaba emikera ng’ibiri balhwire e Misiri, Abaisraeli bakalhalirira hayi?

2. Yehova akabugha athi anzire abandu ibakolha ki, kandi bakasubiraya bathi ki?

3. Ekikaleka Yehova inyaha Musa y’ebisayi bibiri eby’amabwe niki?

4. Erihako Ebiraghiro Ikumi, ni bindi bihano ki ebya Yehova akaha Abaisraeli?

5. Ni bihano ki ebibiri ebya Yesu Kristo abugha athi bya bikulhu?

Ebibulyo eby’eryongerako:

1. Soma Eriluayo 19:1-25; 20:1-21; 24:12-18; na 31:18.

   Ebinywe ebisakangire omwa Eriluayo 19:8 bikathuwathikaya bithi eriyitheghererya ekiri omw’iyihayo ery’Omukristayo? (Mt. 16:24; 1 Pet. 4:1-3)

2. Soma Eryibuka Ebihano 6:4-6; Abalawi 19:18; na Matayo 22:36-40.

   Abakristayo bakakanganaya bathi olhwanzo lhwabu oku Nyamuhanga n’abaliranwa babu? (Mk. 6:34; Emib. 4:20; Abar. 15:2)

Olhughano 36

1. Omwa kisasani, abandu bakakolha ki, kandi busana naki?

2. Busana naki Yehova ahithene, kandi Musa akakolha ki akalhangira eby’abandu bakakolha?

3. Musa akabwira abaghuma b’okw’abalhume athi bakole ki?

4. Olhughano lhuno lhutholere ilhwa thukangirirya isomo ki?

Ebibulyo eby’eryongerako:

1. Soma Eriluayo 32:1-35.

   1. Omwatsi oyu akakanganaya athi ebirengekanio bya Yehova okw’ithulhungania edini ey’amabehi n’eriramya ery’ekwenene? (Eri. 32:4-6, 10; 1 Kor. 10:7, 11)

   2. Abakristayo batholere ibayitheya bathi okwi sombolha emyatsi y’eriyitsemesya, ng’eriimba n’erihotholha? (Eri. 32:18, 19; Efe. 5:15, 16; 1 Yn. 2:15-17)

   3. Ekihanda eky’Abalawi mukyaha kithi eky’erireberyako kibuya omwi kangania erithunganene? (Eri. 32:25-28; Esy. 18:25)

Olhughano 37

1. Enyumba eyiri omwa kisasani yikahulhawa yithi, kandi bakakolera mwaki?

2. Ekyaleka Yehova inyabwira Musa athi akole ehema eyangana bolhobera erisambulha n’eriheka niki?

3. Esanduko eyiri omwa kisenge ekike ekiri okw’ighunzerera ly’ehema niki, kandi yiri mwaki?

4. Yehova akasombolha ndi eribya muhereri mukulhu, kandi omubiiri w’omuhereri mukulhu niki?

5. Thahulha ebindu bisathu ebiri omwa kisenge kinene?

6. Ni bindu ki ebibiri ebiri omwa buthalha bw’ehema ey’erihindaniramu, kandi bikakolesibawa bithi?

Ebibulyo eby’eryongerako:

1. Soma Eriluayo 25:8-40; 26:1-37; 27:1-8; na 28:1.

   Abakerubi ababya okwa ‘sanduko ey’endaghano ibak’imanira ki? (Eri. 25:20, 22; Emig. 7:89; 2 Bam. 19:15)

2. Soma Eriluayo 30:1-10, 17-21; 34:1, 2; na Abaebrania 9:1-5.

   1. Ekyaleka Yehova inyahira omuwathu w’okwa mubongo ow’obuyitsotse obw’omubiri okw’abahereri abakakolera omwa hema y’erihindaniramu niki, kandi eki kyanga thuhambako kithi munabwire? (Eri. 30:18-21; 40:30, 31; Ebr. 10:22)

   2. Omukwenda Paulo akakanganaya athi ngokwa ehema ey’erihindaniramu n’endaghano ey’Ebiraghiro byabya isibikikolha omwa buthuku asakangira enyawaliho yiwe y’Abakristayo Abaebrania? (Ebr. 9:1, 9; 10:1)

Olhughano 38

1. Niki ekya wukayitheghereraya okwa kikuthu eky’ebighuma ebiri omwa kisasani, kandi kyalhua hi?

2. Ekikaleka Musa inyathuma abalingi 12 omwa kihugho ekye Kanana niki?

3. Abalingi ikumi bakabya babirisuba eyiri Musa bakabugha bathiki?

4. Abalingi ababiri bakakanganaya bathi ngokwa bayikethere Yehova, kandi amena abu ni wahi?

5. Busana naki Yehova ahithene, kandi akabwira Musa yaki?

Ebibulyo eby’eryongerako:

1. Soma Emiganzo 13:1-33.

   1. Abasombolhawa eriyalinga ekihugho ni bahi, kandi babya bawithe omughisa ki? (Emig. 13:2, 3, 18-20)

   2. Ekyaleka ebirengekanio bya Yosua na Kalebu ebyabya bya mbaghane okwa by’abandi balingi niki, kandi eki kikathukangiriraya ki? (Emig. 13:28-30; Mt. 17:20; 2 Kor. 5:7)

2. Soma Emiganzo 14:1-38.

   1. Ni kunga ki erihambire okw’iyineghenia eyiri abimaniri ba Yehova abali okwa kihugho erya thutholere ithwayitheya ko? (Emig. 14:2, 3, 27; Mt. 25:40, 45; 1 Kor. 10:10)

   2. Emiganzo 14:24 akakanganaya athi ngoku Yehova akatsomana obuli mughombe wiwe? (1 Bam. 19:18; Emi. 15:3)

Olhughano 39

1. Abakayisamambulha okwa buthoki bwa Musa na Haruni ni bahi, kandi bakabwira Musa yaki?

2. Musa akabwira Kora n’abandu biwe 250 bakole ki?

3. Musa akabwira abandu baki, kandi niki ekikabya akanaghunza eribugha?

4. Ekikabya oku Kora n’abandu biwe 250 abakamusighika niki?

5. Mughalha wa Haruni ya Eleazari, akakolha emithaghalha y’omuliro ey’abandu abaholire mwaki, kandi busana naki?

6. Ekikaleka Yehova inyalhasya okw’omutso wa Haruni kw’ebimole niki? (Lebaya ekisasani.)

Ebibulyo eby’eryongerako:

1. Soma Emiganzo 16:1-49.

   1. Kora n’abandu biwe mubakolha ki, kandi busana naki ekindu eki kyabya ky’eriyisamambulha oku Yehova? (Emig. 16:9, 10, 18; Law. 10:1, 2; Emi. 11:2)

   2. Ni malengekania wahi awathahikire owa Kora ‘n’abasondoli’ 250 bakanganaya? (Emig. 16:1-3; Emi. 15:33; Isa. 49:7)

2. Soma Emiganzo 17:1-11 na 26:10.

   1. Omutso wa Haruni erilhasya ebimole kya manyisaya ki, kandi ekyaleka Yehova inyalhaghira athi abikawe embere sy’esanduko niki? (Emig. 17:5, 8, 10)

   2. Ni kindu ki ekikulhu ekya thwang’ighira okwa kiminyikalho ky’omutso wa Haruni? (Emig. 17:10; Emib. 20:28; Fil. 2:14; Ebr. 13:17)

Olhughano 40

1. Yehova akatsomana athi Abaisraeli ibane omwa mbwarara?

2. Abaisraeli bakayineghenaya bathiki balhalirira e Kadese?

3. Yehova akaha athi abandu n’ebisoro byabu by’amaghetse?

4. Omwa kisasani, omulhume oyukayikanganaya omunwe nindi, kandi akakolha athya busana naki?

5. Busana naki Yehova ahithene oku Musa na Haruni, kandi bakasuyirawa bathi?

6. Ekikabya okwa Kithwa Hori niki, kandi oyukabya muhereri mukulhu wa Israeli nindi?

Ebibulyo eby’eryongerako:

1. Soma Emiganzo 20:1-13, 22-29 na Eryibuka Ebihano 29:5.

   1. Thuk’igha ki omwanzira Yehova atsomaniramu Abaisraeli omwa mbwarara? (Ebi. 29:5; Mt. 6:31; Ebr. 13:5; Yak. 1:17)

   2. Erilemwa lya Musa na Haruni erihalhamba Yehova mwa mubuyirire embere sye Israeli, mukyalhangirika kithi embere sya Yehova? (Emig. 20:12; 1 Kor. 10:12; Erib. 4:11)

   3. Thwang’igha ki omwanzira eya Musa ayithwalhamu akabana erisuyira erialhua eyiri Yehova? (Emig. 12:3; 20:12, 27, 28; Ebi. 32:4; Ebr. 12:7-11)

Olhughano 41

1. Omwa kisasani, ekiyiringire okwa kikondo niki, kandi ekyaleka Yehova inyabwira Musa athi ahire yoko niki?

2. Abandu sibali sima bathi ebyosi ebya Nyamuhanga abiribakolera?

3. Abandu bakasaba Musa bathi akole ki enyuma wa Yehova erithuma esyanzoka esy’obusewa akabasuyira?

4. Ekikaleka Yehova inyabwira Musa athi akole enzoka y’omulinga niki?

5. Ni somo ki erya thwang’igha omwa lhughano lhuno?

Ebibulyo eby’eryongerako:

1. Soma Emiganzo 21:4-9.

   1. Eriyineghenia lye Israeli likathuha ikunga ki busana n’ebya Yehova akathuha? (Emig. 21:5, 6; Abar. 2:4)

   2. Omwa bighonye ebya kwamako, Abaisraeli mubakolesya bathi enzoka y’omulinga, n’Omwami Hezekia mwakolha ki? (Emig. 21:9; 2 Bam. 18:1-4)

2. Soma Yoane 3:14, 15.

   Erihira enzoka y’omulinga y’okwa kikondo, yakanganaya yithi erihanikwa lya Yesu Kristo? (Gal. 3:13; 1 Pet. 2:24)

Olhughano 42

1. Balaka nindi, kandi ekikaleka inyathumira Balama niki?

2. Ekikaleka epunda ya Balama iyayibuthika omwanzira niki?

3. . Balama akowa epunda yikabugha yithiki?

4. Malaika akabwira Balama yaki?

5. Ekikabya niki Balama akalengesya eritsuma e Israeli?

Ebibulyo eby’eryongerako:

1. Soma Emiganzo 21:21-35.

   Ekyaleka e Israeli iyakinda Omwami Sihoni ow’ab’Amori n’Omwami Ogi owa Basani niki? (Emig. 21:21, 23, 33, 34)

2. Soma Emiganzo 22:1-40.

   Ekighendererwa kya Balama eritsuma e Israeli kyabya niki, kandi thwanga lhusya mw’isomo ki? (Emig. 22:16, 17; Emi. 6:16, 18; 2 Pet. 2:15; Yuda 11)

3. Soma Emiganzo 23:1-30.

   Nomwakine indi Balama mwakania nga ni muramya wa Yehova, ebikorwa biwe mubyakangania bithi kwathe? (Emig. 23:3, 11-14; 1 Sam. 15:22)

4. Soma Emiganzo 24:1-25.

   Omwatsi oyu owali omwa Biblia, akawathaya athi erikirirya lyethu omw’ibererera ery’ekighendererwa kya Yehova? (Emig. 24:10; Isa. 54:17)

Olhughano 43

1. Omwa kisasani, abalhume babiri abimene na Musa ni bahi?

2. Yehova akabwira Yosua yaki?

3. Ekikaleka Musa inyahethukira okw’akasweswe k’Ekithwa Nebo niki, kandi Yehova akamubwira athiki?

4. Musa awithe birimo bingahi akaholha?

5. Busana naki abandu bali n’obulighe, aliriryo ni nzumwa yahi eyikaleka ibabya n’etseme?

Ebibulyo eby’eryongerako:

1. Soma Emiganzo 27:12-23.

   Ni mubiiri ki owalithohire owa Yehova aha Yosua, kandi Yehova eritsomana abandu biwe likakanganibawa lithi munabwire? (Emig. 27:15-19; Emib. 20:28; Ebr. 13:7)

2. Soma Eryibuka Ebihano 3:23-29.

   Ekyaleka Yehova inyathalighira Musa na Haruni erisokera omwa kihugho eky’endaghane niki, kandi thwang’igha isomo ki omw’eki? (Ebi. 3:25-27; Emig. 20:12, 13)

3. Soma Eryibuka Ebihano 31:1-8, 14-23.

   Ebinywe bya Musa akalhagha Israeli, bikakanganaya bithi ngokwa mw’ikirirya omwa bwolho erisuyira lya Yehova? (Ebi. 31:6-8, 23)

4. Soma Eryibuka Ebihano 32:45-52.

   Ekinywe kya Nyamuhanga kitholere ikyahamba kithi okwa syangebe syethu? (Ebi. 32:47; Law. 18:5; Ebr. 4:12)

5. . Soma Eryibuka Ebihano 34:1-12.

   Nomwakine indi Musa mwathalhangira Yehova okwa mubiri, Eryibuka Ebihano 34:10 akakanganaya athi engolangana yiwe na Yehova? (Eri. 33:11, 20; Emig. 12:8)

Olhughano 44

1. Rahabu ikere hayi?

2. Abalhume babiri abali omwa kisasani ni bahi, kandi busana naki bali e Yeriko?

3. Omwami we Yeriko akalhaghira athi Rahabu akole ki, kandi Rahabu akasubiraya athiki?

4. Rahabu akawathikaya athi abalhume babiri, kandi akasaba buwathikya ki?

5. Abalingi babiri bakalhaghanisaya Rahabu yaki?

Ebibulyo eby’eryongerako:

1. Soma Yosua 2:1-24.

   Erilhagha lya Yehova eriri omwa kitabu ky’Eriluayo 23:28, mulyabererera lithi omughulhu Abaisraeli basyalhwa ne Yeriko? (Yos. 2:9-11)

2. Soma Abaebrania 11:31.

   Eky’erireberyako kya Rahabu kikakanganaya kithi omubongo w’erikirirya? (Abar. 1:17; Ebr. 10:39; Yak. 2:25)

Olhughano 45

1. Ni kithiko-thiko ki ekya Yehova akakolha nuku Abaisraeli bangasoka Olhusi Yorodani?

2. Abaisraeli batholere ibakolha kikorwa ki eky’erikirirya imubasoka Olhusi Yorodani?

3. Ekikaleka Yehova inyabwira Yosua athi asongaye amabwe 12 omwa lhusi niki?

4. Abahereri bakabya banalhua omwa Yorodani, niki ekikabya?

Ebibulyo eby’eryongerako:

1. Soma Yosua 3:1-17.

   1. Ngokwa kikanganibwe omwa mwatsi oyu, thutholere ithwakolha ki nuku thwangabana obuwathikya n’omughisa wa Yehova? (Yos. 3:13, 15; Emi. 3:5; Yak. 2:22, 26)

   2. Olhusi Yorodani lhwabya omwa mibere ki omughulhu Abaisraeli basokera omwa Kihugho eky’Endaghane, kandi eki mukyahalhamba kithi erina lya Yehova? (Yos. 3:15; 4:18; Esy. 66:5-7)

2. Soma Yosua 4:1-18.

   Amabwe 12 awa songibawa omwa Yorodani n’erihimbwa e Gilgali, abya na kighendererwa ki? (Yos. 4:4-7)

Olhughano 46

1. Yehova akabwira abalhume abalhwi n’abahereri athi bakole ki ahabw’ebiro mukagha?

2. Abalhume batholere erikolha ki okwa kiro ky’irinda?

3. . Ngokwa wulhangire omwa kisasani, ekikahika okwa syombimbo sye Yeriko niki?

4. Busana naki omwidirisa mulerembire omughuha ow’engulha?

5. Yosua akabwira abalhwi athi bakole bathi abandu n’omuyi, aliriryo ibbwa, ebitsipa, esy’amaghetse, omulinga, n’ekyuma bikolhawe bithi?

6. Abalingi babiri bakabwirawa indi bakole ki?

Ebibulyo eby’eryongerako:

1. Soma Yosua 6:1-25.

   1. Erithimba ly’Abaisraeli okwa muyi we Yeriko okwa kiro ky’irinda lisosene lithi n’omubiiri w’erithulhughania engulhu ow’Abema ba Yehova omwa biro by’enyuma-nyuma bino? (Yos. 6:15, 16; Isa. 60:22; Mt. 24:14; 1 Kor. 9:16)

   2. Obuminyereri obusakangire omwa kitabu kya Yosua 6:26, mubwa bererera buthi omwa birimo nga 500 embere, kandi eki kikathukangiriraya ki okwa kinywe kya Yehova? (1 Bam. 16:34; Isa. 55:11)

Olhughano 47

1. Omwa kisasani, omulhume oyukatsika eby’obughuda ebiryalhua e Yeriko nindi, kandi abakamuwathikaya ni bahi?

2. Busana naki ekikorwa kya Akana n’erihiika liwe ni kibi kutsibu?

3. Yehova akabugha athiki omughulhu Yosua akabulhaya ekyalekire Abaisraeli ibasingwa omwa lhuhi mwe Ai?

4. Akana n’erihiika liwe bakabya babiri lethwa eyiri Yosua, ekika bahikako niki?

5. Ni somo ki ery’omubongo erya thuk’ighira omwi tswerwa lya Akana?

Ebibulyo eby’eryongerako:

1. Soma Yosua 7:1-26.

   1. Omusabe wa Yosua mwakangania athi engolangana yiwe eyiri ahakathi-kathi kiwe n’Omuhangiki? (Yos. 7:7-9; Esy. 119:145; 1 Yn. 5:14)

   2. Eky’erireberyako kya Akana kikakanganaya ki, kandi eki kikathukunga kithi? (Yos. 7:11, 14, 15; Emi. 15:3; 1 Tim. 5:24; Ebr. 4:13)

2. Soma Yosua 8:1-29.

   Ni lhukwamirwa ki olhwa buli mundu awithe omwa kithunga eky’Ekikrisitayo munabwire? (Yos. 7:13; Law. 5:1; Emi. 28:13)

Olhughano 48

1. Abandu be Gibeoni ni bambaghane bathi okw’abanya Kanana abali omwa miyi ya hakuhi?

2. Ngokwa kikanganibwe omwa kisasani, Abagibeoni bakakolha ki, kandi busana naki?

3. Yosua n’abasondoli Abaisraeli bakalhaghanisaya Abagibeoni baki, aliriryo enyuma w’ebiro bisathu bakaminya ki?

4. Abami ab’omwa yindi miyi bakabya bowa indi Abagibeoni babiri rondekania obuholho n’Abaisraeli, niki ekikabya?

Ebibulyo eby’eryongerako:

1. Soma Yosua 9:1-27.

   1. Kundi Yehova abya inyabiri lhaghira erihanga lya Israeli ‘erihwerekererya esyandulhani syosi esye kihugho,’ iyo erilhamya Abagibeoni mulya kangania mibere ki? (Yos. 9:22, 24; Mt. 9:13; Emib. 10:34, 35; 2 Pet. 3:9)

   2. Omwi berererya endaghane eya kolha n’Abagibeoni, Yosua mwakangania eky’erireberyako ki kibuya eyiri Abakristayo munabwire? (Yos. 9:18, 19; Mt. 5:37; Efe. 4:25)

2. Soma Yosua 10:1-5.

   Endeko nene munabwire yika gherereraya yithi Abagibeoni, n’eki kikaleka ibahika kwaki? (Yos. 10:4; Zek. 8:23; Mt. 25:35-40; Erib. 12:17)

Olhughano 49

1. Omwa kisasani, Yosua akabugha athiki, kandi busana naki?

2. Yehova akawathikaya athi Yosua n’abalhume biwe abalhwi?

3. Yosua akasinga abami bangahi, kandi kikathwalha mughulhu mungahi?

4. Ekikaleka Yosua inyaghaba ekihugho kye Kanana niki?

5. Yosua awithe birimo bingahi akaholha, kandi ekikabya okw’abandu enyuma waho niki?

Ebibulyo eby’eryongerako:

1. Soma Yosua 10:6-15.

   Eriminya thuthi Yehova mw’imania eryuba n’omwezi okw’Abaisraeli, thuwithe eriyikethera ki munabwire? (Yos. 10:8, 10, 12, 13; Esy. 18:3; Emi. 18:10)

2. Soma Yosua 12:7-24.

   Oyuwabya n’olhukwamirwa olhw’erikinda abami 31 abe Kanana nindi, kandi busana naki eki ni kikulhu okw’ithwe munabwire? (Yos. 12:7; 24:11-13; Ebi. 31:8; Luka 21:9, 25-28)

3. Soma Yosua 14:1-5.

   Ekihugho mukyaghabwa kithi okwa bihanda bye Israeli, kandi eki kikakanganaya ki erikwamana n’emyandu omwa Paradiso? (Yos. 14:2; Isa. 65:21; Eze. 47:21-23; 1 Kor. 14:33)

4. Soma Abatsweri 2:8-13.

   Nga Yosua e Israeli, ni bahi munabwire abaka kakiraya engangirirya ey’amabehi? (Abat. 2:8, 10, 11; Mt. 24:45-47; 2 Tes. 2:3-6; Tito 1:7-9; Erib. 1:1; 2:1, 2)

Olhughano 50

1. Abatsweri ni bahi, kandi amena w’abaghuma b’okw’ibo ni ahi?

2. Debora awithe lhusunzo ki olhw’embaghane, kandi eki kikamanyisayaki?

3. Omwami Yabini n’omukulhu w’abasirikali biwe ya Sisera, bakabya bubahisya e Israeli, ni mwatsi ki owakalhua eyiri Yehova owa Debora akaha Omutsweri Baraka, kandi akabugha athi nindi oyukendi simwa?

4. Yaeli akakanganaya athi ngokwa ni mukali oyuthubaha?

5. Omwami Yabini akabya abiriholha, niki ekikabya?

Ebibulyo eby’eryongerako:

1. Soma Abatsweri 2:14-22.

   Abaisraeli mubayirethera bathi erihithana lya Yehova, kandi thwang’igha ki omw’eki? (Abat. 2:20; Emi. 3:1, 2; Eze. 18:21-23)

2. Soma Abatsweri 4:1-24.

   N’igha ki erihambene n’erikirirya n’obuthubaha ery’abakali Abakristayo abamunabwire bang’ighira okwa by’erireberyako bya Debora na Yaeli? (Abat. 4:4, 8, 9, 14, 21, 22; Emi. 31:30; 1 Kor. 16:13)

3. Soma Abatsweri 5:1-31.

   Olhwimbo olhwa Baraka na Debora olhw’erisingura lhwanga linganisibwa lhuthi n’omusabe ow’ahambene n’olhuhi olhukasa okwa Harmagedoni? (Abat. 5:3, 31; 1 Emy. 16:8-10; Erib. 7:9, 10; 16:16; 19:19-21)

Olhughano 51

1. Naomi akahika athi omwa kihugho kye Moabu?

2. Ruta na Oripa ni bahi?

3. Naomi akabya abwira Ruta na Oripa athi basube eyiri abandu babu, obuli mughuma akasubiraya athi?

4. Boazi nindi, kandi akawathikaya athi Ruta na Naomi?

5. Omwana Boazi na Ruta babutha yandi, kandi busana naki thutholere ithwa mw’ibuka?

Ebibulyo eby’eryongerako:

1. Soma Ruta 1:1-17.

   1. Olhwanzo olhuthaleghulha olhuwene olhwa Ruta akanganaya ni lhwahi? (Ruta 1:16, 17)

   2. Ebirengekanio bibuya ebya Ruta akanganaya bikakanganaya bithi emibere “ey’esindi mbuli” okw’abahakabibwa abali okwa kihugho munabwire? (Yn. 10:16; Zek. 8:23)

2. Soma Ruta 2:1-23.

   Ruta akabya athi ky’erireberyako okw’abambesa munabwere? (Ruta 2:17, 18; Emi. 23:22; 31:15)

3. Soma Ruta 3:5-13.

   1. Boazi mwalhangira athi erianza lya Ruta erithahibwa nayu kwilhaba erithahibwa n’omulhume mulere?

   2. Emibere ya Ruta yikathukangiriraya ki okwa lhwanzo olhuthaleghulha? (Ruta 3:10; 1 Kor. 13:4, 5)

4. Soma Ruta 4:7-17.

   Abalhume Abakristayo munabwire bangabya bathi nga Boazi? (Ruta 4:9, 10; 1 Tim. 3:1, 12, 13; 5:8)

Olhughano 52

1. Busana naki Abaisraeli bali omwa butsibu bungi, kandi bathi?

2. Ekikaleka Yehova inyabwira Gideoni athi awithe abasirikali bangi niki?

3. Gideoni akabya abiri bwira abalhume abakwire obuba athi basube ewabu, akasighalha na bangahi?

4. Omwa kisasani, soborera Yehova ngokw’akakehaya omughanzo w’abasirikali ba Gideoni erisighalha 300 bisa.

5. Gideoni akathegheka athi abalhume biwe 300, kandi e Israeli yikasinga yithi amalhwa?

Ebibulyo eby’eryongerako:

1. Soma Abatsweri 6:36-40.

   1. Gideoni mwalenga athi erisonda lya Yehova?

   2. Munabwire thukaminya thuthi erisonda lya Yehova? (Emi. 2:3-6; Mt. 7:7-11; 2 Tim. 3:16, 17)

2. Soma Abatsweri 7:1-25.

   1. Ni somo ki erya thuk’ighira okw’abalhume 300 abasighalha ibana yitheghirye abathabya ng’abo abakanganaya obutha tsomana? (Abat. 7:3, 6; Abar. 13:11, 12; Efe. 5:15-17)

   2. Nga 300 kwa b’ighira okw’isamalira Gideoni, thuk’ighira thuthi okw’isamalira Gideoni Mukulhu, Yesu Kristo? (Abat. 7:17; Mt. 11:29, 30; 28:19, 20; 1 Pet. 2:21)

   3. Abatsweri 7:21 akathuwathikaya athi eritsemera ahathukahebawa erikolera omwa kithunga kya Yehova? (1 Kor. 4:2; 12:14-18; Yak. 4:10)

3. Soma Abatsweri 8:1-3.

   Thukabya thwamahika okwa butha yitheghererania ahakathi-kathi ka balikyethu, thwang’ighira ki oku Gideoni emibere aghunzira mw’obutsibu n’Abaefuraimu? (Emi. 15:1; Mt. 5:23, 24; Luka 9:48)

Olhughano 53

1. Yefuta nindi, abyaho omwa buthuku bwahi?

2. Yefuta akalhaghanisaya Yehova yaki?

3. Ekikaleka Yefuta inyakwa obulighe omughulhu akasuba eka akalhua okw’isinga ab’Amoni niki?

4. Mwali wa Yefuta akabugha athiki abiriminya ngoku thatha wiwe abirikolha erilhaghana?

5. . Ekikaleka abandu ibanza mwali wa Yefuta niki?

Ebibulyo eby’eryongerako:

1. Soma Abatsweri 10:6-18.

   Ni kunga ki erya thutholere ithwowa erihambire okwa myatsi eyisakangire eyikakanaya okwi leghulha ery’Abaisraeli oku Yehova? (Abat. 10:6, 15, 16; Abar. 15:4; Erib. 2:10)

2. Soma Abatsweri 11:1-11, 29-40.

   1. Thukaminya thuthi ngoku Yefuta eriha mwali wiwe “ng’obuhere bw’eriokererya” mwakithamanyisya erimuhongera okw’omuliro ng’obuhere bw’omundu? (Abat. 11:31; Law. 16:24; Ebi. 18:10, 12)

   2. Yefuta mwahonga mwali wiwe y’athi ng’obuhere?

   3. Emibere ya Yefuta okw’ilhahirya liwe eyiri Yehova thuk’igha mwaki? (Abat. 11:35, 39; Omu. 5:4, 5; Mt. 16:24)

   4. Mwali wa Yefuta ni ky’erireberyako kithi kibuya okw’Abakristayo abakiri balere abakanza eribya abakakolera Yehova mughulhu wosi? (Abat. 11:36; Mt. 6:33; Fil. 3:8)

Olhughano 54

1. Omulhume ow’akaghalha kanene oyuwabiri thabyaho, erina liwe yandi, n’oyuwamuha akaghalha ako nindi?

2. Kiro kighuma, Samusoni akakolha athi endale enene, ngokwa wunalhangire omwa kisasani?

3. Omwa kisasani, ni mbitha ki eya Samusoni akabwira Delila, n’eki kikaleka kithi inyahambwa n’Abafilisitini?

4. Samusoni ak’itha athi Abafilisitini esyanzighu 3,000 okwa kiro aholha?

Ebibulyo eby’eryongerako:

1. Soma Abatsweri 13:1-14.

   Manoa na mukali wiwe bakaha bathi ky’erireberyako kibuya okw’ababuthi omughulhu bakalembera abana babu? (Abat. 13:8; Esy. 127:3; Efe. 6:4)

2. . Soma Abatsweri 14:5-9 na 15:9-16.

   1. Emyatsi ya Samusoni eritha endale, eritsutsanga emighuha eyimubohire, n’erikolesya olhuseya olhw’epunda ey’obulhume eritha abalhume 1,000 yikakanganaya yithi erikolha ery’omulimu abuyirire wa Yehova?

   2. Omulimu abuyirire akathuwathikaya athi munabwire? (Abat. 14:6; 15:14; Zek. 4:6; Emib. 4:31)

3. Soma Abatsweri 16:18-31.

   Amanywani mabi mwahamba athi oku Samusoni, nethu thuk’igha ki omw’eki? (Abat. 16:18, 19; 1 Kor. 15:33)

Olhughano 55

1. Omulhwana mulere oyuli omwa kisasani, erina liwe yandi, n’abali nayu ni bahi?

2. Ni musabe ki owa Hana akasaba omughulhu akaghenda omwa hema ya Yehova ey’erihindaniramu, kandi Yehova akamusubiraya athi?

3. . Samweli awithe birimo bingahi bakamuthwalha eriyakolera omwa hema ya Yehova, kandi mama wiwe akamukolera ki buli kirimo?

4. Amena w’abaghalha ba Eli ni ahi, kandi ni bandu abasosire bathi?

5. Yehova akabirikira athi Samweli, kandi ni mwatsi ki ow’akamuha?

6. Samweli akabya abirikulha akabya ki, kandi akabya abiribya musyakulhu, ekikabya niki?

Ebibulyo eby’eryongerako:

1. Soma 1 Samweli 1:1-28.

   1. Ni ky’erireberyako ki kibuya ekya Elkana akaha abakulhu b’eka omughulhu bakathwalha obusondoli bw’omw’iramya ery’ekwenene? (1 Sam. 1:3, 21; Mt. 6:33; Fil. 1:10)

   2. Ni somo ki erya thwang’igha omwa ky’erireberyako kya Hana omughulhu thwangabana ebitsibu ebikalire? (1 Sam. 1:10, 11; Esy. 55:22; Abar. 12:12)

2. Soma 1 Samweli 2:11-36.

   Eli mwasikya athi baghalha biwe kwilhaba Yehova, n’eki kyangabya kithi ikunga eyathuli? (1 Sam. 2:22-24, 27, 29; Ebi. 21:18-21; Mt. 10:36, 37)

3. Soma 1 Samweli 4:16-18.

   Ni mwatsi ki ow’obulighe owali mw’ebitsweka bbini owakalhua eyabakalhwira olhuhi, kandi akahamba athi oku Eli?

4. Soma 1 Samweli 8:4-9.

E Israeli muyahithania yithi Yehova, kandi thwanga sighika thuthi Obwami omwa buthaleghulha munabwire? (1 Sam. 8:5, 7; Yn. 17:16; Yak. 4:4)

Olhughano 56

1. Omwa kisasani, Samweli akakolha ki, kandi busana naki?

2. Ekikaleka Yehova inyanza Saulo niki, kandi ni mulhume asosire athi?

3. Erina lya mughalha wa Saulo yandi, kandi mughalha wiwe akakolha ki?

4. Ekikaleka Saulo inyaha obuhere omwa mwanya w’erilinda Samweli akakolha kyo niki?

5. Thuk’igha isomo ki omwa mwatsi awahambire oku Saulo?

Ebibulyo eby’eryongerako:

1. Soma 1 Samweli 9:15-21 na 10:17-27.

   Emibere ya Saulo ey’eriyibombeka muya muwathikya yithi erithendi anguha erikolha kindu kibi omughulhu abalhume bamubwira ebinywe by’erithendi muha kitsumbi? (1 Sam. 9:21; 10:21, 22, 27; Emi. 17:27)

2. Soma 1 Samweli 13:5-14.

   Saulo mwakolha kibi ki e Gilgali? (1 Sam. 10:8; 13:8, 9, 13)

3. Soma 1 Samweli 15:1-35.

   1. Ni kibi ki ekikalire ekya Saulo akolha ekihambangene na Agagi, omwami we Amaleki? (1 Sam. 15:2, 3, 8, 9, 22)

   2. Saulo mwalengesya eryuwanirirya athi ebikorwa biwe n’eriyiha kw’ekihemu? (1 Sam. 15:24)

   3. Ni kunga ki erya thutholere ithwowa omughulhu thukahanawa? (1 Sam. 15:19-21; Esy. 141:5; Emi. 9:8, 9; 11:2)

Olhughano 57

1. Omulhwana oyuli omwa kisasani yandi, kandi thukaminya thuthi ngokwa ni mbangi?

2. Dawudi ikere hayi, n’amena wa thatha wiwe na sukulhu wiwe ni ahi?

3. Ekikaleka Yehova inyabwira Samweli athi aghende okwa nyumba ya Yese e Betelehemu niki?

4. Yese akabya aletha baghalha biwe irinda eyiri Samweli, ekikabya niki?

5. Bakabya baletha Dawudi, Yehova akabwira Samweli yaki?

Ebibulyo eby’eryongerako:

1. Soma 1 Samweli 17:34, 35.

   Ebyabya ebi bikakanganaya bithi obuthubaha bwa Dawudi n’eriyeghemerya Yehova? (1 Sam. 17:37)

2. Soma 1 Samweli 16:1-14.

   1. Ebinywe bya Yehova ebiri omu 1 Samweli 16:7 bikathuwathikaya bithi erithendibya n’akasolholho n’eriyihighulha okw’itswera omundu ngokw’alhangirikire okwa mubiri? (Emib. 10:34, 35; 1 Tim. 2:4)

   2. Eky’erireberyako kya Saulo kikakanganaya kithi ngokwa omughulhu Yehova anga lhusya omulimu abuyirire wiwe w’okwa mundu, inyanganasa kw’omulimu omubi, kutse engumbu ey’erikolha ebibi? (1 Sam. 16:14; Mt. 12:43-45; Gal. 5:16)

Olhughano 58

1. Goliata mwapuma athi abasirikali be Israeli?

2. Goliata ni mungahi, kandi ni kihembo ki eky’Omwami Saulo akalhaghanisaya omundu oyuwang’itha Goliata?

3. Dawudi akabugha athiki Saulo abirimubwira athi syangathoka erilhwa na Goliata kusangwa Dawudi ni mulhwana?

4. Akasubirya Goliata, Dawudi akakanganaya athi eriyikethera liwe omu Yehova?

5. Ngokwa wunalhangire omwa kisasani, Dawudi akakolesaya ki eritha Goliata, kandi niki ekikabya okw’Abafilisitini enyuma w’eki?

Ebibulyo eby’eryongerako:

1. Soma 1 Samweli 17:1-54.

   1. Embiitha eyiri enyuma w’erithendi ubaha lya Dawudi niki, kandi thwanga gherererya thuthi obuthubaha bwiwe? (1 Sam. 17:37, 45; Efe. 6:10, 11)

   2. Busana naki Abakristayo batholere ibayihighulha okwa kirimu eky’amalingwatha ng’ekya Goliata omughulhu bali omwa misathu kutse eby’eriyitsemesya? (1 Sam. 17:8; Gal. 5:26; 1 Tim. 4:8)

   3. Ebinywe bya Dawudi bikakanganaya bithi indi abya awithe erikirirya omwa buwathikya bwa Nyamuhanga? (1 Sam. 17:45-47; 2 Emy. 20:15)

   4. Omwa mwanya w’erikwama kya kania okwa mahe abiri aw’akalhwa, omwatsi ono akakanganaya athi ngoku kwenene amalhwa abya ahakathi-kathi k’esyanyamuhanga esy’amabehi na Nyamuhanga ow’ekwenene, Yehova? (1 Sam. 17:43, 46, 47)

   5. Emisighalira ey’abahakabibwa yika gherereraya yithi eky’erireberyako kya Dawudi omwi yikethera Yehova? (1 Sam. 17:37; Yer. 1:17-19; Erib. 12:17)

Olhughano 59

1. Busana naki Saulo akwire erihali oku Dawudi, aliriryo mughalha wa Saulo ya Yonatana ni wambaghane athi?

2. Kiro kighuma Dawudi akabya anamuwathira Saulo y’enanga, ekikabya niki?

3. Saulo akabwira Dawudi athi atholere inyatsuka erikolha ki imwathwalha mwali wiwe ya Mikali nga mukali wiwe, kandi ekikaleka Saulo inyabugha eki niki?

4. Ngokwa ekisasani kikakanganaya, Dawudi akabya awathira Saulo y’enanga, niki ekikabya omurundi owakasathu?

5. Mikali akawathikaya athi erilhamya engebe ya Dawudi, kandi Dawudi atholere inyakolha ki ahabw’ebirimo irinda?

Ebibulyo eby’eryongerako:

1. Soma 1 Samweli 18:1-30.

   1. Olhwanzo olhuthe thwika olhwabya ahakathi-kathi ka Dawudi na Yonatana lhuka kanganaya lhuthi olhwanzo olhuli ahakathi-kathi “k’esindi mbuli” “n’endeko nge”? (1 Sam. 18:1; Yn. 10:16; Luka 12:32; Zek. 8:23)

   2. Nomwakine indi Yonatana yuwangabere muwetwa wa Saulo, 1 Samweli 18:4 akakanganaya athi erisikya erilhabirirye erya Yonatana awithe okw’omwami oyuwasombolhawa?

   3. Eky’erireberyako kya Saulo kikakanganaya kithi ngokwa erihali lyangana kolya okwa kibi kinene, kandi eki kikathukunga kithi? (1 Sam. 18:7-9, 25; Yak. 3:14-16)

2. Soma 1 Samweli 19:1-17.

   Abere akabandana Saulo, Yonatana mwahira athi engebe yiwe y’omwa kabi? (1Sam. 19:1, 4-6; Emi. 16:14)

Olhughano 60

1. Erina ly’omukali oyuka syasanga-sangana Dawudi omwa kisasani yandi, kandi ni mundu ali athi?

2. Nabali nindi?

3. Ekikaleka Dawudi inyathuma abaghuma b’okwa balhume biwe eriyasaba Nabali y’obuwathikya niki?

4. Nabali akabwira abalhume ba Dawudi baki, kandi Dawudi akasubiraya athi?

5. Abigaili akakanganaya athi ngokwa ni mukali w’amenge?

Ebibulyo eby’eryongerako:

1. Soma 1 Samweli 22:1-4.

   Erihiika lya Dawudi mulyabya lithi ky’erireberyako kibuya ngokwa thutholere ithwa wathikania omwa kithunga eky’Ekikrisitayo? (Emi. 17:17; 1 Tes. 5:14)

2. Soma 1 Samweli 25:1-43.

   1. Busana naki Nabali akakanibawa kwa nabi? (1 Sam. 25:2-5, 10, 14, 21, 25)

   2. Abakali Abakristayo abamunabwire bang’igha ki okwa ky’erireberyako kya Abigaili? (1 Sam. 25:32, 33; Emi. 31:26; Efe. 5:24)

   3. Abigaili mwakakirya Dawudi okw’ikolha bindu ki ebibiri ebibi? (1 Sam. 25:31, 33; Abar. 12:19; Efe. 4:26)

   4. Erisubirya lya Dawudi okwa binywe bya Abigaili, likawathikaya lithi abalhume erilhangira abakali ngoku Yehova akabalhangira? (Emib. 21:8, 9; Abar. 2:11; 1 Pet. 3:7)

Olhughano 61

1. Saulo abere anaghotsere omwa kilhaliriro kiwe, Dawudi na Abisai mubakolha ki?

2. Ni bibulyo ki ebya Dawudi akabulhaya Saulo?

3. Akabya abirisigha Saulo, Dawudi akaya hayi?

4. Ekikitha Dawudi ya bulighe niki, erimuhikya okwi sakanga olhwimbo olhuwene?

5. Dawudi ni wa birimo bingahi akayirwa mwa mwami e Heburoni, n’amena w’okwa baghuma b’okw’abaghalha biwe ni ahi?

6. Dawudi akathasya thabalira hayi ng’omwami?

Ebibulyo eby’eryongerako:

1. Soma 1 Samweli 26:1-25.

   1. Ebinywe bya Dawudi ebiri omu 1 Samweli 26:11 bikakanganaya eribya na mubere ki okwa buyithondeke obwe kitiokrasi? (Esy. 37:7; Abar. 13:2)

   2. Thwama hiraho akaghalha erikangania olhwanzo olhuthaleghulha neryo abandi bakathendi thusima, ebinywe bya Dawudi ebiri omu 1 Samweli 26:23 byanga thuwathikya bithi eribya n’ebirengekanio ebyuwene? (1 Bam. 8:32; Esy. 18:20)

2. Soma 2 Samweli 1:26.

   Abakristayo munabwire banga kulha-kulhania bathi olhwanzo ‘olhw’erianzana kutsibu’ olhuli ng’olhwa Dawudi na Yonatana babya nalhu? (1 Pet. 4:8; Kol. 3:14; 1 Yn. 4:12)

3. Soma 2 Samweli 5:1-10.

   1. Dawudi mwathabalha ahabw’ebirimo bingahi ng’omwami, kandi obuthuku obu bughabirwe buthi? (2 Sam. 5:4, 5)

   2. Obukulhu bwa Dawudi buli busana naki, kandi eki kika thw’ibukaya ki munabwire? (2 Sam. 5:10; 1 Sam. 16:13; 1 Kor. 1:31; Fil. 4:13)

Olhughano 62

1. Busana n’obuwathikya bwa Yehova, erighunzerera niki ekikabya okwa kihugho kye Kanana?

2. Erigholho-gholho ighuma Dawudi ane okwa lhuthwe lhw’ekikali kiwe, ekikabya niki?

3. Busana naki Yehova ahithene kutsibu oku Dawudi?

4. Omwa kisasani, Yehova akathuma ndi eriyabwira Dawudi y’ebibi biwe, kandi omulhume oyo akabwira Dawudi athi ekikendi muhikako niki?

5. Dawudi awithe kitsibu ki?

6. Nindi oyukabya mwami we Israeli enyuma wa Dawudi?

Ebibulyo eby’eryongerako:

1. Soma 2 Samweli 11:1-27.

   1. Erisurusutha omwa mubiiri wa Yehova, ni butheya buthi eyathuli?

   2. Dawudi mwawa athi omwa kibi, kandi eki kikakunga kithi abaghombe ba Yehova munabwire? (2 Sam. 11:2; Mt. 5:27-29; 1 Kor. 10:12; Yak. 1:14, 15)

2. Soma 2 Samweli 12:1-18.

   1. Abasyakulhu b’ekithunga n’ababuthi bang’igha isomo ki erilhua okwa mibere ya Nasani ahikira oku Dawudi akaya mukangania erilholho liwe? (2 Sam. 12:1-4; Emi. 12:18; Mt. 13:34)

   2. Ekyaleka Yehova inya ghanyira Dawudi niki? (2 Sam. 12:13; Esy. 32:5; 2 Kor. 7:9, 10)

Olhughano 63

1. Yehova akabulhaya Solomona yaki, kandi akasubiraya athi?

2. Kusangwa amatsemera erisaba lya Solomona, Yehova akalhaghanisaya erimuha ki?

3. Ni kitsibu ki ekikalire eky’abakali babiri bakalethera Solomona?

4. Ngokwa wanamalhangira omwa kisasani, Solomona akaghunza athi ekitsibu eki?

5. Obuthabale bwa Solomona buli buthi, kandi busana naki?

Ebibulyo eby’eryongerako:

1. Soma 1 Abami 3:3-28.

   1. Abalhume abakahebawa olhukwamirwa omwa kithunga kya Nyamuhanga munabwire, bang’igha ki okwa binywe ebyalhua omwa muthima wa Solomona ebiri omwa kitabu ekya 1 Abami 3:7? (Esy. 119:105; Emi. 3:5, 6)

   2. Erisaba lya Solomona ni ky’erireberyako kibuya kithi okwa bindu ebya thutholere erisaba? (1 Bam. 3:9, 11; Emi. 30:8, 9; 1 Yn. 5:14)

   3. Solomona erighunzaho obutsibu obuli ahakathi-kathi k’abakali babiri, kikathuha iyikethera ki omwa buthabale obukayasa obwa Solomona Mukulhu, ya Yesu Kristo? (1 Bam. 3:28; Isa. 9:6, 7; 11:2-4)

2. Soma 1 Abami 4:29-34.

   1. Yehova mwasubirya athi erisaba lya Solomona ery’omuthima ow’eriowa? (1 Bam. 4:29)

   2. Erilhangira akaghalha abandu bahira okw’ihulikirira obwenge bwa Solomona, thutholere ithwabya na mibere ki okw’igha Ekinywe kya Nyamuhanga? (1 Bam. 4:29, 34; Yn. 17:3; 2 Tim. 3:16)

Olhughano 64

1. Kikathwalira Solomona ya buthuku bungahi erighunza erihimba e hekalu ya Yehova, kandi busana naki yikahwera kwa mbulho nyingi?

2. Omwa hekalu muli bisenge bingahi ebikulhu-bikulhu, kandi omwa k’ekisenge eky’omwakathi-kathi mukahirawa ki?

3. Solomona akabugha athiki omwa musabe wiwe e hekalu yabirihwa erihimbwa?

4. Yehova akakanganaya athi ngokw’amatsemera omusabe wa Solomona?

5. Abakali ba Solomona bakaleka inyakolha ki, n’ekikabya oku Solomona niki?

6. Ekikaleka Yehova inyahithana oku Solomona niki, kandi Yehova akamubwira ki?

Ebibulyo eby’eryongerako:

1. Soma 1 Emyatsi y’Emigulu 28:9, 10.

   Erikwamana n’ebinywe bya Dawudi ebisakangire omwa kitabu ekye 1 Emyatsi y’Emigulu 28:9, 10, thutholere ithwa lengesya erikolha ki mughulhu wosi omwa syangebe syethu? (Esy. 19:14; Fil. 4:8, 9)

2. Soma 1 Emyatsi y’Emigulu 6:12-21, 32-42.

   1. Solomona mwakangania athi ngokwa sihali enyumba eyihimbirwe n’omundu eya Nyamuhanga ow’Endatha Kutsibu ang’ikalhamo? (2 Emy. 6:18; Emib. 17:24, 25)

   2. Ebinywe bya Solomona ebiri omwa kitabu kye 2 Emyatsi y’Emigulu 6:32, 33 bikakanganaya ki oku Yehova? (Emib. 10:34, 35; Gal. 2:6)

3. Soma 2 Emyatsi y’Emigulu 7:1-5.

   Ngokw’Abaisraeli basukumawa eripipa Yehova bakalhangira olhukengerwa lhwiwe, nethu munabwire thwanga hambwa ko thuthi thukaghanirya okwa mighisa ya Yehova okw’abandu biwe? (2 Emy. 7:3; Esy. 22:22; 34:1; 96:2)

4. Soma 1 Abami 11:9-13.

   Engebe ya Solomona yikakanganaya yithi omubongo w’erisighalha buthaleghulha erihika okwa nduli? (1 Bam. 11:4, 9; Mt. 10:22; Erib. 2:10)

Olhughano 65

1. Abalhume babiri abali omwa kisasani, amena abu ni ahi, kandi ni bahi?

2. Ahiya akakolha athi ekanzu ey’ambithe, n’ekikorwa ekyo kikamanyisaya ki?

3. Solomona akalengesaya erikolera Yeroboamu yaki?

4. Ekikaleka abandu ibakolha Yeroboamu mw’omwami w’ebihanda ikumi niki?

5. Ekikaleka Yeroboamu inyakolha esya nyana ibiri sy’esy’amaghetse niki, n’enyuma waho ekihugho kikabya kithi?

6. Ekikabya okw’obwami bw’ebihanda bibiri n’ehekalu ya Yehova eyiri e Yerusalemu niki?

Ebibulyo eby’eryongerako:

1. Soma 1 Abami 11:26-43.

   Yeroboamu abya mundu asosire athi, kandi Yehova mwa mulhaghanisya ki kwatheya ebihano biwe? (1 Bam. 11:28, 38)

2. . Soma 1 Abami 12:1-33.

   1. Erilhua okwa ky’erireberyako kibi kya Rehoboamu, ababuthi n’abasyakulhu b’ekithunga bang’igha ki okw’ikolesya obuthoki bwa nabi? (1 Bam. 12:13; Omu. 7:7; 1 Pet. 5:2, 3)

   2. Eminyetho munabwire yitholere eya kwama obusondoli bwa ndi omughulhu bangabya n’erithwamu omwa syangebe syabu? (1 Bam. 12:6, 7; Emi. 1:8, 9; 2 Tim. 3:16, 17; Ebr. 13:7)

   3. Ekya sukuma Yeroboamu erikolha ebitsweka bibiri eby’eriramirya mw’esya nyana ibiri esy’esy’amaghetse niki, kandi eki mukyakangania kithi erithendibya n’erikirirya omu Yehova? (1 Bam. 11:37; 12:26-28)

   4. Oyuwaleka abandu ab’omwa bwami bw’ebihanda bibiri ibayisamambulha okw’iramya ery’ekwenene nindi? (1 Bam. 12:32, 33)

Olhughano 66

1. Yezebeli nindi?

2. Kiro kighuma, ekikaleka Omwami Ahabu inya susumana niki?

3. Yezebeli akakolha ki erihererya mwira wiwe ya Ahabu y’eririma lya Naboti ery’ebinyu?

4. Yehova akathuma ndi erisuyira Yezebeli?

5. Ngokwa wanamalhangira omwa kisasani, ekikabya niki Yehu akahika okwa kikali kya Yezebeli?

Ebibulyo eby’eryongerako:

1. Soma 1 Abami 16:29-33 na 18:3, 4. 

   Emibere eye Israeli yabya mibi yithi omwa buthuku bw’Omwami Ahabu? (1 Bam. 14:9)

2. Soma 1 Abami 21:1-16.

   1. Naboti mwakangania athi obuthubaha n’obuthaleghulha oku Yehova (1 Bam. 21:1-3; Law. 25:23-28)

   2. Thwang’ighira ki okwa ky’erireberyako kya Ahabu, omughulhu thwanga thendibana ekya thukaronda? (1 Bam. 21:4; Abar. 5:3-5)

3. Soma 2 Abami 9:30-37.

   Thwang’igha ki okwa muhwa wa Yehu omw’ikolha erisonda lya Yehova? (2 Bam. 9:4-10; 2 Kor. 9:1, 2; 2 Tim. 4:2)

Olhughano 67

1. Yehosafati nindi, kandi ali ho omwa buthuku ki?

2. Ekikaleka Abaisraeli ibubaha niki, kandi abangi aba kw’ibo bakakolha ki?

3. Ni subirya ki erya Yehova akaha okwa musabe wa Yehosafati?

4. Olhuhi lhuthe lhwabya Yehova akaletha ki?

5. Thwang’igha isomo ki oku Yehosafati?

Ebibulyo eby’eryongerako:

1. Soma 2 Emyatsi ey’Emigulu 20:1-30.

   1. Yehosafati mwakangania athi ekya baghombe ba Nyamuhanga abayisiwa bangakolha bamabana emibere eyika ubahisaya? (2 Emy. 20:12; Esy. 25:15; 62:1)

   2. Kundi mughulhu wosi Yehova akabya inyana withe enzira ey’akakolesaya akakolangana n’abandu biwe, ni nzira ki ey’akakolesya munabwire? (2 Emy. 20:14, 15; Mt. 24:45-47; Yn. 15:15)

   3. Nyamuhanga akendibya akatsukisya ‘olhuhi olhw’ekiro kinene kya Nyamuhanga Muthoka Byosi,’ emibere yethu yikendi syabya yithi ng’eya Yehosafati? (2 Emy. 20:15, 17; 32:8; Erib. 16:14, 16)

   4. Bakagherererya Abalawi, abatemburi n’abamisani bakaha buwathikya ki munabwire okwa mubiiri ow’erithulhughania engulhu omwa kihugho kyosi? (2 Emy. 20:19, 21; Abar. 10:13-15; 2 Tim. 4:2)

Olhughano 68

1. Abandu basathu abali omwa kisasani nibahi, n’ekikabya okwa mulhwana mulere niki?

2. Eliya akasabira omulhwana yaki, n’ekikakwamako niki?

3. Omuwathikya wa Eliya yandi?

4. Ekikaleka Elisa inyabirikirwa omwa nyumba y’omukali e Sunemu niki?

5. Elisa akakolha ki, n’ekikabya okwa mulhwana oyuholire niki?

6. Yehova awithe obuthoki ki, ngokwa kikanganibwe erilhabira omu Eliya na Elisa?

Ebibulyo eby’eryongerako:

1. Soma 1 Abami 17:8-24.

   1. Eliya eribya mwowa, n’erikirirya liwe, mubya lengwako lithi? (1 Bam. 17:9; 19:1-4, 10)

   2. Erikirirya ly’omukwakali owe Zarefati lyabya lilengethukire lithi? (1 Bam. 17:12-16; Luka 4:25, 26)

   3. Ekyahika okwa mukwakali owe Zarefati, kikakanganaya kithi ekwenene eyiri omwa binywe bya Yesu ebiri omu Matayo 10:41, 42? (1 Bam. 17:10-12, 17, 23, 24)

2. Soma 2 Abami 4:8-37.

   1. Omukali owe Sunemu akathukangiriraya ki okw’ibya bakokya b’abagheni? (2 Bam. 4:8; Luka 6:38; Abar. 12:13; 1 Yn. 3:17)

   2. Munabwire, abaghombe ba Nyamuhanga thwanga bakangania thuthi ebikorwa eby’olhukeri? (Emib. 20:35; 28:1, 2; Gal. 6:9, 10; Ebr. 6:10)

Olhughano 69

1. Omwa kisasani, omumbesa omulere akabwira omukali yaki?

2. Omukali oyuli omwa kisasani nindi, n’omumbesa omulere akakolha ki omwa nyumba y’omukali?

3. Elisa akalhaghira omughombe wiwe athi abwire Namani yaki, n’ekikaleka Namani inyahithana niki?

4. Namani akabya ahulikirira abaghombe biwe niki ekikalhwiririramu?

5. Ekikaleka Elisa inyaghana ekihembo kya Namani niki, aliriryo Gehazi akakolha ki?

6. Ekikahika oku Gehazi niki, nethu thuk’igha mwaki?

Ebibulyo eby’eryongerako:

1. Soma 2 Abami 5:1-27.

   1. Eky’erireberyako ky’omumbesa mulere Omuisraeli, kikahimba kithi abakiri balere munabwire? (2 Bam. 5:3; Esy. 8:2; 148:12, 13)

   2. Busana naki ni kibuya erilengekania okwa ky’erireberyako kya Namani omughulhu thukahanawa erilhua omwa Biblia (2 Bam. 5:15; Ebr. 12:5, 6; Yak. 4:6)

   3. Thwang’igha isomo ki omwi linganisya eky’erireberyako kye Elisa n’ekye Gehazi? (2 Bam. 5:9, 10, 14-16, 20; Mt. 10:8; Emib. 5:1-5; 2 Kor. 2:17)

Olhughano 70

1. Yona nindi, na Yehova akamubwira athi akole ki?

2. Kusangwa syanzire erighenda aha Yehova akamubwira athi aghende, Yona akakolha ki?

3. Yona akabwira abasokya erikolha ki ekihunga kyanga thekana?

4. Ngokwa wanamalhangira omwa kisasani, Yona akabya adikira omw’amaghetse ekikabya niki?

5. Yona akaghunza omwanda y’eyisu mwa mughulhu mungahi, kandi akakolha mwaki?

6. Yona akabya alhua omw’isu nene akaya hi, n’eki kikathukangiriraya ki?

Ebibulyo eby’eryongerako:

1. Soma Yona 1:1-17.

   Omwa kwenene, Yona mwayowa athi okwa mubiiri wiwe ow’erithulhughania engulhu okw’abanya Ninawe? (Yona 1:2, 3; Emi. 3:7; Omu. 8:12)

2. Soma Yona 2:1, 2, 10.

   Ekyahika oku Yona kikathuha kithi eriyikethera thuthi Yehova akendi subirya emisabe yethu? (Esy. 22:24; 34:6; 1 Yn. 5:14)

3. Soma Yona 3:1-10.

   1. Ni himbwa ki erya thukabana thukalhangira thuthi Yehova mwa lholya embere erikolesya Yona nomwakine mwalemwa eriberererya olhukwamirwa lhwiwe olhw’erimbere? (Esy. 103:14; 1 Pet. 5:10)

   2. Eky’erireberyako kya Yona okw’abandu be Ninawe kikathukangiriraya ki okw’itswera abandu balhuba omwa bitsweka byethu? (Yona 3:6-9; Omu. 11:6; Emib. 13:48)

Olhughano 71

1. Isaya abya nindi, abyaho mughulhu wahi, na Yehova mwa mukangania ki?

2. Ekinywe “paradiso” kikamanyisaya ki, kandi kika kw’ibukaya ki?

3. Yehova mwabwira Isaya athi asakange ki okwa Paradiso nyihya-nyihya?

4. Ekyaleka ya Adamu na Eva ibaherya eka yabu eyuwene niki?

5. Yehova akalhaghanisaya ki aba mwanzire?

Ebibulyo eby’eryongerako:

1. Soma Isaya 11:6-9.

   1. Ekinywe kya Nyamuhanga kikakanganaya kithi obuholho obukendi syabya ahakathi-kathi k’abandu n’ebisoro omwa kihugho kihya-kihya? (Esy. 148:10, 13; Isa. 65:25; Eze. 34:25)

   2. Ebinywe bya Isaya binamubererera bithi bunyakirimu okw’abandu ba Yehova munabwire? (Abar. 12:2; Efe. 4:23, 24)

   3. Nindi oyutholere erisimwa ahabw’erihinduka ly’emibere y’abandu hathya n’omwa kihugho kihya-kihya? (Isa. 48:17, 18; Gal. 5:22, 23; Fil. 4:7)

2. Soma Eribisulirwa 21:3, 4.

   1. Amasako akanganaya athi ngokwa Nyamuhanga erikalha n’abandu sikiri manyisaya kithi ikere nabu hene-hene? (Law. 26:11, 12; 2 Emy. 6:18; Isa. 66:1; Erib. 21:2, 3, 22-24)

   2. Ni misonia n’eriaghalhwa muhanda ki ebikendi syahwaho? (Luka 8:49-52; Abar. 8:21, 22; Erib. 21:4)

Olhughano 72

1. Omulhume oyuli omwa kisasani nindi, kandi busana naki ali omwa butsibu obukalire?

2. Esyanyawaliho esya Hezekia akahira embere sya Nyamuhanga ni syahi, kandi akasaba ki?

3. Hezekia ni mwami ali athi, kandi Yehova akamuthumira omwatsi ki erilhabira omwa muminyereri Isaya?

4. Ngokwa kikanganibwe omwa kisasani, malaika wa Yehova akakolha Abasuria bathi?

5. Nomwakine indi obwami bw’ebihanda bibiri buwithe obuholho ahabw’akathuku kake, ekikabya niki enyuma w’olhuholho lhwa Hezekia?

Ebibulyo eby’eryongerako:

1. Soma 2 Abami 18:1-36.

   1. Embuyi ey’Abasuria ya Rabsake mwalengesya athi eriolhobya erikirirya ry’Abaisraeli? (2 Bam. 18:19, 21; Eri. 5:2; Esy. 64:3)

   2. ) Abema ba Yehova bang’igha bakakwama bathi eky’erireberyako kya Hezekia omughulhu bakasubiraya abahakani? (2 Bam. 18:36; Esy. 39:1; Emi. 26:4; 2 Tim. 2:24)

2. Soma 2 Abami 19:1-37.

   1. Abandu ba Yehova munabwire banga gherererya bathi eky’erireberyako kya Hezekia omwa buthuku basusumene? (2 Bam. 19:1, 2; Emi. 3:5, 6; Ebr. 10:24, 25; Yak. 5:14, 15)

   2. ) Omwami Senakaribu mwasingwa athi mirundi isathu, kandi ni buminyereri obukimanira ndi? (2 Bam. 19:32, 35, 37; Erib. 20:2, 3)

3. Soma 2 Abami 21:1-6, 16.

   Ekyangaleka ikyabuwa indi Manase abya mughuma w’okw’abami ababi kutsibu abathabalha e Yerusalemu niki? (2 Emy. 33:4-6, 9)

Olhughano 73

1. Yosia ni w’ebirimo bingahi akabya mwami, kandi akatsuka erikolha ki abiribya mwami ahabw’ebirimo irinda?

2. Omwa kisasani eky’erimbere, wukalhangira Yosia akakolha ki?

3. Abalhume bakabya banemuwania e hekalu, omuhereri mukulhu akabana ki?

4. Ekikaleka Yosia inyasathya esyangimba siwe niki?

5. Ni mwatsi ki owakalhua eyiri Yehova ow’omuminyereri w’obukali ya Hulda akaha Yosia?

Ebibulyo eby’eryongerako:

1. Soma 2 Emyatsi y’Emigulu 34:1-28.

   1. Ni ky’erireberyako ki ekya Yosia akaha okw’abo abangabya ibabiri ghumira ebitsibu erilhua bulere? (2 Emy. 33:21-25; 34:1, 2; Esy. 27:10)

   2. Ni bika ki bikulhu-bikulhu ebya Yosia athwalha erikulha-kulhania eriramya ery’ekwenene omwa birimo eby’erithabalha liwe ekyo 8, ekye 12, n’ekye 18? (2 Emy. 34:3, 8)

   3. N’igha ki erya thukalhusaya okwa Mwami Yosia n’Omuhereri Mukulhu ya Hilikia thukuwania aha thukaramiraya? (2 Emy. 34:9-13; Emi. 11:14; 1 Kor. 10:31)

Olhughano 74

1. Omulhwana mulere oyuli omwa kisasani nindi?

2. Yeremia akalengekanaya ki okwibya muminyereri, Yehova akamubwira athiki?

3. Yeremia akabera eribwira abandu ba mwatsi ki?

4. Abahereri bakalengesaya bathi erikakirya Yeremia, aliriryo akakanganaya athi ngokwa syakwire obuba?

5. Abaisraeli bakabya baghana eribindulha emibere yabu mibi, ekikabya niki?

Ebibulyo eby’eryongerako:

1. Soma Yeremia 1:1-8.

   1. Ngokwa eky’erireberyako kya Yeremia kikakanganaya, ekikaleka omundu inyatholere erikolha omubiiri wa Yehova niki? (2 Kor. 3:5, 6)

   2. Eky’erireberyako kya Yeremia kikahimba ki Abakristayo eminyetho munabwire? (Omu. 12:1; 1 Tim. 4:12)

2. Soma Yeremia 10:1-5.

   Ni ky’erireberyako ki eky’amani ekya Yeremia akakolesaya erikangania ngokwa ni buyira eriyikethera ebibatsirwe? (Yer. 10:5; Isa. 46:7; Hab. 2:19)

3. Soma Yeremia 26:1-16.

   1. Omwatsi w’erikunga akathulhwa munabwire, emisighalira y’abahakabibwa yikahambirira yithi ekiraghiro kya Yehova oku Yeremia ‘erithendi kyuruka ekinywe n’ekighuma’? (Yer. 26:2; Ebi. 4:2; Emib. 20:27)

   2. Ni ky’erireberyako ki ekibuya ekya Yeremia akanganaya Abema ba Yehova munabwire erithulhughania erikunga lya Yehova okw’amahanga? (Yer. 26:8, 12, 14, 15; 2 Tim. 4:1-5)

4. Soma 2 Abami 24:1-17.

   Abandu bw’obwami bwe Yuda erithendibya bayisiwa oku Yehova, ni butsibu ki obwabya bwalhwiremu? (2 Bam. 24:2-4, 14)

Olhughano 75

1. Abalhwana bbani abali omwa kisasani ni bahi, kandi busana naki bali e Babiloni?

2. Nebukadeneza awithire abalhwana bbani bamitheghekere ki, kandi akaha abaghombe biwe babiraghiro ki?

3. Ni byalya n’eby’erinywa ki ebya Danieli akasaba ahabw’iyo n’abanywani biwe basathu?

4. Bakabya babirirya esyonyinyi ahabw’ebiro ikumi, Danieli n’abanywani biwe basathu baka linganisibawa bathi n’abandi balhwana?

5. Danieli n’abanywani biwe basathu bakahika bathi omwa kikali ky’omwami, kandi balengire abahereri n’abalhume ab’abamenge omwa mibere ki?

Ebibulyo eby’eryongerako:

1. Soma Danieli 1:1-21.

   1. Ni kaghalha ki akakayithayisibawa thwamabya n’amaha aw’eriyiyinia erilengwako n’erikinda obutseke bwethu? (Dan. 1:8; Enz. 39:7, 10; Gal. 6:9)

   2. Eminyetho munabwire yanga lengwako kutse erihirwa mw’ebyuka yithi bakingira omu eby’abandi bakalhangira mwa “bise-bise”? (Dan. 1:8; Emi. 20:1; 2 Kor. 6:17–7:1)

   3. Omwatsi owali omwa Biblia owahambire okwa Abaebrania eminyetho ini, akathuwathikaya erisima ki okw’igha obwenge bw’ekihugho? (Dan. 1:20; Isa. 54:13; 1 Kor. 3:18-20)

Olhughano 76

1. Niki ekikahika oku Yerusalemu n’Abaisraeli abakanganibwe omwa kisasani,?

2. Ezekieli nindi, kani ni bindu ki eby’erithikya ebya Yehova akamukangaya?

3. Busana n’Abaisraeli erithendisikya Yehova, akalhaghanisaya ki?

4. Omwami Nebukadeneza akakolha ki Abaisraeli babiri yisamambulha okw’iyo?

5. Ekikaleka Yehova inyaleka erithoghothya libi eri iryahika okw’Abaisraeli niki?

6. Ekihugho kye Israeli kika sighalha kithi isimuli mundu n’omughuma, kandi ahabw’omughulhu mungahi?

Ebibulyo eby’eryongerako:

1. Soma 2 Abami 25:1-26.

   1. Zedekia abya inindi, ekyabya kyamuhikireko niki, kandi eki mukya berererya kithi obuminyereri bwe Biblia? (2 Bam. 25:5-7; Eze. 12:13-15)

   2. Nindi ya Yehova aby’ahirire ko lhubanza olhw’Abaisraeli erithendibya bayisiwa? (2 Bam. 25:9, 11, 12, 18, 19; 2 Emy. 36:14, 17)

2. Soma Ezekieli 8:1-18.

   Abakayahulha mw’Abakristayo babiri gherererya bathi Abaisraeli abathekenga Nyamuhanga bakaramya eryuba? (Eze. 8:16; Isa. 5:20, 21; Yn. 3:19-21; 2 Tim. 4:3)

Olhughano 77

1. Nebukadeneza omwami we Babiloni ahere abandu ba kiraghiro ki?

2. Busana naki banywani ba Danieli abasathu sibali unamira ekibatsirwe eky’esy’amaghetse?

3. Nebukadeneza akabya abiriha Abaebrania basathu akandi kathambi ak’eryunamira ahisi, bakakanganaya bathi eriyikethera lyabu omu Yehova?

4. Nebukadeneza akalhaghira abalhume biwe athi bakolere Sadiraki, Mesaki, na Abedenego baki?

5. Nebukadeneza akabya akengemererya omw’irunga ly’omuliro, akalhangira ki?

6. Ekikaleka omwami inya pipa Nyamuhanga wa Sadiraki, Mesaki, na Abedenego niki, kandi kikathuha ky’erireberyako ki?

Ebibulyo eby’eryongerako:

1. Soma Danieli 3:1-30.

   1. Omughulhu obuyisiwa bw’abaghombe ba Nyamuhanga bwanga lengwako, batholere ibagherererya mibere ki ey’abalhwana Abaebrania abasathu bakanganaya? (Dan. 3:17, 18; Mt. 10:28; Abar. 14:7, 8)

   2. Nyamuhanga Yehova mwakangirirya Nebukadeneza y’isomo ki erikulhu? (Dan. 3:28, 29; 4:34, 35)

Olhughano 78

1. Omwami we Babiloni amabya akolha bugheni bunene n’erikolesya esyondehi n’ebibindi ebya lhusibawa omwa hekalu ya Yehova mwe Yerusalemu, ekikabya niki?

2. Balsasari akabwira abalhume biwe ab’amenge baki, aliriryo sibangathoka erikolha ki?

3. Mama w’omwami akamubwira athi akole ki?

4. Erikwamana n’ebya Danieli akabwira omwami, ekyalekire Nyamuhanga inyathuma ebyalha erisakanga okwa lhuhimbo niki?

5. Danieli akasoborera athi ebinywe ebisakangire okwa lhuhimbo?

6. Danieli akabya anamukania, niki ekikabya?

Ebibulyo eby’eryongerako:

1. Soma Danieli 5:1-31.

   1. Kanaya okwa mbaghane eyiri ahakathi-kathi ak’eryubaha Nyamuhanga n’eryubaha erya Balsasari abya nalyo omughulhu alhangira ebisakangire okwa lhuhimbo. (Dan. 5:6, 7; Esy. 19:9; Abar. 8:35-39)

   2. Danieli mwakangania athi obuthubaha akakania na Balsasari n’abandi bandu biwe ab’ekitsumbi? (Dan. 5:17, 18, 22, 26-28; Emib. 4:29)

   3. Danieli sura 5 yikahira yithi omuwathu w’okwa buthabali bwa Yehova obw’obuhangwa bwosi? (Dan. 4:17, 25; 5:21)

Olhughano 79

1. Dario nindi, kandi akalhangira athi Danieli?

2. Abalhume ab’erihali bakaleka Dario inyakolha ki?

3. Danieli akabya abiriminya ekiraghiro kihya-kihya, akakolha ki?

4. Ekikaleka Dario inyayibulha-bulha indi syangathoka n’erighotsera niki, kandi engyakya akakolha ki?

5. Danieli akasubiraya athi Dario?

6. Niki ekikahika okw’abalhume babi abalengesaya eritha Danieli, na Dario akasakangira abandu abosi ab’omwa bwami bwiwe athiki?

Ebibulyo eby’eryongerako:

1. Soma Danieli 6:1-28.

   1. Eriya embitha oku Danieli yika thw’ibukaya yithi eby’abahakani bakakolha erilengesya erikakirya omubiiri w’Abema ba Yehova munabwire? (Dan. 6:7; Esy. 94:20; Isa. 10:1; Abar. 8:31)

   2. ) Abaghombe ba Nyamuhanga munabwire banga gherererya bathi Danieli eribya ibanasikirye ‘abathabali b’ekihugho’? (Dan. 6:5, 10; Abar. 13:1; Emib. 5:29)

   3. Thwanga gherererya thuthi eky’erireberyako kya Danieli akakolera Yehova ‘obuthusa’? (Dan. 6:16, 20; Fil. 3:16; Erib. 7:15)

Olhughano 80

1. Ngokwa kikanganibwe omwa kisasani, Abaisraeli bakakolha ki?

2. Kiro mwa berererya athi obuminyereri bwa Yehova erilhabira omu Isaya?

3. Kiro akabwira Abaisraeli abathe banga suba e Yerusalemu baki?

4. Kiro akaha abandu abaka suba e Yerusalemu baki?

5. Kikathwalira Abaisraeli ba mughulhu mungahi erihika e Yerusalemu?

6. Hamathalhaba birimo bingahi ekihugho kya sighere isimuli mundu wosi-wosi?

Ebibulyo eby’eryongerako:

1. Soma Isaya 44:28 na 45:1-4.

   1. Yehova mwahira athi omuwatho okw’ibererera ly’obuminyereri obuhambire oku Kiro? (Isa. 55:10, 11; Abar. 4:17)

   2. Obuminyereri bwa Isaya obuhambire oku Kiro bukakanganaya buthi Yehova kwawithe obuthoki bw’eriminyerera omughulhu owakasa? (Isa. 42:9; 45:21; 46:10, 11; 2 Pet. 1:20)

2. Soma Ezera 1:1-11.

   Erikwama eky’erireberyako eky’abathathoka erisuba e Yerusalemu, n’ethu munabwire ‘thwanga wathikya’ thuthi abo abangathoka eringira omwa mubiiri ow’erithulhughania engulhu mughulhu wosi? (Ezr. 1:4, 6; Abar. 12:13; Kol. 4:12)

Olhughano 81

1. Ni bandu bangahi abakaghenda olhughendo lhuli erilhua e Babiloni erihika e Yerusalemu, aliriryo bakabana ki bahika?

2. Abaisraeli bakatsuka erihimba ki bahika, aliriryo esyanzighu syabu sika kolhaki?

3. Hagai na Zekaria nibahi, kandi bakabwira abandu baki?

4. Ekikaleka Tatenai inyathuma enyawaliho ye Babiloni niki, kandi akabana isubirya ki?

5. Ezera akakolha ki aminya okwa kiyithawa ky’eryuwania e hekalu ya Nyamuhanga?

6. Omwa kisasani Ezera akasaba ki, n’omusabe wiwe akasubiribawa athi, kandi eki kikathukangiriraya ki?

Ebibulyo eby’eryongerako:

1. Soma Ezera 3:1-13.

   Thwamayisanga omwa kitsweka ekithe mw’ekithunga ky’abandu ba Nyamuhanga, thutholere ithwa lholha embere n’erikolha ki? (Ezr. 3:3, 6; Emib. 17:16, 17; Ebr. 13:15)

2. Soma Ezera 4:1-7.

   Zerubabeli mwaha ky’erireberyako ki okw’abandu ba Yehova erisighikira n’erithulhungania eny’ikirirya? (Eri. 34:12; 1 Kor. 15:33; 2 Kor. 6:14-17)

3. Soma Ezera 5:1-5, 17 na 6:1-22.

   1. Ekyaleka abahakani ibatha thoka erimania omubiiri w’erihimba e hekalu niki? (Ezr. 5:5; Isa. 54:17)

   2. Ebikorwa eby’abasyakulhu Abayuda bika himba bithi abasyakulhu Abakristayo b’ekithunga erirondekania obusondoli bwa Yehova omughulhu banga sanga-sangana n’abahakani? (Ezr. 6:14; Esy. 32:8; Abar. 8:31; Yak. 1:5)

4. Soma Ezera 8:21-23, 28-36.

   Thuthali thw’akolha omwatsi wosi-wosi, ni ky’erireberyako kibuya ki ekya Ezera, ekya thwanga gherererya? (Ezr. 8:23; Esy. 127:1; Emi. 10:22; Yak. 4:13-15)

Olhughano 82

1. Mordekayi na Esiteri ni bahi?

2. Ekikaleka Omwami Ahasuero inyanza omukali muhya-muhya niki, kandi akasombolha ndi?

3. Hamani nindi, n’ekikaleka inyahithana kutsibu niki?

4. Ni kiraghiro ki ekikakolhawa, na Esiteri akakolha ki abiribana omwatsi erilhua eyiri Mordekayi?

5. Ekikahika oku Hamani niki, n’ekikahika oku Mordekayi niki?

6. Abaisraeli bakalhamibawa bathi erilhua okwa syanzighu syabu?

Ebibulyo eby’eryongerako:

1. Soma Esiteri 2:12-18.

   Esiteri mwakangania athi omubongo w’eribya ‘n’ekirimu eky’obukuthu kandi ekihehere’? (Esi. 2:15; 1 Pet. 3:1-5)

2. Soma Esiteri 4:1-17.

   Nga Esiteri kwa hebawa omughisa ow’erikolera eriramya ery’ekwenene, ni mughisa ki owa thuhebwirwe munabwire erikangania eriyihayo lyethu n’obuthaleghulha oku Yehova? (Esi. 4:13, 14; Mt. 5:14-16; 24:14)

3. Soma Esiteri 7:1-6.

   Abangi b’okw’abandu ba Nyamuhanga munabwire babiri yitsama bathi omwi endereribwa, nga Esiteri kw’akolha? (Esi. 7:4; Mt. 10:16-22; 1 Pet. 2:12)

Olhughano 83

1. Abaisraeli mubayowa bathi erithendibya n’esyambimbo esithimbire okwa muyi we Yerusalemu?

2. Nehemia nindi?

3. Omubiiri wa Nehemia niki, kandi busana naki ni w’omubongo?

4. Ni mwatsi ki owakaleka Nehemia inya susumana, kandi akakolha ki?

5. Omwami Artasasta akakanganaya athi Nehemia y’olhukeri?

6. Nehemia akatheghekanaya athi omubiiri w’erihimba nuku esyanzighu sy’Abaisraeli si simanayewo?

Ebibulyo eby’eryongerako:

1. Soma Nehemia 1:4-6 na 2:1-20.

   Nehemia mwa sondekania athi obusondoli bwa Yehova? (Neh. 2:4, 5; Abar. 12:12; 1 Pet. 4:7)

2. Soma Nehemia 3:3-5.

   Abasyakulhu b’ekithunga n’abawathikya bang’ighira bathi okwa mbaghane eyiri ahakathi-kathi k’abanya Tekoa ‘n’abakulhu babu’? (Neh. 3:5, 27; 2 Tes. 3:7-10; 1 Pet. 5:5)

3. Soma Nehemia 4:1-23.

   1. Ekya sukuma Abaisraeli erilholya embere erihimba n’omwa hanabya erihakanibwa erikalire niki? (Neh. 4:6, 8, 9; Esy. 50:15; Isa. 65:13, 14)

   2. Eky’erireberyako ky’Abaisraeli kikathuhimba omwanzira ki munabwire?

4. Soma Nehemia 6:15.

   Esyambimbo sye Yerusalemu erihimbirwa omwa mikera ibiri, kikakanganaya ki erikwamana n’akaghalha k’erikirirya? (Esy. 56:3, 4; Mt. 17:20; 19:26)

Olhughano 84

1. Omukali oyuli omwa kisasani nindi?

2. Gabrieli akabwira Maria yaki?

3. Gabrieli akasoborera Maria y’athi ngokw’akendi bana mwana nomwakine indi syalithabya n’omulhume?

4. Ekikabya niki Maria akabalhamira omuhughu wiwe ya Elizabeti?

5. Yozefu akabya abiriminya Maria kw’akaya butha omwana, akabya n’amalengekania ki, aliriryo busana naki inya hindulha ebirengekanio biwe?

Ebibulyo eby’eryongerako:

1. Soma Luka 1:26-56.

   1. Luka 1:35 akakanganaya ki erikwamana n’erithendi hikana lyosi-lyosi lya Adamu omw’iya lya Maria omughulhu engebe y’Omwana wa Nyamuhanga yahumibawa erilhua omw’ithwale ery’ekirimu? (Hag. 2:11-13; Yn. 6:69; Ebr. 7:26; 10:5)

   2. ) Yesu mwahebwa athi ekitsumbi isyali abuthwa nibya? (Luka 1:41-43)

   3. Maria mwakangania ky’erireberyako ki kibuya okw’Abakristayo abamunabwire abakabana esyanzunzo sy’embaghane? (Luka 1:38, 46-49; 17:10; Emi. 11:2)

2. Soma Matayo 1:18-25.

   Nomwakine indi Yesu mwatha hebwa erina Emanueli, omubiiri wiwe ng’omundu mwa berererya athi amakuru w’erina eryo? (Mt. 1:22, 23; Yn. 14:8-10; Ebr. 1:1-3)

Olhughano 85

1. Olhumekeke olhuli omwa kisasani nindi, kandi Maria alhulhalirye hayi?

2. Ekyaleka Yesu inya buthirwa omwa butara obuli mw’ebisoro niki?

3. Omwa kisasani, abalhume abak’ingira omwa butara ni bahi, kandi malaika alhwe inyabiri babwira athiki?

4. Busana naki Yesu ni wambaghane?

5. Busana naki Yesu angana hulhwa mwa Mughalha wa Nyamuhanga?

Ebibulyo eby’eryongerako:

1. Soma Luka 2:1-20.

   1. Kaisari Augusto mwakolha ki eriberererya obuminyereri obuhambire okw’ibuthwa lya Yesu? (Luka 2:1-4; Mika 5:2)

   2. Omundu angabya athi mughuma w’okw’abakahulhawa ‘mw’abandu abaka mutsemesaya’? (Luka 2:14; Mt. 16:24; Yn. 17:3; Emib. 3:19; Ebr. 11:6)

   3. Abalisya bamabya ibabya bawithe enzumwa ey’eritsemera eributhwa ly’Omulhamya, ibbwa abaghombe ba Nyamuhanga munabwire bawithe nzumwa ki ngulhu ey’eribatsemesya? (Luka 2:10, 11; Efe. 3:8, 9; Erib. 11:15; 14:6)

Olhughano 86

1. Abalhume abali omwa kisasani ni bahi, kandi ekikaleka omughuma w’okw’ibo inyakangania engununu eyika kangabasanaya niki?

2. Ekikaleka Omwami Herode inyahithana niki, kandi akakolha ki?

3. Engununu eyika kangabasanaya yika sondolha abalhume erihika hayi, aliriryo ekikaleka abalhume ibalhaba omwa yindi nzira bakasuba omw’ihanga ly’ewabu niki?

4. Herode akaha kiraghiro ki, kandi busana naki?

5. Yehova akabwira Yozefu athi akole ki?

6. Oyuwaleka engununu iyakangabasania nindi, kandi busana naki?

Ebibulyo eby’eryongerako:

1. Soma Matayo 2:1-23.

   Yesu abya w’ebirimo bingahi kandi abya ikere hayi abakasoma eby’esyangununu bakamubalhamira? (Mt. 2:1, 11, 16)

Olhughano 87

1. Omwa kisasani, Yesu awithe birimo bingahi eby’obukulhu, kandi ali hayi?

2. Obuli kirimo Yozefu n’erihiika liwe akakolha ki?

3. Enyuma w’ekiro kighuma bane okwa lhughendu bakasuba eka, ekikaleka Yozefu na Maria ibasuba e Yerusalemu niki?

4. Yozefu na Maria bakabana Yesu ya hayi, n’ekikaleka abandu ibasweka niki?

5. Yesu akasubiraya mama wiwe ya Maria athiki?

6. Thwangabya thuthi nga Yesu thuk’igha oku Nyamuhanga?

Ebibulyo eby’eryongerako:

1. Soma Luka 2:41-52.

   1. Nomwakine indi Endaghano ya Musa iyikanza yithi abalhume basa babatholere erighenda okw’amagheni awabuli kirimo, Yozefu na Maria mubakangania eky’erireberyako ki ekyuwene okwa babuthi munabwire? (Luka 2:41; Ebi. 16:16; 31:12; Emi. 22:6)

   2. Yesu mwabya athi ky’erireberyako kibuya okw’abakiri balere munabwire erisikya ababuthi babu? (Luka 2:51; Ebi. 5:16; Emi. 23:22; Kol. 3:20)

2. Soma Matayo 13:53-56.

   Baghalha babu Yesu abbani ababuthawa nayu omwanda nguma abakahulhawa omwa Biblia ni bahi, kandi enyuma waho ababiri okw’ibo muba kolesibwa bathi omwa kithunga ky’Ekikrisitayo? (Mt. 13:55; Emib. 12:17; 15:6, 13; 21:18; Gal. 1:19; Yak. 1:1; Yuda 1)

Olhughano 88

1. Abalhume babiri abali omwa kisasani ni bahi?

2. Omundu akabatizibawa athi?

3. Yoane akabatizaya abandu abali bathi?

4. Ni nzumwa ki ngulhu eyikaleka Yesu inyasaba Yoane athi amubatizaye?

5. Nyamuhanga akakanganaya athi ngokw’amatsemesibwa kundi Yesu abiri batizibwa?

6. Yesu akabya ghenda omwa kitsweka ekithe omw’abandu ahabw’ebiro 40, niki ekikabya?

7. Abaghuma b’okw’abigha kutse abakwenda ba Yesu ab’erimbere ni bahi, n’ekithiko-thiko kiwe eky’erimbere ni kyahi?

Ebibulyo eby’eryongerako:

1. Soma Matayo 3:13-17.

   Ni lhughobe ki olhw’eribatizibwa olhwa Yesu asighira abigha biwe? (Esy. 40:7, 8; Mt. 28:19, 20; Luka 3:21, 22)

2. Soma Matayo 4:1-11.

   Yesu erikolesya ndeke Amasako kika thusukuma kithi eribya abak’igha e Biblia mughulhu wosi? (Mt. 4:5-7; 2 Pet. 3:17, 18; 1 Yn. 4:1)

3. Soma Yoane 1:29-51.

   Yoane omubatizya mwakangirira abigha biwe erikwama ndi, kandi thwanga mugherererya thuthi munabwire? (Yoane 1:29, 35, 36; 3:30; Mt. 23:10)

4. Soma Yoane 2:1-12.

   Ekithiko-thiko kya Yesu eky’erimbere mukyakangania kithi ngoku Yehova syalikakiraya abaghombe biwe b’ebibuya? (Yn. 2:9, 10; Esy. 84:11; Yak. 1:17)

Olhughano 89

1. Busana naki ebisoro bikaghulibawa omwa hekalu?

2. Ekikaleka Yesu inyahithana niki?

3. Ngokwa wanganalhangira omwa kisasani, Yesu akakolha ki, kandi akalhaghira abalhume abakaghulhaya amalikuku baki?

4. Abigha ba Yesu bakabya balhangira eky’akakolha, bak’ibuka ki?

5. Ni kitsweka ki ekya Yesu akalhabamu akasuba e Galilaya?

Ebibulyo eby’eryongerako:

1. . Soma Yoane 2:13-25.

   Erilengekania okw’ihithana lya Yesu busana n’abandu abakahanisiraya esyambulho sy’omwa hekalu, thwangabya na birengekanio ki okwa myatsi y’erisuburira omwa Kisenge eky’Obwami eky’erihindaniramu? (Yn. 2:15, 16; 1 Kor. 10:24, 31-33)

Olhughano 90

1. Ekyamaleka Yesu inyalhuhukira okwa kithehero kye Samaria niki, kandi akabwira omukali yaki?

2. Ekyamaleka omukali inya sweka niki, kandi Yesu akamubwira ki, kandi busana naki?

3. Omukali akalengekanaya athi Yesu akakanaya okw’amaghetse asosire athi, aliriryo Yesu akamanyisaya maghetse muhanda ki?

4. Ekikaleka omukali inya sweka busana n’ebya Yesu amwasiko niki, kandi aminya omwatsi oyu w’athi?

5. Ni somo ki erya thwang’igha omwa mwatsi w’omukali oyuwabya okwa kithehero?

Ebibulyo eby’eryongerako:

1. Soma Yoane 4:5-43.

   1. Thukakwama eky’erireberyako kya Yesu, ni mibere ki eya thutholere ithwakangania abandu abosi? (Yn. 4:9; 1 Kor. 9:22; 1 Tim. 2:3, 4; Tito 2:11)

   2. Omundu oyukabya mw’igha wa Yesu akabana mubongo ki ow’obunyakirimu? (Yn. 4:14; Isa. 58:11; 2 Kor. 4:16)

   3. Thwanga kangania thuthi erisima ng’ery’omukali Omusamaria, oyuwanza erighabana eby’abir’igha n’abandi? (Yn. 4:7, 28; Mt. 6:33; Luka 10:40-42)

Olhughano 91

1. Omwa kisasani, Yesu akakangiriraya hayi, kandi abikere hakuhi nayu ni bahi?

2. Amena w’abakwenda 12 ni ahi?

3. Obwami obwa Yesu akathulhughanaya niki?

4. Yesu akakangiriraya abandu athi basabe ki?

5. Yesu akabugha athi abandu batholere ibathwalha bathi abandi?

Ebibulyo eby’eryongerako:

1. Soma Matayo 5:1-12.

   Ni nzira ki esya thwanga kanganiryamo indi thutsomene obunyakirimu bwethu? (Mt. 5:3; Abar. 10:13-15; 1 Tim. 4:13, 15, 16)

2. Soma Matayo 5:21-26.

   Matayo 5:23, 24 akakanganaya athi ngokwa erikolangana n’Abakristayo balikyethu kikahamba okwa bughuma bwethu na Yehova? (Mt. 6:14, 15; Esy. 133:1; Kol. 3:13; 1 Yn. 4:20)

3. Soma Matayo 6:1-8.

   Ni miringo ki ey’eriyikolha mw’abathunganene ey’Abakristayo batholere ibayihighulha ko? (Luka 18:11, 12; 1 Kor. 4:6, 7; 2 Kor. 9:7)

4. Soma Matayo 6:25-34.

   Yesu mwakangirirya athiki, okw’iyikethera Yehova busana n’ebiyithawa bwethu eby’omubiri? (Eri. 16:4; Esy. 37:25; Fil. 4:6)

5. Soma Matayo 7:1-11.

   Eky’erireberyako kibuya ekiri omu Matayo 7:5 kikathukangiriraya ki? (Emi. 26:12; Abar. 2:1; 14:10; Yak. 4:11, 12)

Olhughano 92

1. Thatha w’omumbesa oyuli omwa kisasani nindi, kandi ekikaleka iyo na mukali wiwe ibayilhalikirira niki?

2. Yairo akakolha ki akabana Yesu?

3. Yesu akabya akaghenda ewa Yairo niki ekikabya, kandi Yairo akabya ane omwanzira akabana mwatsi ki?

4. Ekikaleka abandu abali omwa nyumba ya Yairo ibasekererya Yesu niki?

5. Akabya abiri thwalha abakwenda basathu n’ababuthi ab’omumbesa omwa kisenge ky’omumbesa, Yesu akakolha ki?

6. Ni bandi bahi aba Yesu alhubukaya, kandi eki kikanganaya ki?

Ebibulyo eby’eryongerako:

1. Soma Luka 8:40-56.

   Yesu mwakangania athi olhukeri n’obulengekania obuwene okwa mukali oyuka sununuka mw’omusasi, kandi abasyakulhu ab’ekithunga munabwire bang’igha mwaki? (Luka 8:43, 44, 47, 48; Law. 15:25-27; Mt. 9:12, 13; Kol. 3:12-14)

2. Soma Luka 7:11-17.

   Busana naki ababiri holerwa bangana bana erihumulikanibwa omwa mibere ya Yesu awathikirayamu omukwakali owe Naina? (Luka 7:13; 2 Kor. 1:3, 4; Ebr. 4:15)

3. Soma Yoane 11:17-44.

   Yesu mwakangania athi ngokwa ni kya buli kiro erisusumana busana n’olhuholho olhwa mwanze? (Yn. 11:33-36, 38; 2 Sam. 18:33; 19:1-4)

Olhughano 93

1. Ni kindu ki ekibi ekyahikere oku Yoane Mubatizya, kandi kikaleka Yesu inyayowa athi?

2. Yesu akalisaya athi esyandeko esyabiri mukwama, kandi ni byalya bingahi ebikasaka?

3. Ekikaleka abigha ibubaha omw’ithumbi niki, kandi ekikahika oku Petero niki?

4. Yesu akalisaya athi esyangumi n’esyangumi sy’abandu omurundi owa kabiri?

5. Busana naki kikendisyabya ky’eriswekya Yesu akathabalha okwa kihugho ng’Omwami wa Nyamuhanga?

Ebibulyo eby’eryongerako:

1. Soma Matayo 14:1-32.

   1. Omwatsi owali omu Matayo 14:23-32 akaha bwenge ki okwa mibere ya Petero?

   2. Amasako akakanganaya athi ngoku Petero mwakulha-kulhana n’erileka emibere yiwe y’eriyanguhirirya? (Mt. 14:27-30; Yn. 18:10; 21:7; Emib. 2:14, 37-40; 1 Pet. 5:6, 10)

2. Soma Matayo 15:29-38.

   Yesu mwasikya athi ebya Thatha wiwe aby’akaha kinyamubiri? (Mt. 15:37; Yn. 6:12; Kol. 3:15)

3. Soma Yoane 6:1-21.

   Abakristayo munabwire banga kwama bathi eky’erireberyako kya Yesu bakasikya obuthabali? (Yn. 6:15; Mt. 22:21; Abar. 12:2; 13:1-4)

Olhughano 94

1. Abakwenda bakakangalhukanaya bathiki bakalhua omwa lhughendu lhwabu olhuli?

2. Ekikaleka Yesu inya birikira omwana mulere erimana omwakathi-kathi k’abakwenda niki?

3. Abakwenda batholere ibigha eribya ng’abana balere omunzira ki?

4. Emikera mike enyuma waho, Yesu akakanganaya athi kw’anzire abana balere?

Ebibulyo eby’eryongerako:

1. Soma Matayo 18:1-4.

   Ekyaleka Yesu inya kolesya eby’erireberyako omw’ikangirirya liwe niki? (Mt. 13:34, 36; Mk. 4:33, 34)

2. Soma Matayo 19:13-15.

   Ni mibere ki ey’abana balere iya thutholere ithwa gherererya thwamabya ab’erisangira omwa mighisa ey’Obwami? (Esy. 25:9; 138:6; 1 Kor. 14:20)

3. Soma Mariko 9:33-37.

   Yesu mwakangirirya abigha biwe baki okw’anza ebitsumbi? (Mk. 9:35; Mt. 20:25, 26; Gal. 6:3; Fil. 2:5-8)

4. Soma Mariko 10:13-16.

   Kyabya kithi kyolho abandu erihika oku Yesu, kandi abasyakulhu b’ekithunga bang’igha ki okwa ky’erireberyako eki? (Mk. 6:30-34; Fil. 2:1-4; 1 Tim. 4:12)

Olhughano 95

1. Omulhume akabulhaya Yesu ya kibulyo ki, kandi busana naki?

2. Obundi buthuku Yesu akakolesaya ki akakangirirya, kandi thwabiri igha ki okw’Abayuda n’Abasamaria?

3. Omwa lhughano olhwa Yesu akathulha, ekikahika okwa Muyuda oyukaghenda e Yeriko niki?

4. Omuhereri Omuyuda n’Omulawi bakabya basira omwanzira, ekikabya niki?

5. Omwa kisasani, oyukawathikaya Omuyuda oyuhuthere nindi?

6. Yesu akabya abirighunza olhughano, akabulhaya kibulyo ki, kandi omulhume akasubiraya athi?

Ebibulyo eby’eryongerako:

1. Soma Luka 10:25-37.

   1. Omumwanya w’eriha erisubirya erilhangirikire, Yesu mwawathikya athi omulhume oyuwasi ndeke Ebihano aghaniraye okwa mwatsi oyu? (Luka 10:26; Mt. 16:13-16)

   2. Yesu mwakolesya athi eby’erireberyako erikinda akasolholho ak’ababya bamuhulikirire? (Luka 10:36, 37; 18:9-14; Tito 1:9)

Olhughano 96

1. Yesu akakolha ki akalendera omwa kihugho?

2. Ebirimo nga bisathu Yesu abatizibirwe, akabwira abakwenda biwe baki?

3. Abandu abali omwa kisasani ni bahi, kandi Yesu akakolera omukali yaki?

4. Busana naki erisubirya lya Yesu okwa buhaka bwa bakulhu b’amadini lika bahemulha?

5. Yesu n’abakwenda biwe bakabya bakahika hakuhi n’omuyi we Yeriko, akakolera ki esyandimethime ibiri esika sabiriraya?

6. Ekikaleka Yesu inyakolha ebithiko-thiko niki?

Ebibulyo eby’eryongerako:

1. Soma Matayo 15:30, 31.

   Obuthoki bwa Yehova bukanganibirwe buthi omu Yesu omwanzira ey’eriswekya, kandi butholere ibwahamba buthi okw’iyitheghererya lyethu okwa bya Yehova abirilhagha busana n’ekihugho kihya-kihya? (Esy. 37:29; Isa. 33:24)

2. Soma Luka 13:10-17.

   Yesu erikolha ebindi bithiko-thiko biwe eby’akaghalha by’okwa kiro ekye Sabato, bikakanganaya bithi erilhuhuka ery’akendi syalethera abandu omughulhu w’Obuthabali bwiwe obw’Ebirimo Rukumi? (Luka 13:10-13; Esy. 46:9; Mt. 12:8; Kol. 2:16, 17; Erib. 21:1-4)

3. Soma Matayo 20:29-34.

   Omwatsi oyu akakanganaya athi ngoku Yesu syabya asurusuthire kutsibu erithendi wathikya abandu, kandi n’ethu eki thwang’igha mwaki? (Ebi. 15:7; Yak. 2:15, 16; 1 Yn. 3:17)

Olhughano 97

1. Yesu akabya ahika omwa kyalu hakuhi ne Yerusalemu, akabwira abigha biwe athi bakole ki?

2. Omwa kisasani, Yesu akabya ahika hakuhi n’omuyi we Yerusalemu ekikabya niki?

3. Abana balere bakakolha ki bakalhangira Yesu akalhamya esyandimethime n’ebirema?

4. Yesu akabwira abahereri abahithene baki?

5. Thwangabya thuthi ng’abana abakapipa Yesu?

6. Abigha banzire erimya ki?

Ebibulyo eby’eryongerako:

1. Soma Matayo 21:1-17.

   1. ) Eringira lya Yesu omu Yerusalemu ng’Omwami mulyabya lya mbaghane lithi okwa ly’abakulhu b’abasirikali ab’omughulhu we Roma? (Mt. 21:4, 5; Zek. 9:9; Fil. 2:5-8; Kol. 2:15)

   2. Ni somo ki ery’abakiri balere bang’ighira okw’abalhwana Abaisraeli abajurira omwa Esyanyimbo 118 Yesu ak’ingira omwa hekalu? (Mt. 21:9, 15; Esy. 118:25, 26; 2 Tim. 3:15; 2 Pet. 3:18)

2. Soma Yoane 12:12-16.

   Ebisanza by’amabondo eby’abandu bakolesaya bakapipa Yesu bikamanyisaya ki? (Yn. 12:13; Fil. 2:10; Erib. 7:9, 10)

Olhughano 98

1. Omwa kisasani, Yesu y’owahi, n’abali nayu ni bahi?

2. Omwa hekalu, abahereri mubalengesya erikolera Yesu yaki, kandi mwa basubirya athiki?

3. Abakwenda bakabulhaya Yesu yaki?

4. Ekikaleka Yesu inyabwira abakwenda biwe ebighuma by’okwa bindu ebikendi syabya okwa kihugho akathabalha ng’Omwami omwa lhubulha niki?

5. Yesu akabugha athi ekikendi syabya niki athali aghunzaho obubi bwosi okwa kihugho?

Ebibulyo eby’eryongerako:

1. Soma Matayo 23:1-39.

   1. Nomwakine indi Amasako akakanganaya indi erikolesya amena w’ebitsumbi by’ekihugho sikyangabya kibi, ebinywe bya Yesu omu Matayo 23:8-11 bikakanganaya ki okw’ikolesya ebitsumbi omwa kithunga ky’eki Krisitayo? (Emib. 26:25; Abar. 13:7; 1 Pet. 2:13, 14)

   2. Abafarisayo mubakolesya ki erilengesya erikakirya abandu eribya Bakristayo, kandi n’abakulhu b’amadini omwa buthuku obwa munabwire babiri kolesya bathi ebithegho ebiri ng’ebyo? (Mt. 23:13; Luka 11:52; Yn. 9:22; 12:42; 1 Tes. 2:16)

2. Soma Matayo 24:1-14.

   1. Omubongo w’eriyiyinia akahirawa athi kw’omuwathu omu Matayo 24:13?

   2. Ekinywe “enduli” omu Matayo 24:13 kikamanyisaya ki? (Mt. 16:27; Abar. 14:10-12; 2 Kor. 5:10)

3. Soma Mariko 13:3-10.

   Ni binywe ki ebiri omu Mariko13:10 ebikakanganaya erithulhughania engulhu mbuya ya lhuba, kandi ebinywe bya Yesu bitholere ibya thuhamba kwa bithi? (Abar. 13:11, 12; 1 Kor. 7:29-31; 2 Tim. 4:2)

Olhughano 99

1. Ngokwa kikanganibwe omwa kisasani, ekikaleka Yesu n’abakwenda biwe 12 ibaghenda omwa kisenge kinene eky’endatha niki?

2. Omulhume oyukaghenda nindi, kandi akayakolha ki?

3. Ni kihulho ki eky’embaghane ekya Yesu akatsukisaya enyuma w’erirya ekihulho eky’Erikyuruka?

4. Erikyuruka lik’ibukaya Abaisraeli ba kindu ki, kandi ekihulho eky’embaghane eki kik’ibukaya abakwenda ba Yesu baki?

5. Enyuma w’Ekihulho ky’Erigholho-gholho ekyo Mukama, Yesu akabwira abakwenda biwe baki, kandi bakakolha ki?

Ebibulyo eby’eryongerako:

1. Soma Matayo 26:14-30.

   1. Matayo 26:15 akakanganaya athi ngoku Yuda erighoberya Yesu akighenderera?

   2. Eryuthika ly’omusasi wa Yesu liwithe bighendererwa ki bibiri? (Mt. 26:27, 28; Yer. 31:31-33; Efe. 1:7; Ebr. 9:19, 20)

2. Soma Luka 22:1-39.

   Satani mw’ingira omwa muthima wa Yuda mwanzira ki? (Luka 22:3; Yn. 13:2; Emib. 1:24, 25)

3. Soma Yoane 13:1-20.

   1. Erikwamana n’omwatsi owali omu Yoane 13:2, Yuda angana tswebwa busana n’eky’akolha, abaghombe ba Nyamuhanga bang’igha mw’isomo ki? (Enz. 4:7; 2 Kor. 2:11; Gal. 6:1; Yak. 1:13, 14)

   2. Ni somo ki erikulhu erya Yesu aha? (Yn. 13:15; Mt. 23:11; 1 Pet. 2:21)

4. Soma Yoane 17:1-26.

   Yesu mwa sabira abakwenda biwe athi babye “mughuma” omwanzi ki? (Yn. 17:11, 21-23; Abar. 13:8; 14:19; Kol. 3:14)

Olhughano 100

1. Yesu n’abakwenda biwe bakaghenda hayi bakalhua mwa kisenge ky’endatha, kandi akababwira athi bakole ki?

2. Yesu akabana ki akasuba eyiri abakwenda biwe, kandi eki kikabya mirundi mingahi?

3. Ngokwa kikanganibwe omwa kisasani, oyuk’ingira omw’irima nindi, kandi Yuda Iskariota akakolha ki?

4. Ekikaleka Yuda inyalyatsirira Yesu niki, kandi Petero akakolha ki?

5. Yesu akabwira Petero yaki, aliriryo ekikaleka Yesu inya thasaba Nyamuhanga erimuthumira abamalaika niki?

Ebibulyo eby’eryongerako:

1. Soma Matayo 26:36-56.

   1. Enzira eya Yesu ahanira mw’abigha biwe yikabya yithi ky’erireberyako kibuya okw’abasyakulhu b’ekithunga ky’Ekikrisitayo munabwire? (Mt. 20:25-28; 26:40, 41; Gal. 5:17; Efe. 4:29, 31, 32)

   2. Erikolesya ebyuma erilhwa n’abandi, Yesu mwa kilhangira athi? (Mt. 26:52; Luka 6:27, 28; Yn. 18:36)

2. Soma Luka 22:39-53.

   Malaika abere abuthukira Yesu n’erimuhira mw’akaghalha omw’irima lye Getesemane, eki mukyanakangania indi erikirirya lya Yesu lyabiri holhoka? Soborera. (Luka 22:41-43; Isa. 49:8; Mt. 4:10, 11; Ebr. 5:7)

3. Soma Yoane 18:1-12.

   Yesu mwatheya athi abigha biwe okw’abahakani, kandi thwang’igha ki omwa ky’erireberyako eki? (Yn. 10:11, 12; 18:1, 6-9; Ebr. 13:6; Yak. 2:25)

Olhughano 101

1. Oyuli kw’olhubanza olhw’olhuholho lhwa Yesu nindi?

2. Abakwenda bakakolha ki Yesu akathwalhwa n’abakulhu b’amadini?

3. Ekikabya ewa Kayafa omuhereri mukulhu niki?

4. Ekikaleka Petero inyaghenda n’eriyalira niki?

5. Yesu bakabya babiri musubya eyiri Pilato, abahereri bakulhu-bakulhu bakabugha n’omulenge munene bathiki?

6. Niki ekikahika oku Yesu omw’ithungi erya Kyakathano, kandi akalhaghanisaya ki omukolha nabi oyuhanikirwe hakuhi nayu?

7. E Paradiso eya Yesu akanayako yikendi syabya hayi?

Ebibulyo eby’eryongerako:

1. Soma Matayo 26:57-75.

   Abandu ab’omw’ibughiro likulhu erye Kiyuda mubakangania bathi emithima yabu kwa ni mibi? (Mt. 26:59, 67, 68)

2. Soma Matayo 27:1-50.

   Ekyangaleka ithwabugha thuthi eriyikubya bwomo lya Yuda siryabya lya kwenene niki? (Mt. 27:3, 4; Mk. 3:29; 14:21; 2 Kor. 7:10, 11)

3. Soma Luka 22:54-71.

   Thuk’igha ki oku Petero akayighana Yesu omw’ithumbi ery’aghoberibawamu n’erihambwa? (Luka 22:60-62; Mt. 26:31-35; 1 Kor. 10:12)

4. Soma Luka 23:1-49.

   Yesu mwasubirya athi okwa buthe bulingirirania obwa bamukolhako, kandi thwang’igha mwaki? (Luka 23:33, 34; Abar. 12:17-19; 1 Pet. 2:23)

5. Soma Yoane 18:12-40.

   Nomwakine indi Petero mwabya n’eryubaha abandu ahabwa kathambi kake, niki ekikakanganaya indi mwabya mukwenda mubuya? (Yn. 18:25-27; 1 Kor. 4:2; 1 Pet. 3:14, 15; 5:8, 9)

6. Soma Yoane 19:1-30.

   1. Yesu aby’awithe ebirengekanio ki okwa bindu by’omubiri? (Yn. 2:1, 2, 9, 10; 19:23, 24; Mt. 6:31, 32; 8:20)

   2. Ebinywe bya Yesu eby’erighunzerera akaholha mubya kanganaya bithi kwa singura eribya inyana hambirire obuthabali bwa Yehova? (Yn. 16:33; 19:30; 2 Pet. 3:14; 1 Yn. 5:4)

Olhughano 102

1. Omukali oyuli omwa kisasani nindi, abalhume babiri nibahi, kandi bali hayi?

2. Ekikaleka Pilato inyabwira abahereri athi batsindike abasirikali eriyalinda eyisinda ya Yesu niki?

3. Malaika akakolha ki engyakya ey’ekya kasathu Yesu aholire, aliriryo abahereri bakakolha ki?

4. Ekikaleka abaghuma b’okw’abakali ibasweka bakahika okw’isinda ya Yesu?

5. Ekikaleka Petero na Yoane ibathibitha eyiri eyisinda ya Yesu niki, kandi bakabana ki?

6. Ekyahika okwa mubiri wa Yesu niki, aliriryo akakolha ki erikangania abigha biwe ngokw’abirisuba?

Ebibulyo eby’eryongerako:

1. Soma Matayo 27:62-66 na 28:1-15.

   Okw’ilhubuka lya Yesu, abahereri bakulhu, Abafarisayo, n’abalhume bakulhu-bakulhu mubahalya bathi okwa mulimu abuyirire? (Mt. 12:24, 31, 32; 28:11-15)

2. Soma Luka 24:1-12.

   Omwatsi w’erilhubuka lya Yesu, akakanganaya athi ngokwa Yehova akalhangira abakali ng’abema abayisiwa? (Luka 24:4, 9, 10; Mt. 28:1-7)

3. Soma Yoane 20:1-12.

   Yoane 20:8, 9 akathuwathikaya athi erighumisirizya thwamabya isithuli yitheghereraya ndeke-ndeke eribererera ly’obuminyereri bwe Biblia? (Emi. 4:18; Mt. 17:22, 23; Luka 24:5-8; Yn. 16:12)

Olhughano 103

1. Maria akabwira omulhume yaki oyo akalengekanaya eribya ya mutheya w’eririma, aliriryo ekikaleka inyaminya ngokwa ni Yesu niki?

2. Ekikahika okw’abakwenda babiri abakaghenda omwa kyalu kye Emau niki?

3. Ekindu ky’eriswekya ekikahika okw’abakwenda abigha babiri bakababwira ngoku balholire oku Yesu niki?

4. Ni mirundi yingahi Yesu akabuthukira okw’abigha biwe?

5. Toma akabugha athiki akowa indi abigha babirilhangira Omukama, aliriryo hakabya halhaba biro munani ekikabya niki?

Ebibulyo eby’eryongerako:

1. Soma Yoane 20:11-29.

   Omu Yoane 20:23 Yesu amanyisaya athi abandu banahamwirwe erighanyira ebibi? Soborera. (Esy. 49:2, 7; Isa. 55:7; 1 Tim. 2:5, 6; 1 Yn. 2:1, 2)

2. Soma Luka 24:13-43.

   Thwanga thegheka thuthi emithima yethu yithoke eryangirira ekwenene ye Biblia? (Luka 24:32, 33; Ezr. 7:10; Mt. 5:3; Emib. 16:14; Ebr. 5:11-14)

Olhughano 104

1. Okwa kiro kighuma ni bigha bangahi abakalhangira Yesu, kandi akababwira oku ki?

2. Obwami bwa Nyamuhanga niki, kandi engebe yikendi syabya yithi Yesu akathabalha ng’Omwami habw’ebirimo rukumi?

3. Yesu alhwe akabuthukira okw’abigha biwe ahabw’ebiro bingahi, aliriryo hathya ni buthuku bwiwe obw’erikolha ki?

4. Athalya sighania abigha biwe, Yesu akababwira athi bakole ki?

5. Ekikabya niki omwa kisasani, kandi Yesu akabisawa athi nuku syalhangirawe?

Ebibulyo eby’eryongerako:

1. Soma 1 Abanya Korinto 15:3-8.

   Ekyaleka omukwenda Paulo inyakania inyanaghumire kutsibu okw’ilhubuka lya Yesu niki, kandi ibbwa ni bindu ki eby’Abakristayo banga kaniako ibanaghumire? (1 Kor. 15:4, 7, 8; Isa. 2:2, 3; Mt. 24:14; 2 Tim. 3:1-5)

2. Soma Emibiri 1:1-11.

   Omubiiri w’erithulhughania engulhu mwahika hayi, ngokwa kyalhaghulhawa omwa Emibiri 1:8? (Emib. 6:7; 9:31; 11:19-21; Kol. 1:23)

Olhughano 105

1. Ngokwa ekisasani kikakanganaya, ekikahika okwa bigha ba Yesu abalhwe ibanalindirire omu Yerusalemu niki?

2. Ekikaswekaya abagheni abalya balhamira e Yerusalemu niki?

3. Petero akasoborera abandu baki?

4. Abandu bakayowa bathi babiri hulikirira Petero, kandi akababwira athi bakole ki?

5. Ni bandu bangahi abaka batizibawa okwa kiro ekyo ekye Pentekote, 33 C.E.?

Ebibulyo eby’eryongerako:

1. Soma Emibiri 2:1-47.

   1. Ebinywe bya Petero ebiri omwa Emibiri 2:23, 36 bikakanganaya bithi ngokw’abandu b’erihanga lye Yuda abosi babya kw’olhubanza olhw’olhuholho lhwa Yesu? (1 Tes. 2:14, 15)

   2. Petero mwakangania athi eky’erireberyako ekyuwene akakanirya ndeke omw’Amasako? (Emib. 2:16, 17, 29, 31, 36, 39; Kol. 4:6)

   3. Petero mwakolesya athi ekisumuruzyo eky’erimbere okwa ‘bisumuruzyo eby’obwami bw’elhubulha’ ebya Yesu asangawa inyabiri lhaghanisya erimuha? (Emib. 2:14, 22-24, 37, 38; Mt. 16:19)

Olhughano 106

1. Ekikahika oku Petero na Yoane erithungi ighuma bakaghenda omwa hekalu niki?

2. . Petero akabwira omulhume omulema yaki, kandi Petero akamuha ki ekilengire esyambulho?

3. Ekikaleka abakulhu b’amadini ibahithana niki, kandi bakakolera Petero na Yoane baki?

4. Petero akabwira abakulhu b’amadini baki, kandi ni kunga ki ery’abakwenda bakabana?

5. Ekikaleka abakulhu b’amadini ibakwa erihali niki, aliriryo ekikabya niki abakwenda bahirwa omwa muliki omurundi owakabiri?

6. Abakwenda bakabya balethwa omwa nyumba y’eribughiro bakasubiraya bathiki?

Ebibulyo eby’eryongerako:

1. Soma Emibiri 3:1-10.

   N’omwa thwangabya isithuwithe akaghalha ak’erikolha ebithiko-thiko munabwire, ebinywe bya Petero ebiri omwa Emibiri 3:6 bikathuwathikaya bithi erisima omubongo w’omwatsi w’Obwami? (Yn. 17:3; 2 Kor. 5:18-20; Fil. 3:8)

2. Soma Emibiri 4:1-31.

   Omughulhu thwangabana ery’endereribwa omwa mubiri w’erithulhughania, thwanga gherererya baghalha bethu Abakristayo ab’ekighonye eky’erimbere omunzira ki? (Emib. 4:29, 31; Efe. 6:18-20; 1 Tes. 2:2)

3. Soma Emibiri 5:17-42.

   Erilhua kera na munabwire, abathe Bema ba Yehova babirikangania bathi obulengekania obuwene okwa mubiiri w’erithulhughania? (Emib. 5:34-39)

Olhughano 107

1. Setefano nindi, kandi Nyamuhanga alhwe akamuwathikya erikolha ki?

2. Setefano akabugha ki ekikahithanaya kutsibu abakulhu b’amadini?

3. Abalhume bakabya bakurubanira Setefano y’eyihya sy’omuyi, bakamukolha ki?

4. Omwa kisasani, omulhwana mulere oyuwimene hakuhi n’esyakoti nindi?

5. Setefano athali aholha, akasaba Yehova yaki?

6. Thukagherererya Setefano, thutholere ithwakolha ki omundu amathukolha nabi?

Ebibulyo eby’eryongerako:

1. Soma Emibiri 6:8-15.

   Ni mitse ki ey’amabehi ey’abakulhu b’amadini babiri lengesya erikolesya erimania omubiiri ow’erithulhughania engulhu ow’Abema ba Yehova? (Emib. 6:9, 11, 13)

2. Soma Emibiri 7:1-60.

   1. Ekya wathikaya Setefano erilhwira ndeke engulhu yuwene embere sy’eribuyiro niki, kandi thwang’igha ki okw’eky’erireberyako kiwe? (Emib. 7:51-53; Abar. 15:4; 2 Tim. 3:14-17; 1 Pet. 3:15)

   2. Thutholere ithwabya na mibere ki eyiri abaka hakanisaya omubiiri wethu? (Emib. 7:58-60; Mt. 5:44; Luka 23:33, 34)

Olhughano 108

1. Saulo akakolha ki babir’itha Setefano?

2. Saulo akabya ane okwa lhughendo lhwiwe lhwe Damasiki, ni kindu eky’eriswekya ekikabya?

3. Yesu akabwira Saulo athi akole ki?

4. Yesu akalhaghira Anania yaki, kandi Saulo akathasyathoka athi erilhangira?

5. Ni rina ki erya Saulo akaminyawamu, kandi akakolesibawa athi?

Ebibulyo eby’eryongerako:

1. Soma Emibiri 8:1-4.

   Eryendererya eryahika okwa kithunga ky’Ekikrisitayo ekihya-kihya mulyakolha lithi eritsatsanga erikirirya ery’Ekikrisitayo, kandi ni kindu ki ekisosire ng’ekyo ekya biribya omwa mughulhu wethu ono? (Emib. 8:4; Isa. 54:17)

2. Soma Emibiri 9:1-20.

   Ni mibiiri isathu ki eya Yesu akangania kw’awithire Saulo? (Emib. 9:15; 13:5; 26:1; 27:24; Abar. 11:13)

3. Soma Emibiri 22:6-16.

   Thwangabya thuthi nga Anania, kandi busana naki ni ky’omubongo? (Emib. 22:12; 1 Tim. 3:7; 1 Pet. 1:14-16; 2:12)

4. Soma Emibiri 26:8-20.

   Saulo erihinduka mwa Mukristayo, kikahimba kithi abathahibwe n’abath’ikirirye munabwire? (Emib. 26:11; 1 Tim. 1:14-16; 2 Tim. 4:2; 1 Pet. 3:1-3)

Olhughano 109

1. Omwa kisasani, omulhume oyuk’unamira ahisi nindi?

2. Malaika akabwira Kornelio yaki?

3. Nyamuhanga akaleka Petero alhangire ki inyane okwa lhuthwe lhw’enyumba ya Simoni e Yopa?

4. Ekikaleka Petero inyabwira Kornelio athi syatholere erimunamira n’erimuramya niki?

5. Ekikaleka abigha Abayuda abali na Petero ibasweka niki?

6. Ni somo ki erikulhu erya thutholere ithw’ighira oku Petero akabalhamira Kornelio?

Ebibulyo eby’eryongerako:

1. Soma Emibiri 10:1-48.

   Ebinywe bya Petero ebikabanika omwa Emibiri 10:42 bikakanganaya ki okwa mubiiri ow’erithulhughania engulhu mbuya ey’Obwami? (Mt. 28:19; Mk. 13:10; Emib. 1:8)

2. Soma Emibiri 11:1-18.

   Petero mwakangania mibere ki omughulhu obusondole bwa Yehova erikwamana n’ab’Ebihanda bwaminyikalha ndeke-ndeke, kandi thwanga gherererya thuthi eky’erireberyako kiwe? (Emib. 11:17, 18; 2 Kor. 10:5; Efe. 5:17)

Olhughano 110

1. Omulhwana oyuli omwa kisasani nindi, ikere hayi, n’erina lya mama wiwe n’erya mukaka wiwe ni ahi?

2. Timoteo akabugha athiki Paulo abirimubulya ng’ananzire erighenda nayu na Sila erithulhughania engulhu okw’abandu b’ehali?

3. Abigha ba Yesu batsuka eryahulhwa mw’Abakristayo hayi?

4. Ni miyi nga yahi eya Paulo, Sila, na Timoteo bakabalhamira bakanalhua e Listra?

5. Timoteo akawathikaya athi Paulo, kandi abakiri balere batholere ibayibulya kibulyo ki?

Ebibulyo eby’eryongerako:

1. Soma Emibiri 9:19-30.

   Omukwenda Paulo mwakangania athi obwenge omughulhu asangana erihakanisibwa busana n’engulhu yuwene? (Emib. 9:22-25, 29, 30; Mt. 10:16)

2. Soma Emibiri 11:19-26.

   Omwatsi owasakangire omwa Emibiri 11:19-21, 26 akakanganaya athi ngoku omulimu wa Yehova ane musondolha n’eritheghekania omubiiri ow’erithulhughania engulhu?

3. Soma Emibiri 13:13-16, 42-52.

   Emibiri 13:51, 52 yikakanganaya yithi ngoku abakwenda mubatha ligha eryendererya lika baghunza amani? (Mt. 10:14; Emib. 18:6; 1 Pet. 4:14)

4. Soma Emibiri 14:1-6, 19-28.

   Ebinywe ebikabugha bithi ‘muba bahira omwa byalha bya Yehova’ bikathuwathikaya bithi erithendibya n’erihangya-hangya omughulhu thukawathikaya abahya-bahya? (Emib. 14:21-23; 20:32; Yn. 6:44)

5. Soma Emibiri 16:1-5.

   Timoteo eriyihayo athi abanibawe lika hira lithi omuwathu w’okwa mubongo ow’erikolha ‘ebindu byosi busana n’engulhu yuwene’? (Emib. 16:3; 1 Kor. 9:23; 1 Tes. 2:8)

6. Soma Emibiri 18:1-11, 18-22.

   Emibiri y’Abakwenda 18:9, 10 yikakanganaya ki erikwamana na Yesu iyo iyuwene-wene kwa namusondolha omubiiri w’erithulhughania engulhu, kandi ekyo kikathuha eriyikethera ki munabwire (Mt. 28:20)

Olhughano 111

1. Omwa kisasani, omulhwana oyukesirye okwa kithaka nindi, kandi ekyabya kyamuhikireko niki?

2. Paulo akakolha ki akalhangira omulhwana inyabiriholha?

3. Paulo, Timoteo, n’abakalendera nabo bali hayi, kandi ekikabya niki bak’imana e Mileto?

4. Omuminyereri Agabo akakunga Paulo y’athiki, kandi kika bererera kithi ngokwa muminyereri akabugha?

Ebibulyo eby’eryongerako:

1. Soma Emibiri 20:7-38.

   1. Thwanga sighalha thuthi ‘isithuli kw’olhubanza lhw’omusasi w’abandu abosi,’ erikwamana n’ebinywe bya Paulo ebiri omwa Emibiri 20:26, 27? (Eze. 33:8; Emib. 18:6, 7)

   2. Busana naki abasyakulhu b’ekithunga batholere “ibahamba ndeke ekinywe ky’ekwenene” bakakangirirya? (Emib. 20:17, 29, 30; Tito 1:7-9; 2 Tim. 1:13)

2. Soma Emibiri 26:24-32.

   Paulo mwakolesya athi omughisa ow’eribya ndulhani ye Roma eriberererya omubiiri wiwe ow’erithulhughania engulhu eyamuhebawa na Yesu? (Emib. 9:15; 16:37, 38; 25:11, 12; 26:32; Luka 21:12, 13)

Olhughano 112

1. Ekikahika okwa lyathu erya Paulo alimu niki likalhaba hakuhi n’ekizinga ekye Krete?

2. Paulo akabwira abali omwa lyathu athiki?

3. Elyathu likathulhangika lithi mwa bihandi-bihandi?

4. Omukulhu w’abasirikali akalhaghira athiki, kandi ni bandu bangahi abakasabukira okwa musike?

5. Ekizinga ekya bamahikako bakakyahulha bathi, kandi ekikahika oku Paulo niki obuthuku bukabya ndeke?

Ebibulyo eby’eryongerako:

1. Soma Emibiri 27:1-44.

   Eriyikethera lyethu omw’ihikerera lye bisakire ebiri omwa Biblia, likathuhimba lithi omughulhu thukasoma omwatsi wa Paulo akaghenda e Roma? (Emib. 27:16-19, 27-32; Luka 1:3; 2 Tim. 3:16, 17)

2. Soma Emibiri 28:1-14.

   Esyandulhani esyabya okwa kizinga kye Melita abathasi Nyamuhanga, bamabya imubakangania omukwenda Paulo n’ababya nayu omwa lyathu eryathulhangika ‘b’olhukeri lhunene,’ kwesi Abakristayo batholere ibakangania ki kandi kwilhabirirya omunzira ki? (Emib. 28:1, 2; Ebr. 13:1, 2; 1 Pet. 4:9)

Olhughano 113

1. Paulo akabya ane omwa muliki mwe Roma, akathulira engulhu yandi?

2. Omwa kisasani, omugheni oyuli okwa meza nindi, kandi akakolera Paulo yaki?

3. Epafrodito nindi, kandi akathwalha ki akasuba e Filipi?

4. Ekikaleka Paulo inya sakangira munywani wiwe ow’okwandungu ya Filemono y’enyawaliho niki?

5. Paulo akabya abiriboholhwa akakolha ki, n’enyuma waho ekikamuhikako niki?

6. Yehova akakolesaya ndi erisakanga ebitabu bye Biblia eby’erighunzerera, n’ekitabu ky’Eribisulirwa kikakanaya okuki?

Ebibulyo eby’eryongerako:

1. Soma Emibiri 28:16-31 na Abanya Filipi 1:13.

   Paulo mwa kolesaya athi obuthuku bwiwe inyane omwa muliki mwe Roma, kandi erikirirya liwe erikalire mulyahamba lithi okwa kithunga ky’Ekikrisitayo? (Emib. 28:23, 30; Fil. 1:14)

2. Soma Abanya Filipi 2:19-30.

   Ni binywe ki eby’erisima ebya Paulo abugha oku Timoteo na Epafrodito, kandi thwanga gherererya thuthi eky’erireberyako kya Paulo? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)

3. Soma Filemono 1-25.

   1. Paulo ahana Filemono erikolha ekitholere akasighikira okuki, kandi eki kikakolha kithi ng’eky’abasyakulhu b’ekithunga erilhangirirako munabwire? (File. 9; 2 Kor. 8:8; Gal. 5:13)

   2. Ebinywe bya Paulo ebiri omu Filemono 13, 14 bikakanganaya bithi ngokw’aby’asikirye obunya muthima-thima bw’abandi omwa kithunga? (1 Kor. 8:7, 13; 10:31-33)

4. Soma 2 Timoteo 4:7-9.

   Ng’omukwenda Paulo, thwangabya thuthi n’eriyikethera indi Yehova akendi syathuhemba thwamasighalha ithune abatheleghulha erihika okwa nduli? (Mt. 24:13; Ebr. 6:10)

Olhughano 114

1. Ekikaleka e Biblia iyakania okwa syasabayiri omwa lhubulha niki?

2. Olhuhi olhwa Nyamuhanga akendi lhwa n’abandu babi okwa kihugho lhuka hulhawa lhuthi, kandi ekighendererwa ky’olhuhi olhu niki?

3. Omwa kisasani, oyukendi syasondolha amalhwa nindi, ekikaleka inyambalha embitha niki, kandi omuyali wiwe akamanyisaya ki?

4. Erisuba nyuma omwa Lhughano 10 na 15, busana naki sithwanga sweka indi Nyamuhanga akendi syathoghothya abandu babi?

5. Esyangano 33, 36, na 76 sikathukanganaya sithi indi Nyamuhanga akendi syathoghothya abandu babi nomubanga yithwalha ng’abakamuramaya?

Ebibulyo eby’eryongerako:

1. Soma Eribisulirwa 19:11-16.

   1. Amasako akakanganaya athi ndeke-ndeke ngoku Yesu yuwikere okwa sabayiri enyeru-nyeru? (Erib. 1:5; 3:14; 19:11; Isa. 11:4)

   2. Omusasi owa yitsatsangire okwa lhukimba lhwa Yesu akaghumaya athi ngokwa erisingura liwe lyabiri thwibwamu kandi likendi syaberererya? (Erib. 14:18-20; 19:13)

   3. Ni bahi abakathekawa eribya ibane omw’abasirikali abakwamire Yesu inyane okwa sabayiri yiwe enyeru-nyeru? (Erib. 12:7; 19:14; Mt. 25:31, 32)

Olhughano 115

1. E Biblia yikakanganaya mibere ki eya thukendi syatsemera omwa kihugho Paradiso?

2. E Biblia yikalhaghanisaya ki abakendi sy’ikalha omwa Paradiso?

3. Yesu akendi syaletha embinduka eno eyuwene ya mughulhu wahi?

4. Omughulhu Yesu abya okwa kihugho, mwakolha ki erikangania eky’akendi syakolha abiribya Mwami w’Obwami bwa Nyamuhanga?

5. Yesu n’abo abakendi syathabalha nabu omwa lhubulha, bakendi syalhangira bathi bakakolha ki omughulhu basya thabalha ekihugho?

Ebibulyo eby’eryongerako:

1. Soma Eribisulirwa 5:9, 10.

   Busana naki ithwabya n’eriyikethera thuthi abakendi syathabalha ekihugho omwa birimo Rukumi bakendi syabya bami n’abahereri ab’olhukeri n’erighanyira? (Efe. 4:20-24; 1 Pet. 1:7; 3:8; 5:6-10)

2. Soma Eribisulirwa 14:1-3.

   Eribugha ambu erina lya Thatha n’erya Kyana ky’embuli lisakirwe okwa syambumo esye 144,000 kikamanyisaya ki? (1 Kor. 3:23; 2 Tim. 2:19; Erib. 3:12)

Olhughano 116

1. Thutholere ithwaminya ki thwamabya ab’erisyabyaho kera na kera?

2. Thwang’igha thuthi oku Yehova Nyamuhanga na Yesu, ngokwa kikanganibwe n’omumbesa omulere n’abanywani biwe omwa kisasani?

3. Ni kindi kitabu ki ekya wukalhangira omwa kisasani, kandi busana naki thutholere ithwakisoma mughulhu wosi?

4. Erihaku erigha oku Yehova na Yesu, ni kyahi ekindi ekikayithayisibawa erithunga engebe ey’erikotha?

5. Omwa Lhughano 69, thuk’igha mw’isomo ki?

6. Eky’erireberyako ekyuwene ekya Samweli akine mulere omwa Lhughano 55 kikakanganaya ki?

7. Thwanga kwama thuthi eky’erireberyako ekya Yesu Kristo, kandi thwamakolha thuthya, ithukendi syakolha ki omughulhu owakayasa?

Ebibulyo eby’eryongerako:

1. Soma Yoane 17:3.

   Amasako akakanganaya athi ngoku erigha oku Yehova Nyamuhanga na Yesu Kristo sikiri manyisaya erikwama kya bihambira omwa muthwe lisa? (Mt. 7:21; Yak. 2:18-20; 1 Yn. 2:17)

2. Soma Esyonyimbo 145:1-21.

   1. Ni nzumwa ki esya thuwithe esikaleka ithwa pipa Yehova? (Esy. 145:8-11; Erib. 4:11)

   2. Yehova ni ‘mubuya okw’abosi’ athi, kandi eki kitholere ikya thusegherya hakuhi nayu kithi? (Esy. 145:9; Mt. 5:43-45)

   3. Yehova amabya inyakatsemesaya omuthima wethu, ikikendi thusukuma erikolha ki? (Esy. 119:171, 172, 175; 145:11, 12, 21)